Miquéa 4:9 - Tupanaarü Ore

⁹ Natürü i ñu̱xma, Pa Yerucharéü̃x, ¿rü ta̱xacüca̱x ñoma wüxi ya ngexe ya íxraxacüchaü̃xerüxü̃ aita cuxü? ¿Ẽ̱xna aixta cuxü erü cuwa rü marü nataxuma i curü ãẽ̱xgacü? ¿Ẽ̱xna marü nayu i ngẽma curü ucu̱xẽruxü̃?

Miquéa 4:9 Referans Kwoze

Yeremía 8:19

Rü ngẽma nax aixta naxüexü̃ i chorü duü̃xü̃gü rü guxü̃ i tachixü̃anegu nüxü̃ taxĩnü. Rü ñanagürügü: —Marü tama Chióü̃wa nangẽxma ya Cori ya Tupana. Rü marü nataxuma ya yima tachixü̃anearü ãẽ̱xgacü —ñanagürügü. Rü Cori ya Tupana nanangãxü̃ rü ñanagürü: —¿Tü̱xcüü̃ choxü̃ pinuxẽxẽ namaxã nax nüxü̃ picua̱xüü̃güxü̃ i ngẽma naxchicüna̱xãgü i tupananetagü i taxuwama mexü̃ i to i nachixü̃anearü ixĩxü̃? —ñanagürü.

Ochéa 10:3

Natürü nüma i ngẽma duü̃xü̃gü rü ñanagürügü tá: “Nataxuma ya tórü ãẽ̱xgacü nagagu nax tama Cori ya Tupanaxü̃ ingechaü̃güxü̃. ¿Natürü ta̱xacüwa chi tüxü̃́ namexü̃ i wüxi ya ãẽ̱xgacü?

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Auxexü̃chiga 4:20

Rü yimá tachixü̃anearü ãẽ̱xgacü ya Cori ya Tupana nüxü̃ unetacü ya tüxü̃ ípoxü̃cü rü ngẽma tórü uanügü rü marü nayayauxgü. Rü yimá tórü ãẽ̱xgacüchiga nixĩ ga ü̃pa ñagüxü̃: —Cuxme̱xwa tangexmagü nax toxü̃ ícupoxü̃xü̃ca̱x nüxna i ngẽma togü i nachixü̃anegü —ñagüxü̃.

Yeremía 50:43

Rü nüma ya Babiróniaanearü ãẽ̱xgacü rü ngẽxguma nüxü̃ nacuáchigagu nax ínangugüchaxü̃xü̃ i ngẽma uanügü, rü norü muü̃maxã inayanguãxẽ rü naxoegaãxẽ rü poraãcü ngúxü̃ ningẽgü ñoma wüxi i ngexü̃ i íxraxacüchaü̃xü̃rüxü̃.

Yeremía 22:23

Rü ñu̱xma i cumax, Pa Ãẽ̱xgacüx, rü cutaãxẽ nawa ya yima mexü̃ne ya ãẽ̱xgacüpata i Líbanuwa ne naxü̃ i ocayiwamaxã pexcüwagüne. Natürü ngúxü̃ tá quinge i ngẽxguma ngẽma ãũcümaxü̃gü cuxca̱x íngugügu, ñoma wüxi ya ngexe ya íxraxacüxe i ngúxü̃ ingexerüxü̃ —ñanagürü ga Cori ya Tupana.

Yeremía 4:21

¿Rü ñuxre i ngunexü̃ tá nüxü̃ chadauxü̃ ya tórü wonera, rü tá nüxü̃ chaxĩnüxü̃ ya cornéta ya daica̱x ngẽmane?

Ichaía 26:17

Rü cupe̱xewa, Pa Corix, rü toma rü ñoma wüxi ya ngexe ya tacharaü̃xe rü ngẽxguma marü taxíxraxacüchaü̃gu rü norü ngu̱xmaxã tügü rüxãũxü̃xe rü aita üxerüxü̃ tixĩgü.

