Miquéa 4:8 - Tupanaarü Ore

⁸ Rü cumax, Pa Yerucharéü̃ i Iraétanüxü̃arü Poxü̃chicaxü̃ Ixĩxẽ i Ma̱xpǘne ya Chióü̃wa, rü wena táxarü guxü̃ i togü i Iraéanearü ĩanegüétüwa cungexma. Rü cuwa tá nixĩ i nangẽxmaxü̃ i ñaa nachixü̃anearü ãẽ̱xgacü —ñanagürü ya Tupana.

Miquéa 4:8 Referans Kwoze

Ichaía 1:26

Rü choma rü tá chanaxü nax wena pexü̃́ nangẽxmaxü̃ca̱x i ãẽ̱xgacügü i mexü̃ rü ucu̱xẽruü̃gü i mexü̃ ga yema noxri pexü̃́ yexmagüxü̃rüxü̃. Rü nawena nax marü ngẽma pemaxã chaxüxü̃, rü ngẽxguma ya yima perü ĩane ya Yerucharéü̃ rü wenaxarü Ĩane ya mexü̃arü üruü̃maxã rü Ĩane ya Tupanaga ĩnünemaxã tá nanaxugü.

Chacaría 9:10

Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:5

Rü ngéma rü tagutáma nachüta. Rü ngẽma norü duü̃xü̃gü, rü taxuca̱xtama nanaxwa̱xe i daparínaarü omü rü ẽ̱xna üa̱xcüarü ngóonexü̃, erü nümatama ya tórü Cori ya Tupana rü norü ngóonexẽẽruxü̃ tá nixĩ. Rü nümagü rü guxü̃gutáma ãẽ̱xgacügü nixĩgüecha.

Chacaría 9:12

Rü pema i ñu̱xma yáxü̃gu pepoxcuexü̃, natürü ípenangu̱xẽẽama nax perü ĩaneca̱x tá pewoeguxü̃. ¡Rü ẽcü perü ĩaneca̱x pewoegu! Rü pemaxã nüxü̃ chixu rü pema i poraãcü ngúxü̃ nax pingegüxü̃ rü ngẽmaarü yexera tá poraãcü pexü̃ charüngü̃xẽxẽxü̃.

Abdía 1:21

Rü ngẽma Iraétanüxü̃ ga norü uanügüxü̃ rüporamaegüxü̃ rü tá naxca̱x nawoegu ya yima ma̱xpǘne ya Chióü̃ nax ngéma namaxã inacua̱xgüxü̃ca̱x i ngẽma máxpü̱xanexü̃ i Echaútanüxü̃arü ixĩxü̃. Rü nüma ya Cori ya Tupana tá nixĩ i guxü̃arü ãẽ̱xgacü yixĩxü̃.

Naanearü ügüchiga 35:21

Rü nüma ga Iraé ga Acóbugu ãégacü rü ínixũãma rü yema daxũtaechica ga Édexarü yéama nangu.

Efesios 1:21

Rü yemaacü guxü̃étüwa nanayexmaxẽxẽ. Rü ngẽmaca̱x i ñu̱xma rü Cristume̱xẽwa nangẽxmagü i guxü̃ma i daxũguxü̃ i naanecüã̱x i ãẽ̱xgacügü rü guxü̃ma i ñoma i naanecüã̱x i ãẽ̱xgacügü rü guxü̃ma i pora i ñu̱xma ngẽxmagüxü̃ rü guxü̃ma i pora i yixcüra tá ngẽxmagüxü̃.

Ore i mexü̃ ga Márcu ümatüxü̃ 12:1

Rü Ngechuchu rü inanaxügü ga ore ga cua̱xruü̃gügu ixuxü̃maxã nax nangúexẽẽtaexü̃. Rü ñanagürü nüxü̃: —Nayexma ga wüxi ga yatü ga norü naanegu úbanecü ücü. Rü ínanapoxegu, rü nanaxü ga wüxi ga úbaarü yauxtüxü̃ruxü̃, rü wüxi ga dauxü̃taechica nax yemawa nax dauxü̃taegüxü̃ca̱x. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü to ga nachixü̃anewa naxũ.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

2 Chamué 5:7

Natürü nüma ga Dabí rü norü churaragümaxã nagu naxĩgüama ga guma ma̱xpǘne ga Chióü̃ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i ñu̱xma i Dabíarü Ĩane ñaãcü naxugüãxü̃.

Iraétanüxü̃arü muxchiga 24:19

Rü Acóbutanüxü̃wa tá nango̱x i wüxi i ãẽ̱xgacü i guxãxü̃tama rüporamaexü̃. Rü tá nanadai i norü uanügü i ĩanewa yaxǘgüxü̃ —ñanagürü.

