Miquéa 2:7 - Tupanaarü Ore

⁷ ¿Ẽ̱xna toma i Acóbutaagü nax tixĩgüxü̃ rü Tupana rü chixexü̃ tomaxã naxuegu? ¿Ẽ̱xna ya Tupana rü marü nüxü̃ narüxo nax yáxna tomaxã naxĩnüxü̃? ¿Rü ngẽmaãcü ẽ̱xna yixĩxü̃ i nacüma ya Tupana? ¿Tama ẽ̱xna i tüxü̃ nangü̃xẽxẽxü̃ i Tupanaarü ore ya yíxema aixcüma mea nagu maxẽxe?

Miquéa 2:7 Referans Kwoze

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Yeremía 15:16

Rü yexguma chomaxã quidexagu rü choma rü chanayaxu ga curü ore. Rü yema curü ore nixĩ ga choxü̃ poraxẽẽxü̃ rü choxü̃ taãẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.

Wiyaegü 15:2

Rü yíxema tüxü̃́ nataxúxe i chixexü̃, rü mexü̃ üxe, rü aixcüma mexü̃ i orexü̃ ixuxe,

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Ichaía 50:2

¿Rü ta̱xacüca̱x tama texéxü̃ nua chayangau ga yexguma nua chaxũxgu? ¿Rü yexguma nua ichacagügu rü ta̱xacüca̱x taxúema choxü̃ tangãxü̃? ¿Ẽ̱xna nagu perüxĩnüe nax tama chaporaxü̃ nax togüme̱xẽwa pexü̃ chapuxü̃xü̃? ¿Ẽ̱xna nagu perüxĩnüe nax tama chaporaxü̃ nax pexü̃ íchanguxü̃xẽxẽxü̃ naxme̱xwa i perü uanü? Rü aixcüma pemaxã nüxü̃ chixu rü choma choxü̃́ nangẽxma i pora nax chanamuxü̃ i már rü natügü nax yachegüxü̃ca̱x rü ngẽmaãcü naxnücüane nax yaxĩgüxü̃ca̱x rü choxnigü rü ngearü dexáã́xü̃maxã nayuexü̃ rü yayixexü̃.

Ucu̱xẽgüchiga 28:18

Ngẽma yatü i mexü̃gu maxü̃xü̃ rü taxuca̱xma poxcu namaxã taxuegu. Natürü ngẽma yatü i chixexü̃gu maxü̃xü̃ rü tá poxcu naxca̱x ínangu.

Ucu̱xẽgüchiga 10:29

Cori ya Tupana rü ínanapoxü̃ i ngẽma duü̃xü̃gü i mexü̃gu maxẽxü̃, natürü ngẽma duü̃xü̃gü i chixexü̃gu maxẽxü̃, rü nayanaxoxẽẽgü.

Ucu̱xẽgüchiga 10:9

Yimá yatü ya mea maxü̃cü rü taxuca̱xma namuü̃, natürü ngẽma chixexü̃gu maxü̃xü̃, rü norü chixexü̃gutama nangu.

Norü taxre ga popera ga Timutéuca̱x naxümatüxü̃ ga Pauru 3:5

Rü tá nügü nayaxõgünetaxẽxẽ natürü ngẽma norü chixexü̃ i naxügüxü̃wa tá nango̱xoma nax tama aixcüma yaxõgüãxü̃ i ngẽma ore i mexü̃. Rü ngẽma duü̃xü̃gü i ngẽmaãcü maxẽxü̃, rü tama name nax namaxã cuxãmücüxü̃ rü natanügu cuxãxü̃.

2 Corintios 6:12

Rü toma rü tama pexü̃ taxoe, natürü pemawaxi nixĩ i tama toxü̃ pengechaxü̃güxü̃.

Romanos 7:13

¿Natürü ñuxãcü nixĩ i ngẽma i ñu̱xmax? ¿Ẽ̱xna yema mugü yixĩxü̃ ga yuwa choxü̃ gaxü̃? Dücax, tama ngẽmaãcü nixĩ. Rü ngẽma pecadu nixĩ i Tupanaarü mugü i mexü̃maxã yoxniẽxü̃ nax yuwa choxü̃ nagaxü̃ca̱x. Rü yemaacü ga yema mugü i mexü̃ choxü̃ nüxü̃ nacua̱xẽxẽ nax poraãcü nachixexü̃ ga yema pecadu.

Ore i mexü̃ ga Cuáü̃ ümatüxü̃ 8:39

Rü nümagü rü Ngechuchuxü̃ nangãxü̃ rü ñanagürügü: —Torü o̱xi nixĩ ga Abráü̃ —ñanagürügü. Natürü Ngechuchu nanangãxü̃ rü ñanagürü nüxü̃: —Ngẽxguma chi aixcüma Abraáü̃taxa pixĩgügu rü chi Abráü̃ üxü̃rüxü̃ penaxü.

Ore i mexü̃ ga Matéu ümatüxü̃ 3:8

¡Rü name nixĩ nax Tupana naxwa̱xexü̃ãcüma pemaxẽxü̃ nax ngẽmaãcü guxü̃ma i duü̃xü̃gü nüxü̃ nadaugüxü̃ca̱x nax aixcüma marü nüxü̃ perüxoexü̃ i ngẽma pecüma i chixexü̃!

Miquéa 3:9

¡Iperüxĩnüe i pema i Iraéanearü Ãẽ̱xgacügüx rü pema i Iraétanüxü̃maxã icua̱xgüxe! Pema rü naxchi pexaie i ngẽma mexü̃, rü ñu̱xũchi ípeyatoxẽxẽ i ngẽma mexü̃.

Yeremía 2:4

¡Pa Acóbutaagü Pa Iraétanüxü̃x, rü iperüxĩnüe i norü ore ya Cori ya Tupana!

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ucu̱xẽgüchiga 14:2

Yimá yatü ya mecümacü, rü Cori ya Tupanaga naxĩnü. Natürü ngẽma yatü i chixexü̃ i nacümagu maxü̃xü̃, rü tama Cori ya Tupanaga naxĩnü.

Ucu̱xẽgüchiga 2:7

Nüma ya Cori ya Tupana nixĩ i tüxü̃ nangü̃xẽẽxü̃, rü tüxna nadauxü̃ ya yíxema aixcüma nape̱xewa mea maxẽxe rü taxuxü̃ma i chixexü̃ ügüxe.

Wiyaegü 119:65

Pa Cori Pa Tupanax, choma nax curü duü̃xü̃ chixĩxü̃, rü mea choxna cudau, ngẽma chomaxã icuxunetaxü̃rüxü̃.

Iraétanüxü̃arü muxchiga 11:23

Natürü nüma ga Cori ya Tupana rü nanangãxü̃ rü ñanagürü: —¿Cuma nagu curüxĩnügu i ngẽma chorü pora rü naxíraxü̃? Rü ñu̱xma tá nüxü̃ cudau nax aixcüma tá yanguxü̃ i ngẽma nüxü̃ chixuxü̃ —ñanagürü.

Wiyaegü 119:68

Rü cuma rü cumecüma, rü mexü̃ cuxü. ¡Rü choxü̃ nanguxẽxẽ i curü mugü!

Wiyaegü 18:26

Rü cuma rü aixcüma tüxü̃ curüngü̃xẽxẽ ya yíxema cuga ĩnüxe, natürü ngẽma tama cuga ĩnüxü̃ rü cuma nüxü̃ cucua̱x nax ñuxãcü tá cunapoxcuxü̃.