Miquéa 2:9 - Tupanaarü Ore

⁹ Rü pema nax ãẽ̱xgacügü pixĩgüxü̃ rü yíxema ngexegüna penapu ya yima tümapata ya nügümaxã tüxü̃́ wüxicane. Rü yíxema tümaxacügü rü nawa tüxü̃ ípewoxü̃ ya yima ĩpata i tüxna chaxãxü̃ne.

Miquéa 2:9 Referans Kwoze

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Echequié 39:21

Rü ngẽmaãcü tá nixĩ i ngẽma togü i nachixü̃anegüpe̱xewa ichanawéxü̃ i chorü pora. Rü guxü̃ma i ngẽma togü i nachixü̃anegü rü tá nüxü̃ nadaugü nax ñuxãcü tá nüxna naxca̱x chacaxü̃ i norü chixexü̃gü ga inaxügüxü̃chiga, rü ñuxãcü poxcu naxca̱x íchanguxẽẽxü̃.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Ore i mexü̃ ga Luca ümatüxü̃ 20:47

Rü tüxü̃ nawomüxẽẽgüãcüma tüxna nanapuxü̃ ya tümapatagü ya yíxema yutegüxe. Rü ñu̱xũchi nanama̱xẽxẽ i norü yumüxẽgü nax duü̃xü̃gü nagu rüxĩnüexü̃ca̱x nax aixcüma mexü̃gü yixĩgüxü̃. Natürü nümagü tá nixĩ i yexeraãcü napoxcuexü̃ —ñanagürü.

Ore i mexü̃ ga Márcu ümatüxü̃ 12:40

Natürü tüxna nanapuxü̃ ya tümapatagü ya yíxema yutegüxe. Rü ñu̱xũchi nanama̱xẽxẽ i norü yumüxẽgü nax duü̃xü̃gü nagu rüxĩnüexü̃ca̱x nax aixcüma mexü̃gü yaxĩgüxü̃. Natürü nümagü tá nixĩ i yexeraãcü napoxcuexü̃ —ñanagürü.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Chacaría 2:5

Natürü Tupana rü nüxü̃ nixu rü ñanagürü: ‘Chomatama tá nixĩ i norü poxeguxü̃ruxü̃ i üxüemanaxca̱x chixĩxü̃. Rü yima ĩanearü ngãxü̃wa tá chanango̱xẽxẽ i chorü pora rü chorü üüne’ ” —ñanagürü ya Tupana.

Miquéa 2:2

Rü nüxü̃́ nangúchaü̃gü i toguxearü naanegü, rü nügüxü̃́ nanayauxgü. Rü nüxü̃́ nangúchaü̃gü i toguxepatagü rü tüxna nanayauxgü. Rü chixri nanaxütanü rü ngẽmaãcü tüxna nayapu ya tümapata. Rü ngẽmaãcü tangepata rü tangeane ya yíxema norü yora tümaãcügümaxã.

Joel 3:6

Rü yáxü̃wama penagagü ga yema Yudáanecüã̱xgü rü Yerucharéü̃cüã̱xgü, rü ñu̱xũchi puracütanüxü̃xü̃ Griégugüxü̃ namaxã petaxegü.

Yeremía 10:20

Rü chopatagü ya naxchirunaxca̱x rü marü nichixe, rü guxü̃ma i ngẽma nacunügü rü nicauyegü. Rü chaunegü rü nua choxü̃ nata̱xgü rü ñu̱xma rü marü natauxe. Rü marü tataxuma nax texe wena choxü̃ naxüxü̃ ya yima chopatagü ya naxchirunaxca̱x ixĩgüne. Rü marü tataxuma nax texe choxü̃ yangeechigüxü̃ i naxchirugü.

Wiyaegü 72:19

Rü name nixĩ i guxü̃guma duü̃xü̃gü nüxü̃ nicua̱xüü̃gü i naéga i üünexü̃. Rü name nixĩ i guxü̃ma i ñaa naane rü namaxã napaxü̃ i norü üüne. ¡Rü ngẽmaãcü yixĩ!

1 Chamué 26:19

Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.