Miquéa 3:2 - Tupanaarü Ore

^2-3 Pema rü naxchi pexai i ngẽma mexü̃ rü perü me nixĩ i ngẽma chixexü̃. Rü pema rü ñoma woca imáxü̃rüxü̃ pixĩgü namaxã i chorü duü̃xü̃gü. Rü pema rü ñoma woca icauxcha̱xmüxü̃rüü̃ãcü namaxã ipecua̱x. Rü peyacua̱i̱xgü rü ñoma namachi i íxraxü̃gu chexexü̃ nax imuxraxü̃rüxü̃ namaxã pechopetü i ngẽma chorü duü̃xü̃gü.

Miquéa 3:2 Referans Kwoze

Echequié 22:27

Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.

Ucu̱xẽgüchiga 28:4

Ngẽma nüxna ixĩgachitanüxü̃ i Cori ya Tupanaarü mugü, rü nüxü̃ nicua̱xüü̃gü i ngẽma chixexü̃ ügüxü̃. Natürü ngẽma naga ĩnüexü̃ i Coriarü mugü, rü tama namaxã nataãẽgü i ngẽma chixexü̃ ügüxü̃.

Wiyaegü 53:4

Rü ngẽma chixexü̃ ügüxü̃ rü nangeãẽgümare rü paxãma nanachixexẽxẽ i chorü duü̃xü̃gü. Rü ngẽma tama Tupanaga ĩnüexü̃ rü chorü duü̃xü̃güxü̃ inarüxoxẽẽgü ñoma paũ ingõ̱xgurüxü̃. Rü ngẽma duü̃xü̃gü rü taguma nayumüxẽgü nax Tupanaarü ngü̃xẽẽca̱x nadaugüxü̃ca̱x.

Romanos 12:9

Rü name nixĩ i aixcüma meama pegü pengechaü̃gü i wüxichigü. ¡Rü nüxü̃ pexo i guxü̃ma i ta̱xacü i chixexü̃ ixĩxü̃! ¡Rü nagu pexĩ i ngẽma aixcüma mexü̃ ixĩxü̃!

Ichaía 3:15

¿Texé pexü̃ tamu nax chixexü̃gu penayixẽẽxü̃ i chorü duü̃xü̃gü, rü chixri tümamaxã ipecuáxü̃ ya yíxema duü̃xẽgü ya ngearü ngẽmaxü̃xã̱xgüxe? —ñanagürü ya Cori ya Tupana ya Guxãétüwa Ngẽxmacü.

Norü taxre ga to ga popera ga ãẽ̱xgacügüchiga ümatüxü̃ 19:2

Natürü Tupanaarü orearü uruxü̃ ga Yeú ga Ananí nane rü naxca̱x nixũ rü nüxna naca rü ñanagürü: —¿Tü̱xcüü̃ nüxü̃ curüngü̃xẽxẽ i ngẽma chixexü̃ üxü̃ rü namaxã cuxãmücü i ngẽma Tupanaarü uanügü? Rü ngẽmaca̱x nixĩ ya Cori ya Tupana i cumaxã nanuxü̃.

Nüxíraxü̃xü̃ ga popera ga ãẽ̱xgacügüchiga 21:20

Rü nüma ga Acáx rü Eríaxü̃ nangãxü̃ rü ñanagürü: —¿Cumax, Pa Chorü Uanüx, rü choxü̃ icuyangauama? —ñanagürü. Rü nüma ga Ería rü nanangãxü̃ rü ñanagürü nüxü̃: —Ngü̃, cuxü̃ ichayangau nax cumaxã nüxü̃ chayarüxuxü̃ca̱x nax Cori ya Tupanape̱xewa poraãcü chixexü̃ nax cuxüxü̃.

Norü taxre ga popera ga Timutéuca̱x naxümatüxü̃ ga Pauru 3:3

Rü taxúexü̃ tá nangechaü̃gü, rü taxúe tá nüxü̃́ nangechaü̃tümüü̃gü. Rü tá naxoregüta̱a̱xgü, rü taxũtáma yáxna namaxã naxĩnüe i naxü̃nearü ngúchaü̃gü. Rü tá nichixecüma, rü tá naxchi naxaie i guxü̃ma i ngẽma mexü̃.

Romanos 1:32

Rü nümagü i ngẽma duü̃xü̃gü rü meama nüxü̃ nacua̱xgüchire̱x rü Tupana rü marü namaxã nanaxuegu nax noxtacüma nayuexü̃ i ngẽma duü̃xü̃gü i ngẽmaãcü maxẽxü̃. Natürü woo meama nüxü̃ nacua̱xgüchire̱x i guxü̃ma i ngẽma, natürü nanaxügüama i ngẽma chixexü̃, rü nataãẽgü ega togü naxü̱xgu.

