Miquéa 2:3 - Tupanaarü Ore

³ Rü ngẽmaca̱x ya Cori ya Tupana rü ñanagürü: —Choma rü ta choxü̃́ nangẽxma i wüxi i ĩnü i perü guxchaxü̃ca̱x tá ixĩxü̃. Rü pexca̱x tá íchananguxẽxẽ i wüxi i guxchaxü̃ i taxucürüwa na̱xcha̱xwa pibuxmüxü̃. Rü ngẽmaãcü taxũtáma pegü picua̱xüü̃güãcü ipeyarüxĩĩxü̃, erü taxü̃ i guxchaxü̃ tá pexca̱x ínangu.

Miquéa 2:3 Referans Kwoze

Amúx 5:13

Rü ngẽmaca̱x ya yíxema tümaãẽxü̃ cuáxe rü tangeã̱xmare erü ñomaü̃cüxü rü nataxüchi i chixexü̃.

Yeremía 8:3

Rü ngẽma duü̃xü̃gü i chixexü̃ ügüxü̃ i ñu̱xma maxẽxü̃wa íyaxügüxü̃, rü choma rü tá to i nachixü̃anegu chanawoone. Rü ngẽma ínachamugüxü̃wa rü tá nagu narüxĩnüe rü chi narümemae ga noxtacüma nax nayuexü̃ rü tama namaxẽxü̃. Rü chomatama ya Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma ore —ñanagürü.

Yeremía 18:11

Dücax, Pa Yeremíax, ¡rü namaxã nüxü̃ ixu i guxü̃ma i Yudáanecüã̱xgü rü Yerucharéü̃cüã̱x i duü̃xü̃gü rü choma ya Cori ya Tupana rü ñacharügü nüxü̃: “Ñu̱xma rü marü nagu charüxĩnü nax pexü̃ chapoxcuexü̃! ¡Rü nüxü̃ perüxoe i ngẽma chixexü̃ i nagu pemaxẽxü̃, rü penamexẽxẽ i pecüma, rü mexü̃ pexügü!” ñacharügü nüxü̃.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Auxexü̃chiga 5:5

Rü torü uanügü rü poraãcü toxü̃ napuracüexẽxẽ. Rü tipaexüchi erü taguma toxü̃ ínarüngü̃exẽxẽ.

Auxexü̃chiga 2:17

Rü nüma ga Cori ya Tupana rü marü nayanguxẽxẽ ga yema nagu naxĩnüxü̃. Rü marü nayanguxẽxẽ ga yema norü ore ga nüxü̃ yaxuxü̃. Rü marü tama nüxü̃́ nangechaü̃tümüxü̃ãcüma nagu napogü ga guma ĩane ga Yerucharéü̃. Rü nüma rü curü uanügüaxü̃́ nanatauxchaxẽxẽ nax cuxü̃ nacugüexü̃. Rü nanaporaexẽxẽ nax cumaxã inacuáxü̃ca̱x.

Efesios 5:16

¡Rü ñu̱xma nax Tupana pexü̃́ natauxchaxẽẽxü̃ rü peyoxniẽ nax penaxüxü̃ i ngẽma nüma nanaxwa̱xexü̃! Erü ñomaü̃cüü rü muxü̃ma i chixexü̃gü ínangugü.

Romanos 16:4

Rü nümagü rü ãũcümaxü̃wa nichocu nax chauétüwa nachogüexü̃ca̱x nax tama chayuxü̃ca̱x ga chomax. Rü ngẽmaca̱x moxẽ nüxna chaxã. Rü tama chaxicatama moxẽ naxca̱x nüxna chaxã, natürü moxẽ nüxna naxãgü ta i guxü̃ma i taenexẽgü i yaxõgüxü̃ i tama Yudíugü ixĩgüxü̃.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Amúx 2:14

Rü woo yíxema ibuxmüxẽ rü taxuacüma ngẽma poxcucha̱xwa tibuxmü. Rü yíxema rüporamaechiréxe rü tá tangearü poraã̱x rü taxúetama tügü ítapoxü̃ woo ya yíxema tama muü̃xe.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Auxexü̃chiga 1:14

Rü Cori ya Tupana rü marü nüxü̃ nadau i chorü pecadu i nümatama chowa yanaxĩcuchixü̃ ñoma wüxi i naixmena̱xã i toxcunaxãruxü̃. Rü ngẽma pecadu rü ñoma toxcunaxãruxü̃ ya yáxü̃nerüxü̃ choxü̃́ nayá. Rü marü nagu̱x i chorü pora. Rü nüma ya Cori ya Tupana rü chorü uanügüme̱xẽgu choxü̃ nanguxẽxẽ, rü ngẽmaca̱x taxucürüwa chaugü íchapoxü̃.