Ichaía 21:3

Rü ngẽxguma nüxü̃ chada̱u̱xgu i ngẽma Cori ya Tupana Babiróniacüã̱xmaxã üxü̃ rü chauxune narüwẽ rü choxü̃́ nangu̱x rü chaugü charüxã̱ũ̱xü̃ ñoma wüxi i ngexü̃ i íxraxacüchaü̃xü̃rüxü̃. Rü yíxema duü̃xẽgü ya ngúxü̃ ingegüxe nax aita taxügüxü̃, rü tümaga rü taxuxü̃ma choxü̃ naxĩnüxẽxẽ. Rü ngẽxguma nüxü̃ chada̱u̱xgu rü chorü muü̃maxã chabaixãchi.

Ichaía 13:8

Rü tá poraãcü namuü̃e. Rü naxca̱x tá ínangu i taxü̃ i ĩ̱xãchiãxẽ. Rü poraãcü ngúxü̃ tá ningegü ñoma wüxi i ngecü i íxraxacüchaü̃cürüxü̃. Rü muü̃chametüãcü tá nügü narüdaunü rü norü ãnemaxã tá nayadauãchichametügü.

Ore i mexü̃ ga Cuáü̃ ümatüxü̃ 16:21

Ngẽxguma wüxi i nge íxraxacüchaü̃gu rü inaxĩ̱xãchiãẽ, erü inguxneca. Natürü ngẽxguma marü nabuxgu ya ngĩxacü, rü nüxü̃ iyarüngüma nax poraãcü ngĩxü̃́ nax nangu̱xchiréxü̃ i noxrix, erü tümamaxã itaãxẽ ya ngĩxacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:2

Rü yema nge rü itacharaü̃. Rü aita ixü yerü ixíraxacüchaü̃ rü poraãcü inguxneca.

Yeremía 48:41

Rü Moáanearü ĩanegü rü norü poxeguruü̃gü rü ngẽma uanügüme̱xẽgu tá nayi. Rü ngẽma ngunexü̃gu rü Moáanearü churaragü rü tá norü muü̃maxã nidu̱xrue ñoma wüxi i ngexe i íxraxacüxchaü̃xü̃rüxü̃.

Ochéa 13:13

Pa Iraéanecüã̱xgüx, pema rü tama peãẽxü̃ pecua̱x. Rü ñoma wüxi i buxü̃ i íxrachaü̃xü̃ rü chixri ixüxü̃rüxü̃ pixĩgü nax tama chauga pexĩnüechaü̃xü̃.

Miquéa 5:3

Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.

Yeremía 4:31

Nüxü̃ chaxĩnü i naga i ñoma wüxi ya ngexe ya ngexwaca íxraxacüxerüxü̃ ixĩxü̃. Rü ngẽma naga rü Chióü̃cüã̱xgüga nixĩ. Rü nümagü rü naxugüme̱xẽãcü ñaãcü naxauxe: —¡Chaugümaxã changechaü̃, erü choxü̃ tá nadai i ngẽma máetatanüxü̃! —ñaxü̃.

Yeremía 30:10

Rü choma ya Cori ya Tupana rü ñachagürü: —¡Taxṹ i pemuü̃exü̃, Pa Acóbutanüxü̃ i chorü duü̃xü̃gü pixĩgüxü̃! ¡Rü taxṹ i ta̱xacüca̱x peba̱i̱xãchiexü̃, Pa Iraétanüxü̃x! Erü choma rü tá pexü̃ rü pexacügüxü̃ íchanguxü̃xẽxẽ nawa i ngẽma yáxü̃guxü̃ i nachixü̃ane i nawa pegagüxü̃. Rü wenaxarü taãẽwa tá pemaxẽ rü taxũtáma i texé i pexü̃ ítaba̱i̱xgü.