Miquéa 5:1 - Tupanaarü Ore

¹ ¡Rü ñu̱xma, Pa Yerucharéü̃x, ínamexẽxẽ i curü poxü̃ruxü̃! Erü marü cuxü̃ ínachomaeguãchi i curü uanügü. Rü poraãcü tá ngúxü̃ nüxü̃ ningexẽẽgü ya yimá Iraétanüxü̃arü ãẽ̱xgacü.

Miquéa 5:1 Referans Kwoze

Auxexü̃chiga 3:30

Rü ngẽxguma texé cuxü̃ pechametügu ¡rü taxũtáma cuxütanü! Rü narümemae nixĩ nax Tupanamaxã nüxü̃ quixuxü̃ i ngẽma nax nüma cuxü̃ naxütanüxü̃ca̱x.

Yox 16:10

Rü duü̃xü̃gü rü chauxü̃tawa naxĩ nax choxü̃ nacugüexü̃ca̱x rü choxna nawüa̱xgüxü̃ca̱x. Rü choxü̃ napegüchiwegüxü̃ca̱x nax ngẽmaãcü choxü̃ naxãnexẽẽgüxü̃ca̱x.

2 Corintios 11:20

Rü yáxna namaxã pexĩnüe i ngẽma duü̃xü̃gü i nügüxü̃́ pexü̃ puracüexẽẽxü̃, rü ngẽma ngetanüãcüma pexü̃ puracüexẽẽmarexü̃, rü ngẽma pexü̃ womüxẽẽgüxü̃, rü ngẽma pexü̃ oexü̃, rü ngẽma pexü̃ pechiwegüxü̃.

Ngechuchuarü ngúexü̃gü ga yamugüxü̃arü puracüchiga 23:2

Rü yexguma ga yema chacherdótegüaru ãẽ̱xgacü ga Ananía rü nanamu ga yema Pauruarü ngaicamana yexmagüxü̃ nax naã̱xwa tayama̱xgüxü̃ca̱x.

Ore i mexü̃ ga Cuáü̃ ümatüxü̃ 19:3

Rü ñu̱xũchi naxca̱x naxĩ, rü nüxü̃ nacugüeãcüma ñanagürügü nüxü̃: —¡Namaxü̃, Pa Yudíugüarü Ãẽ̱xgacüx! —ñanagürügü. Rü nanapechiwegü.

Ore i mexü̃ ga Cuáü̃ ümatüxü̃ 18:22

Rü yexguma Ngechuchu yema ñaxgu, rü wüxi ga Tupanapata ga taxü̃nearü purichía ga naxü̃tagu chíxü̃, rü Ngechuchuxü̃ napechiwe. Rü ñanagürü nüxü̃: —¿Tü̱xcüü̃ ngẽmaãcü cunangãxü̃ ya daa chacherdótegüarü ãẽ̱xgacü? —ñanagürü.

Ore i mexü̃ ga Matéu ümatüxü̃ 26:67

Rü yexguma rü Ngechuchuchiwewa nacua̱i̱xgüe. Rü nüxna nanacua̱i̱xcagü. Rü togü rü nanapegüchiwegü.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Ore i mexü̃ ga Matéu ümatüxü̃ 27:30

Rü nanacua̱i̱xgüe. Rü nüxna nanayauxgü ga guma naixmena̱xãxãcü, rü naeruwa namaxã nanacua̱i̱xcagü.

Ore i mexü̃ ga Matéu ümatüxü̃ 5:39

Natürü choma rü pemaxã nüxü̃ chixu rü tama name i pegütama ípepoxü̃ nüxna i duü̃xü̃ i chixexü̃ pemaxã üxü̃. Rü ngẽxguma texé cuxü̃ pechiwegu, rü name i curü tochiwe rü ta icunaxã nax ngéma rü ta cuxü̃ napechiwexü̃ca̱x.

Abacú 3:16

Rü yexguma nüxü̃ chaxĩnügu ga yema ãũcümaxü̃ i tá cuxüxü̃ rü chamuü̃, rü poraãcü chidu̱xruchicüra. Rü taxucürüwa ichachi rü guxü̃ma i chauxune rü ínayaturaãchi. Natürü woo ngẽmaãcü nax yixĩxü̃ rü mea tá íchananguxẽxẽ i ngẽma ngunexü̃ ya Tupana tá nagu guxchaxü̃ naxca̱x íngu̱xẽẽxü̃ i ngẽma churaragü i chixexü̃ tamaxã ügüxü̃.

Abacú 1:6

Rü choma rü tá ichanachigüxẽxẽ i ngẽma Cadéuanecüã̱xgü nax guxü̃wama dai naxügüxü̃ca̱x. Rü nümagü rü duü̃xü̃gü i tama togü i duü̃xü̃güxü̃ ngechaü̃güxü̃ nixĩgü, rü ínamemaregü nax nayauxanegüãxü̃ca̱x i ngẽma naanegü i tama noxrü ixĩxü̃.