Yeremía 36:23

Rü nüma ga Yeudí rü ãẽ̱xgacüca̱x nüxü̃ nadaumatü ga yema popera. Rü yexguma tomaepü̱xchimüü̃ rüe̱xna ãgümücüchimüxü̃ nagu̱xuchixẽẽgu ga nüxü̃ nax nadaumatüxü̃, rü nüma ga ãẽ̱xgacü rü norü cüxchi tüxü̃ nayaxu rü ínanawíe ga yema marü nüxü̃ nadaumatüxü̃, rü üxüwa nayata̱xcuchi. Rü yemaacü nanaxü rü ñu̱xmata nagu ga guxü̃ma ga yema popera.

Yeremía 34:17

Rü ngẽmaca̱x i choma ya Cori ya Tupana rü ñachagürü: ‘Pema rü tama chauga pexĩnüe rü wena penayauxgü i ngẽma petanüxü̃ i mugüruü̃gü rü penapuracüexẽxẽ. Rü ngẽmaca̱x tá pexü̃ chapoxcue rü tá pexca̱x chayange̱x i ngẽma dai rü da̱xaweane rü taiya, nax ngẽma taxü̃ i chixexü̃ i pexü̃ ngupetüxü̃ rü wüxi i cua̱xruxü̃ yixĩxü̃ca̱x nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü choma ya Cori ya Tupana nixĩ i nüxü̃ chixuxü̃ i ngẽma’ ” —ñanagürü.

Yeremía 27:12

Rü choma i Yeremía rü Chedequía ga Yudáanearü ãẽ̱xgacümaxã nüxü̃ chixu ga guxü̃ma ga yema ore. Rü ñu̱xũchi nüxü̃ ñachagürü: —Ngẽxguma ngẽma Babiróniaanearü ãẽ̱xgacüme̱xẽwa rü norü duü̃xü̃güme̱xẽwa pegü pengẽxmagüxẽẽgu rü tá pemaxẽ.

Ichaía 5:19

Rü pema rü ñaperügügü: —¡Paxa naxü ya Cori ya Tupana i ngẽma naxüxchaü̃xü̃, nax nüxü̃ idauxü̃ca̱x! ¡Rü Tupana ya Üünecü ya Iraéanearü Tupana rü paxa yanguxẽẽã i ngẽma nagu naxĩnüxü̃ nax nüxü̃ icuáxü̃ca̱x i ngẽma tá naxüxü̃! —ñaperügügü.

Ichaía 3:16

Cori ya Tupana rü ngexü̃gü i Yerucharéü̃cüã̱xgüxü̃ ñanagürü: —Pa Ngexü̃güx i Chióü̃cüã̱xgü i Pegü Írütagüxex, pema rü daxũgu duü̃xẽcha̱xwa pedawenüãcü ipexĩ. Rü pegü picua̱xüü̃ãcüma ipexĩ. Rü ngẽmaãcü penaxãgaxẽxẽ i perü ngã̱xãẽruü̃gü i pexme̱xtüxüwa ngẽxmagüxü̃.

Wenaxarü naxümatü ga Tupanaarü mugü 28:48

Rü nüxü̃́ tá cupuracü i ngẽma curü uanügü i Cori ya Tupana tá cutanüwa mugüxü̃. Rü taiya tá cuxü̃́ nangu̱x, rü ta̱xawa tá quinge, rü tá cungexchiru, rü taxuxü̃táma cuxü̃́ nangẽxma. Rü nüma ya Cori ya Tupana rü ngúxü̃ tá cuxü̃ ningexẽxẽ, rü curü uanügüarü mugüruxü̃ tá cuxü̃ nixĩxẽxẽ ñu̱xmatáta ngẽmagu cuyu.

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!

Amúx 3:2

Rü ñanagürü: —Dücax, rü natanüwa i guxü̃ma i duü̃xü̃gü i ñoma i naanewa maxẽxü̃ rü pexü̃xicatama nixĩ ga chaxunetaxü̃ nax chorü duü̃xü̃gü pixĩgüxü̃ca̱x. Rü ngẽmaca̱x yexeraãcü tá pexna naxca̱x chaca i guxü̃ma ga yema chixexü̃ ga pexügüxü̃.

Ichaía 29:20

Rü ngẽma tama ixĩnüechaü̃xü̃ rü tá nagu̱x. Rü ngẽma nügü írütagüxü̃ rü ngẽma chixexü̃ ügüechaxü̃ rü tá inayarüxo.