Miquéa 2:5 - Tupanaarü Ore

⁵ —Natürü ngẽxguma nachixü̃aneca̱x nawoegu̱xgu i chorü duü̃xü̃gü rü pema i ñu̱xma diẽruã̱xgüxe rü tá pengearü naaneã̱x i natanüwa —ñanagürü ya Tupana.

Miquéa 2:5 Referans Kwoze

Yochué 18:4

Rü ñu̱xma rü chanaxwa̱xe i wüxitücumüwachigü nüxü̃ pexuneta i tomaepü̱x i yatü nax choma chanamuãchitanüxü̃ca̱x nax yangugügüãxü̃ca̱x i ngẽma naane i tauxta inuxü̃. Rü ngẽxguma nawoegu̱xgu rü chanaxwa̱xe i chomaxã nüxü̃ nixugüe i ngẽma naanechiga nax ngẽmaãcü nüxü̃ chacuáxü̃ca̱x nax ñuxãcü tá ichayanuxü̃ i ngẽma naane.

Wenaxarü naxümatü ga Tupanaarü mugü 32:8

Rü wüxi ga ngunexü̃gu ga Cori ya Tupana ya Guxãétüwa Ngẽxmacü, rü nayatoye ga duü̃xü̃gü rü wüxitücumüchigüna nanaxã ga norü naane nax yéma nayexmagüxü̃ca̱x. Rü ñu̱xũchi nüxü̃ naxuneta ga norü naanegüarü üyeanegü. Natürü natanüwa ga yema togü ga natücumügü, rü nüma ga Cori ya Tupana rü noxrüxü̃ nüxü̃ naxuneta ga Iraétanüxü̃, yerü woetama norü duü̃xü̃gü nixĩgü ga yema Acóbutanüxü̃.

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Wiyaegü 16:6

Rü yema naane ga choxna üxü̃ nixĩ ga yema rümemaexü̃. Rü namexẽchi nixĩ i ngẽma choxna cuxãxü̃.

Neemía 7:61

Rü yema duü̃xü̃gü ga ĩanegü ga Tex-mérawa, rü Tex-archáwa, rü Querúxwa, rü Adóü̃wa, rü Iméwa ne ĩxü̃ ga tama nüxü̃ nacua̱xgüxü̃ rü aixcüma Iraétanüxü̃ yixĩgü rü ñaagü nixĩ:

Wenaxarü naxümatü ga Tupanaarü mugü 23:8

Rü ngẽma Edóü̃tanüxü̃ rü Equítuanecüã̱xgü rü marü name nax nataagüxacügü rü Tupanaarü duü̃xü̃güarü ngutaque̱xegu nachocu.

Wenaxarü naxümatü ga Tupanaarü mugü 23:2

Rü yíxema ngürüwaxü̃marexe rü taxucürüwama Tupanaarü duü̃xü̃güarü ngutaque̱xegu taxücu, rü woo nataagü i tá ingóetanüxü̃ rü taxucürüwama ngẽxma nachocu woo norü 10 i natücumüwa nangu i ngẽma ngexwaca ingóetanüxü̃.

Iraétanüxü̃arü muxchiga 34:13

Rü nüma ga Moiché rü Iraétanüxü̃xü̃ naxuxcu̱xẽ, rü ñanagürü nüxü̃: —Ngẽma nixĩ i naane i sortéuãcü tá pegü pinuxü̃, yema Cori ya Tupana nüxü̃ ixuxü̃rüxü̃ naxca̱x i ngẽma 9 tücumü i Iraétanüxü̃ rü ñu̱xũchi ngẽma ngãxü̃tücumü i Manachétanüxü̃.

Iraétanüxü̃arü muxchiga 34:16

Rü yemawena ga Cori ya Tupana rü Moichémaxã nidexa rü ñanagürü nüxü̃: —Nüma ya chacherdóte ya Ereachá rü Yochué i Núü̃ nane tá nixĩ i pexü̃ yanuxü̃ i ngẽma naane.

Norü taxre ga popera ga ãẽ̱xgacügüchiga 17:23

Rü yemaca̱x ga Cori ya Tupana rü düxwa Iraéanecüã̱xgüna nixũgachi, yema guxü̃ma ga norü orearü uruxü̃güwa nüxü̃ yaxuxü̃rüxü̃. Rü yemaacü ga yema Iraéanecüã̱xgü, rü Achíriaanewa nanagagü. Rü yexguma nachiga naxümatügu rü yématama nayexmagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:18

Rü yemaca̱x Acóbumaxã nüxü̃ nixu rü ñanagürü nüxü̃: “Choma rü tá cuxna chanaxã i guxü̃ma i ñaa Canaáü̃ane nax guxü̃gutáma cuxrü rü cutaagüarü yixĩxü̃ca̱x”, ñanagürü.