Ore i mexü̃ ga Cuáü̃ ümatüxü̃ 18:40

Rü yexguma ga guxü̃ma ga yema duü̃xü̃gü, rü tagaãcü aita naxüe, rü ñanagürügü: —Tama tanaxwa̱xe nax cuyangéxü̃ i ngẽma yatü. Rü Barabá waxi nixĩ i tanaxwa̱xexü̃ nax cuyangéxü̃ —ñanagürügü. Rü yema Barabá rü wüxi ga máẽtaxü̃ nixĩ.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Ore i mexü̃ ga Luca ümatüxü̃ 19:14

Natürü yema ĩanecüã̱x ga duü̃xü̃gü rü naxchi naxaie ga gumá yatü. Rü yemaca̱x nawenaãma nayamugü ga ñuxre ga orearü ngeruü̃gü nax nachixü̃anearü ãẽ̱xgacümaxã nüxü̃ yanaxugüxü̃ca̱x nax tama nanaxwa̱xegüxü̃ nax norü ãẽ̱xgacüxü̃ nax yixĩxü̃ca̱x ga gumá yatü.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Echequié 34:3

Rü pema rü ngẽma carnérugüarü lechi pixaxgü rü naxta̱xawa penaxü i pexchirugü rü penadai i ngẽma carnérugü i rümemaegüxü̃ nax namaxã pexãwemügüxü̃ca̱x, natürü tama mea nüxna pedaugü.

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

Ichaía 57:12

Natürü ñu̱xmata pemaxã nüxü̃ chixu rü ngẽma pexüxü̃ i pexca̱x mexü̃ rü taxuwama name.

Echequié 11:7

Rü ngẽmaca̱x i choma i Cori ya Tupana rü pexü̃ ñachagürü: Yerucharéü̃ rü ñoma wüxi ya buetarerüxü̃ tá nixĩ, natürü ngẽma buetarearü namachi rü taxũtáma pema pixĩxgü, rü yíxema pema tüxü̃ pedaixe tá tixĩgü. Rü choma rü tá pexü̃ nawa íchamuxü̃ ya Yerucharéü̃.

Echequié 24:4

¡Rü yayaxu i wüxi i carnéru i rümemaexü̃! ¡Rü ngẽma panerawa nawoü̃ i ngẽma namachi i rümemaexü̃ i naperemawa rü nawemüxü̃wa üxü̃! ¡Rü ngéma nawoü̃ ta ya naxchina̱xãgü ya rümemaegüne! ¡Rü nangĩxtatüxü̃, rü poraãcü yadocaxẽxẽ ñu̱xmata meama nangẽ́xẽx ya naxchina̱xãgü!” —ñanagürü.

Miquéa 2:8

Rü pemax, Pa Ãẽ̱xgacügüx, rü Tupana rü ñanagürü pexü̃: —Pema rü namaxã perüxuanü i ngẽma chorü duü̃xü̃gü. Rü yixema churaragü i daiwa ne ĩxẽ rü tataãẽgü erü nagu tarüxĩnüe rü tümapatawa rü marü taxuxü̃táma ta̱xacürü guxchaxü̃ tüxü̃ nangupetü. Natürü ngẽxguma ítangugügu rü pema rü tüxna penapu i tümachiru i mexü̃.

Miquéa 7:2

Rü ñoma i naanewa rü marü nataxuma i duü̃xü̃gü i mexü̃gu rüxĩnüexü̃ rü Tupanamaxã ixaixcümagüxü̃. Rü wüxichigü rü naxca̱x nadau nax ñuxãcü guxchaxü̃ togueca̱x naxüxü̃. Rü ngẽxguma guxchaxü̃ ngẽxmagu, rü guxü̃ma rü ínamemare nax nügü nada̱i̱xü̃.

Miquéa 7:3

Rü nümagü rü nüxü̃ nicua̱xüchi nax naxügüãxü̃ i guxchaxü̃gü. Rü ngẽma ãẽ̱xgacügü rü naxca̱x ínacagü nax nüxü̃́ naxütanügüãxü̃. Rü ãẽ̱xgacügü i guxchaxü̃arü mexẽẽruü̃gü rü ngẽma nüxü̃́ naxütanüxü̃étüwaama naxü. Rü ngẽma diẽruã̱xü̃chixü̃ rü nanaxügü i ngẽma nagu naxĩnüexü̃ rü ngẽmaãcü nanachixexẽxẽ ya ĩane.

Ichaía 5:20

¡Rü pegümaxã pengechaü̃gü! Erü ngẽma nacüma i mexü̃ rü pexca̱x nachixe, rü ngẽma nacüma i chixexü̃ rü pexca̱x name. Rü ngẽma ngóonexü̃ rü pexca̱x waanexü̃ nixĩ, rü ngẽma waanexü̃ rü pexca̱x ngóonexü̃ nixĩ. Rü ngẽma üxüxü̃ rü pexca̱x maixcuraxü̃ nixĩ. Rü ngẽma maixcuraxü̃ rü pexca̱x üxüxü̃ nixĩ.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 5:15

¡Rü naxchi pexaie i ngẽma chixexü̃! ¡Rü nüxü̃ pengechaxü̃ i ngẽma mexü̃! ¡Rü aixcüma mea penamexẽxẽ i tümaarü guxchaxü̃ i ngẽxguma texé pepe̱xewa tayamexẽxẽchaü̃gu! Rü bexmana ngẽmaãcü tá nixĩ ya Cori ya Tupana ya Guxãétüwa Ngẽxmacü rü tümamaxã yaxãũxãchixü̃ ya yíxema Iraétanüxü̃ ya íyaxügüxe.