Biblia Todo Logo
Bib sou entènèt

- Piblisite -




Miquéa 3:9 - Tupanaarü Ore

9 ¡Iperüxĩnüe i pema i Iraéanearü Ãẽ̱xgacügüx rü pema i Iraétanüxü̃maxã icua̱xgüxe! Pema rü naxchi pexaie i ngẽma mexü̃, rü ñu̱xũchi ípeyatoxẽxẽ i ngẽma mexü̃.

Gade chapit la Kopi




Miquéa 3:9
16 Referans Kwoze  

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.


Nangexma i taxre i nacüma ya Tupana tama namaxã taãẽxü̃: Wüxi nixĩ nax tama napoxcuxü̃ i ngẽma duü̃xü̃ i chixexü̃ üchiréxü̃, rü to nixĩ nax tüxü̃ ipoxcuxü̃ ya yíxema tama chixexü̃ üchiréxe.


“Rü ngẽma duü̃xü̃ i wüxi ya duü̃xẽ ya to i nachixü̃anecüã̱xmaxã chixri icuáxü̃, rüe̱xna wüxi ya yutéxemaxã chixri icuáxü̃, rüe̱xna wüxi ya taxcutamaxã chixri icuáxü̃ rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.


Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?


Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.


¡Rü ngéma naxũ rü nangutaque̱xexẽxẽ i guxü̃ma i Iraétanüxü̃arü ãẽ̱xgacügü, rü namaxã nüxü̃ ixu rü ñacugürü nüxü̃!: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü gumá nixĩ ga cha̱u̱xca̱x ngócü. Rü gumátama nixĩ ga chomaxã nüxü̃ ixucü nax pegu naxĩnüxü̃ rü nüxü̃ nacuáxü̃ nax ñuxãcü chixri pemaxã nachopetüxü̃ i ngẽma Equítuanecüã̱xgü.


Ngẽma ãẽ̱xgacügü i guxchaxü̃arü mexẽẽruü̃gü rü wüxi i chixexü̃ naxügü ega yange̱xgüãgu i ngẽma duü̃xü̃ i aixcüma chixexü̃ üxü̃ rü tama tümaga naxĩnüegu ya yíxema mexü̃ ǘxe.


Ngẽma duü̃xü̃gü i chixexü̃gu maxẽxü̃, rü ngẽma norü chixexü̃gu tátama nixĩ i nayuexü̃, erü tama mexü̃ca̱x nadaugü.


Rü ngẽma chacherdótegü rü nanaxwa̱xe nax chorü duü̃xü̃güxü̃ nangúexẽẽxü̃ nax nüxü̃ nacua̱xgüxü̃ca̱x nax ngexü̃ yixĩxü̃ i ngẽma üünexü̃ rü ñu̱xũchi ngexü̃ yixĩxü̃ i ngẽma chixexü̃. Rü ngẽxgumarüxü̃ ta nanaxwa̱xe nax nangúexẽẽãxü̃ nax ngexü̃ yixĩxü̃ i ngẽma chope̱xewa mexü̃ rü ngexü̃ yixĩxü̃ i ngẽma chope̱xewa ãũãchixü̃.


Rü yexguma Yudáanearü ãẽ̱xgacügü yixĩgügu ga Yotáü̃ rü Acháx rü Echequía, rü yexguma nixĩ ga Cori ya Tupana ga Miquéa ga Moréchecüã̱xü̃ nawéaxü̃ ga yema guxchaxü̃gü ga ĩane ga Chamáriaca̱x tá ínguxü̃ rü ĩane ga Yerucharéü̃ca̱x tá ínguxü̃.


Rü yemaca̱x chayangagü ga yema Yudátanüxü̃arü ãẽ̱xgacügü, rü ñachagürü: —Chixexü̃ nixĩ i pexüxü̃, erü tama penaxaure i ngü̃chigaarü ngunexü̃.


Ngẽma ãẽ̱xgacü i chixexü̃ ega guxchaxü̃ namexẽẽgu, rü bexma diẽru ngĩxü̃ nayaxu nax ngẽmaãcü íyatóxẽẽãxü̃ca̱x i ngẽma mugü i mechiréxü̃.


Rü ngẽma duü̃xü̃gü i pexü̃tawa ĩxü̃ nax penamexẽẽxü̃ca̱x i norü guxchaxü̃gü rü pema, Pa Ãẽ̱xgacügüx, rü tama aixcüma nüxü̃́ penamexẽxẽ. Rü ngẽmaca̱x tama nataãxẽ i duü̃xü̃gü erü tama mugü nüxü̃ ixuxü̃ãcüma penaxü.


Swiv nou:

Piblisite


Piblisite