Miquéa 5:10 - Tupanaarü Ore

¹⁰ Rü Cori ya Tupana rü Iraétanüxü̃xü̃ ñanagürü: —Ngẽma ngunexü̃gu rü tá chanadai i perü cowarugü, rü ñu̱xũchi tá nagu chipogügü ya perü carugü ya daiwexü̃.

Miquéa 5:10 Referans Kwoze

Chacaría 9:10

Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Ochéa 1:7

Natürü ngẽma Yudáanecüã̱xgü rü tá choxü̃́ nangechaü̃tümüxü̃gü. Rü chomatama i norü Tupana nax chixĩxü̃ rü tá norü uanügüna íchanapoxü̃. Natürü taxũtáma ta̱xacürü churaragümaxã rüe̱xna naxnegümaxã rüe̱xna ngẽma churaragü i cowaruã́xü̃maxã tá norü uanügüna íchanapoxü̃ —ñanagürü ga Tupana.

Yeremía 3:23

Rü ngẽma Iraétanüxü̃ rü ñanagürügü: —Taxuwama toxü̃́ name nax ngüchitaerugüxü̃wa taxĩxü̃ rü ma̱xpǘnegüwa tayaxãũgatanüxü̃, erü cumax, Pa Torü Cori ya Tupanax, rü cuxicatama nixĩ i toxü̃ ícupoxü̃xü̃ nüxna i torü uanügü.

Ichaía 2:7

Rü ñaa nachixü̃anewa rü namuxũchi i úiru rü diẽru rü ngẽmaxü̃gü. Rü ñu̱xũchi namuxũchi i cowarugü, rü ngẽma carugü i daiwexü̃ rü taxucürüwa tayaxugü erü namuxũchi.

Wenaxarü naxümatü ga Tupanaarü mugü 17:16

Rü ngẽma ãẽ̱xgacü i nüxü̃ pexunetaxü̃ rü tama name nax nüma naxca̱x nataxexü̃ i muxũchixü̃ i cowarugü rü bai Equítuanewa nax namugüãxü̃ i duü̃xü̃gü nax to i cowarugüca̱x yataxegüxü̃ca̱x. Erü nüma ya Cori ya Tupana rü tüxna nanachu̱xu nax naxca̱x iwoeguxü̃ i ngẽma nachixü̃ane.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.