Miquéa 3:5 - Tupanaarü Ore

⁵ Rü ngẽma chorü duü̃xü̃gü rü nacüma i chixexü̃gu naxĩ nagagu i ngẽma orearü uruü̃güneta i doramaxã nangúexẽẽxü̃. Rü yíxema õna nüxna ãxe rü ngẽma orearü uruü̃güneta taãxẽ tümamaxã naxuegu. Natürü yíxema tama õna nüxna ãxe rü dai tümamaxã naxuegu.

Miquéa 3:5 Referans Kwoze

Yeremía 6:14

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Yeremía 23:32

Rü namaxã chanu i ngẽma orearü uruü̃güneta i doramare i nanegügüxü̃ ixugüxü̃. Rü ngẽma norü doragümaxã, rü ñu̱xũchi ngẽma nüxü̃ yaxugünetaxü̃maxã chorü duü̃xü̃güxü̃ ínatüexẽxẽ. Choma rü tama chanamuanetanü i ngẽma orearü uruü̃güneta, rü bai nax namaxã nüxü̃ chixuxü̃ nax nüxü̃ yaxugüxü̃ca̱x i ngẽma ore. Rü ngẽmaca̱x taxuwama nime nax chorü duü̃xü̃güxü̃ nangü̃xẽẽgüxü̃. Rü chomatama ya Cori ya Tupana nixĩ i ngẽma ñachaxü̃ —ñanagürü ya Cori ya Tupana.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Ore i mexü̃ ga Matéu ümatüxü̃ 15:14

Rü nüetama i ngẽma Parichéugü, erü nümagü rü namaarü cua̱xruü̃gü i ngexetüxü̃ nixĩgü. Rü ngẽxguma wüxi i ngexetüxü̃ rü naxrüxü̃ ngexetüxü̃maxã inacua̱xgu rü ngürüãchi ngẽma taxre rü wüxi i ãxmaxü̃gu tá nügümaxã nayayicu —ñanagürü.

Ore i mexü̃ ga Matéu ümatüxü̃ 7:15

Rü naxca̱x pexuãẽgü i ngẽma dorata̱a̱xgüxü̃ i nügü ixugünetaxü̃ nax Tupanaarü orearü uruü̃gü yixĩgüxü̃. Erü nümagü rü ñoma carnérugü i tama ãũcümaxü̃rüxü̃ pepe̱xewa nügü nixĩgüxẽxẽ, natürü norü ĩnüwa rü ñoma dauxchitacüã̱x i airugü i düraexü̃rüxü̃ nixĩgü.

Maraquía 2:8

Natürü i pemax, Pa Chacherdótegüx, rü nüxna pixĩgachi i ngẽma ore i mexü̃. Rü ngẽma perü ngu̱xẽẽtaemaxã muxẽma ya duü̃xẽgü chixexü̃gu tüxü̃ peyixẽxẽ. Rü ngẽmaãcü i pemax rü ípeyatóxẽxẽ ga yema uneta ga perü o̱xigü ga Lebítanüxü̃maxã nüxü̃ chixuxü̃.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Miquéa 2:11

Rü ngẽxguma chi ínanguxgu i wüxi i orearü uruü̃neta i doraxü̃mare ixuxü̃, rü ñaxgu: “Rü ñu̱xma rü choma rü chanaxunagü rü marü name i peyaxaxüxü̃ i bínu rü tooma i axchixügü”, ñaxgu, rü pexca̱x rü ngẽma nixĩ i wüxi i mexü̃ma i orearü uruxü̃ ixĩxü̃ —ñanagürü ya Tupana.

Yeremía 23:27

Rü ngẽma nanegügü i nügümaxã nüxü̃ yaxugüexü̃maxã choxü̃ nüxü̃ inarüngü̃maexẽẽchaxü̃ i chorü duü̃xü̃gü, yexgumarüxü̃ ga yema nũxcümaü̃güxü̃ ga norü o̱xigü nax choxü̃ iyanangümaexü̃ nax Baáwe naxĩxü̃ca̱x.

Ichaía 3:12

Rü wüxi i buxü̃mare nixĩ i ngẽma chorü ĩanewa ãẽ̱xgacüwa nügü írüporaxü̃, rü ngexü̃gü nixĩ i ĩanemaxã icua̱xgüxü̃. Pa Chorü Ĩanecüã̱xgüx, ngẽma perü ãẽ̱xgacügü rü pexü̃ niwomüxẽẽgümare rü ñu̱xũchi chixexü̃ i nacümawa pexü̃ nagagü.

Joel 3:9

Rü name nixĩ i guxü̃ i nachixü̃anecüã̱xgümaxã nüxü̃ pixuxü̃ i ñaa ore. ¡Rü daica̱x pegü ípemexẽxẽ! ¡Rü penanutaque̱xe i perü churaragü! ¡Rü nua naxĩ rü inaxĩãchi i ngẽma churaragü!

Ucu̱xẽgüchiga 28:21

Ngẽma guxchaxü̃arü mexẽẽruxü̃, rü tama name nax tama guxãga naxĩnüxü̃. Rü nangẽxma i duü̃xü̃gü i pecadugu nguxü̃ woo wüxi i íxraxü̃ i paũca̱x.

Yeremía 6:4

Rü ngẽma norü uanügü rü ñanagürügü: —¡Pegü ípimexẽxẽgü erü Yerucharéü̃cüã̱xgüxü̃ ta tadai! ¡Nua pexĩ, erü tocuchigu tá nixĩ i nada̱i̱xü̃! Natürü wüxi i taxü̃ i ngechaü̃ nixĩ erü marü nayáuane rü nachütachaü̃.

Auxexü̃chiga 2:14

Rü yema curü orearü uruü̃günetagü naxca̱x ngo̱xetüxü̃ rü wüxi ga doramare nixĩ. Rü tama cumaxã nüxü̃ nixugüe ga yema curü pecadu ga cuxüxü̃. Rü yemaacü tama nayanaxoxẽxẽ ga yema guxchaxü̃gü ga nawa cungexmaxü̃ i ñu̱xma nax to ga nachixü̃anewa nagagüxü̃ ga curü duü̃xü̃gü. Natürü ga cumax, Pa Yerucharéü̃x, rü cuyaxõ ga yema ore ga doramare ixĩxü̃ ga cumaxã nüxü̃ yaxugüexü̃ ga yema orearü uruü̃güneta.

Echequié 13:9

Rü choma rü tá chanapoxcue i ngẽma orearü uruü̃güneta i doramarexü̃ daugüxü̃ rü doramarexü̃ ixugüxü̃. Rü nümagü rü taxũtáma Iraétanüxü̃arü ãẽ̱xgacügütücumüwa naxügü. Rü taxũtáma ngẽma Iraétanüxü̃ nagu iwǘgüxü̃ i poperagu tá niwügü. Rü ngẽxguma to i nachixü̃anewa nagagügu rü taxũtáma wena Iraéaneca̱x nawoegu. Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana.

Ochéa 4:5

Rü cuma rü ngunecü tátama nagu cungu i ngẽma guxchaxü̃. Rü nüma ya yima orearü uruü̃neta rü chütacü cuxrüxü̃tátama nagu nangu. Rü choma rü tá chanadai i curü duü̃xü̃gü.