Ore i mexü̃ ga Matéu ümatüxü̃ 21:33

Rü ñanagürü ta ga Ngechuchu: —Chanaxwa̱xe i iperüxĩnüe i ñaa to i ore i cua̱xruxü̃ i tá pemaxã nüxü̃ chixuxü̃. Rü nayexma ga wüxi ga yatü ga nüxü̃́ nayexmacü ga wüxi ga norü naane. Rü yexma nanato ga muxü̃ma ga ori̱x ga úba. Rü ñu̱xũchi ínanapoxegu, rü nanaxü ga wüxi ga úbaarü yauxtüü̃chica rü wüxi ga dauxü̃taechica. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü wüxi ga to ga nachixü̃ane ga yáxü̃guxü̃wa naxũ.

Danié 7:18

Natürü ngẽmawena rü Cori ya Tupana ya Guxü̃étüwa Ngẽxmacü rü tá norü duü̃xü̃güna nanaxã i pora nax norü naanemaxã inacua̱xgüxü̃ca̱x. Rü guxü̃gutáma norü nixĩ.

Ichaía 5:2

Rü nanaxaiegumüane rü inananugü ga nutagü rü yema rümemaexü̃ ga úba yexma natogü. Rü yemanecügu nanaxü ga wüxi ga dauxü̃taechica rü wüxi ga nachica ga bínu nawa naxüxü̃. Rü nüma ga chomücü rü nagu narüxĩnü nax yema úba rü chi yamaixcuraxü̃ ga norü o, natürü ga yema úbagü rü ningúchia̱x ga norü o.

Ichaía 10:32

Rü ñu̱xma i ngẽma uanügü rü ĩane ya Nóxwa nayachaxãchitanü, rü wüxi i cua̱xruxü̃ nügüna naxãgü nax Yerucharéü̃arü ma̱xpǘne ya Chióü̃ca̱x íyaxüãchixü̃ nax tüxü̃ nada̱i̱xü̃ca̱x.

Wiyaegü 48:3

Rü Yerucharéü̃wa ngẽxmane ya ãẽ̱xgacüpatagüwa nixĩ i nangẽxmaxü̃ ya Tupana. Rü nüma ya Tupana rü nügü nango̱xẽxẽ nax yima ĩanearü poxü̃ruxü̃ ya aixcüma poracü yixĩxü̃.

Wiyaegü 61:3

Erü cuma nixĩ i chorü dauruxü̃ quixĩxü̃. Rü cuma rü ñoma wüxi i poxü̃chicaxü̃ i taxucürüwa ta̱xacürü uanü nawa ngugüxü̃rüxü̃ quixĩ.

Miquéa 2:12

Rü nüma ya Cori ya Tupana rü ñanagürü: —Choma rü tá chanangutaque̱xexẽxẽ i guxü̃ma i Acóbutanüxü̃. Rü ñoma carnérugü i wüxiwa ingexmagüxẽẽxü̃rüxü̃ rü tá chanade i ngẽma íyaxügüxü̃ i Iraétanüxü̃ i aixcüma chauga ĩnüexü̃. Rü woo taxũtáma namu natürü ñoma namuxü̃rüxü̃ tá tagaãcüma naxãũgatanü.

Neemía 3:25

Rü nawena rü Pará ga Uchái nane nixĩ ga namexẽẽxü̃ ga yema naxtapü̱xarü üye ga ínapoxü̃wa yexmaxü̃, norü to̱xma̱xtawa ga yema dauxü̃taechica ga máchanexü̃ ga ãẽ̱xgacüpatawa rütoxü̃ ga poxcupataxü̃a̱xtüwa. Rü yemawena rü Pedaía ga Paró nane nixĩ ga namexẽẽxü̃ ga yema naxtapü̱xarü üye ga yéama daxü̃.

Wiyaegü 24:7

¡Rü piwãxnagü, Pa Nũxcümaü̃xü̃ i Ĩã̱xgüx! ¡Rü pengeenügü nax yaxücuxü̃ca̱x ya yimá guxãarü Ãẽ̱xgacü ya üünecü ya poracü!

Charumóü̃arü wiyae 4:4

Rü cunaxã rü namexẽchi naxrüxü̃ ya yima torre ya nutanaxca̱x ga Dabíaxü̃́ naxügüãcü naxnearü chogüruxü̃. Rü yima torrewa narütugü i 1,000 i poxü̃ruü̃gü i ãtachinüxü̃ i yatügü i poraxü̃ namaxã nügü ípoxü̃güxü̃.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.