Amúx 2:3

Rü norü duü̃xü̃güpe̱xewa tá íchanata̱xüchi i ngẽma norü ãẽ̱xgacü. Rü wüxigu norü ngü̃xẽẽruü̃gümaxã tá chanadai —ñanagürü ya Cori ya Tupana.

Joel 3:9

Rü name nixĩ i guxü̃ i nachixü̃anecüã̱xgümaxã nüxü̃ pixuxü̃ i ñaa ore. ¡Rü daica̱x pegü ípemexẽxẽ! ¡Rü penanutaque̱xe i perü churaragü! ¡Rü nua naxĩ rü inaxĩãchi i ngẽma churaragü!

Echequié 24:2

—¡Naxümatü i ñaa ngunexü̃! Erü ñaa ngunexü̃gu nixĩ i Babiróniaanearü ãẽ̱xgacü rü Yerucharéü̃ca̱x íyagoõchixü̃.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Ichaía 8:9

¡Pa Nachixü̃anegü i Yáxü̃wa Ngẽxmagüxü̃, iperüxĩnüe i ñaa ore! Rü woo aixta pexüegu nax daiwa pexĩxü̃ca̱x, rü tá pexchama pedai. Rü woo pegü pemexẽẽgügu nax daiwa pexĩxü̃ca̱x, rü tá pexchama peyue. Rü woo pegü pemexẽẽgügu nax daiwa pexĩxü̃ca̱x, rü tá pexchama íxraxü̃gu pepoü̃gü.

Norü taxre ga popera ga ãẽ̱xgacügüchiga 24:2

Natürü nüma ga Cori ya Tupana rü Yoaquíü̃ca̱x yéma nanamugü ga muxü̃ma ga ngĩ́ta̱xagüxü̃ ga Cadéugü, rü Chíriaanecüã̱xgü, rü Moáanecüã̱xgü, rü Amóü̃anecüã̱xgü nax nachixexẽẽgüãxü̃ca̱x ga norü naane, yema Cori ya Tupana norü duü̃xü̃gü ga orearü uruü̃güa̱xwa nüxü̃ yaxuxü̃rüxü̃.

Nüxíraxü̃xü̃ ga popera ga ãẽ̱xgacügüchiga 22:24

Rü yexguma ga Chedequía ga Quenaaná nane rü Micaíaca̱x nixũ rü nayapechiwe rü ñanagürü nüxü̃: —¿Ñuxgu nixĩ i Tupanaãẽ i choxna yaxũgachixü̃ nax cuxchiama cumaxã yadexaxü̃ca̱x? —ñanagürü.

Naanearü ügüchiga 35:19

Rü yemaacü nixĩ ga nayuxü̃ ga Raqué. Rü yema nama ga Efrátawa nadaxü̃gu ngĩxü̃ nata̱xgü. Rü guma ĩane ga Efráta rü ñu̱xma rü Beréü̃gu naxãéga.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Wenaxarü naxümatü ga Tupanaarü mugü 33:27

Rü yimá Cori ya Tupana ya guxü̃guma ngẽxmacü, rü nüma nixĩ i perü poxü̃ruxü̃ yixĩxü̃. Rü ngẽma norü pora i guxü̃guma nüxü̃́ ngẽxmaxü̃ rü perü ngü̃xẽẽruxü̃ nixĩ. Rü nüma nixĩ i pexna yabuxmüxẽẽãxü̃ i perü uanügü, rü nüma nixĩ i pexü̃ namuxü̃ nax penada̱i̱xü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 17:7

Rü yexgumaü̃cüxü rü Yudáanearü ĩane ga Beréü̃wa nayexma ga wüxi ga ngextü̱xücü ga tama yémacüã̱x ixĩcü. Rü nüma rü Lebítanüxü̃ nixĩ.

Ucu̱xẽgüchiga 8:23

Rü yemaacü noxriarü ügügu choxü̃ nango̱xẽxẽ naxü̃pa nax naxüaxü̃ ga ñoma ga naane.

Ichaía 9:5

Rü ngẽma botagü i churaragü nagu icuaixgüxü̃ rü ñu̱xũchi ngẽma naxchirugü i nagümaxã iducharaxü̃ rü üxüwa tá ínagugü, rü ngẽxma tá nixae rü inayarüxogü.

Echequié 21:32

Rü cumax, Pa Amóü̃x, rü tá quixa rü tá icuyarüxo. Rü yima cugü rü curü naanegu tá niya̱x. Rü taxúetama wena cuxna tacua̱xãchi. Rü choma ya Tupana nixĩ i nüxü̃ chixuxü̃ i ngẽma” —ñanagürü.

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.