Miquéa 4:11 - Tupanaarü Ore

¹¹ Ñu̱xma rü marü muxü̃ i nachixü̃anecüã̱xgü cuxca̱x nügü nanutaque̱xegü rü ñanagürügü: —Rü tá tataãxẽgü i ngẽxguma nüxü̃ idaugügu nax guxchaxü̃gu nanguxü̃ i Yerucharéü̃ —ñanagürügü.

Miquéa 4:11 Referans Kwoze

Abdía 1:12

Rü yema ngunexü̃ ga guxchaxü̃ nüxü̃ ngupetüxü̃gu ga peenexẽgü ga Acóbutanüxü̃, rü pemax, Pa Echaútanüxü̃, rü taxũchima name ga namaxã petaãẽgüama ga yema nüxü̃ ngupetüxü̃. Rü yema ngunexü̃ ga guxchaxü̃wa nagu nayexmagüxü̃gu ga Yudáanecüã̱xgü, rü taxũchima name ga pemax petaãẽgüama namaxã ga yema nüxü̃ ngupetüxü̃. Rü yexguma ngúxü̃wa nayexmagügu rü pema rü taxũchima name ga nüxü̃ pecugüeama.

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.

Yeremía 52:4

Rü yexguma 9 ga taunecü marü ãẽ̱xgacü yixĩxgu ga Chedequía ga Yudáanewa, rü gumá taunecüarü 10 ga tauemacügu rü nüma ga Nabucudonochó rü guxü̃ma ga norü churaragümaxã Yerucharéü̃ca̱x ínayaxüãchi rü nüxü̃ ínachomaeguãchi. Rü guma ĩanetapü̱xwa waixü̃mümaxã nanagünagügü nax yemawa nagu nachocuxü̃ca̱x ga guma ĩane.

Wiyaegü 129:5

Rü ngẽma Chióü̃arü uanügü rü chanaxwa̱xe nax yaxãneetanüãchixü̃ rü taxcha̱xwa yabuxmüxü̃.

Ichaía 10:7

Natürü nüma i Achíriaanearü ãẽ̱xgacü rü tama ngẽmagu narüxĩnü rü tama naãẽwa nangẽxma i ngẽma. Rü ngẽma nüma nagu naxĩnüxü̃ nixĩ nax wüxicana duü̃xü̃güxü̃ nada̱i̱xü̃ rü muxü̃ma i nachixü̃anegümaxã inacuáxü̃.

Ichaía 17:12

Rü dücax, nüxü̃ pexĩnüe i ngẽma churaragü i muxũchixü̃ i perü uanügü i ãũgatanüxü̃ ñoma már arü yuapegü ãũgaxü̃rüxü̃. Rü ngẽma nixĩ i naga nax wáita naxüexü̃ i nachixü̃anegü i perü uanügü ixĩgüxü̃. Rü naga rü ñoma dexá i yuapexü̃ i tama íyachaxãchixü̃garüxü̃ nixĩ.

Ichaía 29:7

Rü guxü̃ma i ngẽma muxũchixü̃ i uanügü i Yerucharéü̃ca̱x íyaxüãchixü̃ nax nagu napogüexü̃ca̱x i naxtapü̱xgü rü norü duü̃xü̃güxü̃ ínayauxü̃xü̃ca̱x rü tá nibuxmü. Rü ñoma wüxi i nanegürüxü̃ rüe̱xna wüxi i ngo̱xetürüxü̃ tá narütauxe.

Echequié 26:3

Rü ngẽmaca̱x i choma ya Iraétanüxü̃arü Cori ya Tupana rü ñacharügü: “Pa Ĩane ya Tírux, choma rü tá cumaxã charüxuanü. Rü muxü̃tama i nachixü̃anegü rü tá cumaxã narüxuanügü. Rü ñoma már arü yuapegürüxü̃ tá cuxca̱x ínayaxüãchi.

Wiyaegü 83:5

Pa Tupanax, cuxca̱x nügümaxã nangutaque̱xegü rü wüxigu nügümaxã inaxügagü nax curü duü̃xü̃güxü̃ nada̱i̱xü̃ca̱x.

Echequié 38:17

Rü choma ya Cori ya Tupana rü nüxü̃ chixu rü ñacharügü: “Pa Góx, cuchiga nixĩ ga chidexaxü̃ ga yexguma ü̃pa chorü duü̃xü̃gü i Iraéanearü orearü uruü̃güwa chidexagu. Rü yexguma ga nümagü rü nanaxunagügü nax Iraéanewa tá cuxü̃ chaxũxẽxẽxü̃ nax naxca̱x ícuyagoõchixü̃ca̱x i ngẽma Iraétanüxü̃”, ñachagürü.

Chacaría 12:3

Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.