Miquéa 2:13 - Tupanaarü Ore

¹³ Rü chomatama ya Cori ya Tupana ya Iraétanüxü̃arü Ãẽ̱xgacü rü nape̱xegu tá chixũ, rü tá naxca̱x chayaxümachigü nax nüxü̃́ natauxchaxü̃ca̱x nax norü uanügüarü ĩanearü ĩã̱xwa ínachoxü̃xü̃ —ñanagürü ya Cori ya Tupana.

Miquéa 2:13 Referans Kwoze

Ichaía 52:12

¡Natürü taxuca̱xma ñu̱xãẽãcü ípechoxü̃ rü pibuxmü! Erü nüma ya perü Tupana i pema i Iraétanüxü̃ rü tá pexna nadau i guxü̃ma i ãũcümaxü̃wa.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:14

Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:17

Erü yimá Carnéruxacü i ngẽma tochicaxü̃wa ngẽxmacü, rü tá mea tüxna nadau ñoma carnérugüna idauxü̃rüxü̃. Rü nawa tá tüxü̃ nagagü i ngẽma dexáarü chuxchuxü̃gü i maxẽẽruxü̃. Rü Tupana tá tüxü̃́ ínanapi i guxü̃ma i tümagüxü̃etü”, ñanagürü.

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Chacaría 10:12

Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Ochéa 1:11

Rü ngẽma ngunexü̃gu rü ngẽma Yudáanecüã̱xgü rü Iraéanecüã̱xgü rü wüxitama i nachixü̃ane tá nixĩ, rü wüxi tátama nixĩ i norü ãẽ̱xgacü. Rü yíxema to i nachixü̃anewa tüxü̃ nagagüxe rü tá wena Yerucharéü̃ca̱x tawoegu. Rü ngẽma Yereéarü ngunexü̃gu rü taxü̃ i taãxẽ tá nangẽxma.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Ichaía 55:4

Rü choma rü gumá ãẽ̱xgacüxü̃ chaxuneta nax chauétüwa yadexaxü̃ca̱x nape̱xewa ga yema togü ga nachixü̃anegü. Rü nüxü̃ chaxuneta nax namaxã inacuáxü̃ca̱x rü nangúexẽẽãxü̃ca̱x ga yema togü ga nachixü̃anecüã̱xgü.

Ichaía 42:7

Rü cuxü̃ chamu nax cuyadauchitanüxẽẽxü̃ i ngẽma ngexetügüxü̃ rü poxcupataxü̃wa ícunanguxü̃xẽẽxü̃ca̱x i ngẽma poxcuexü̃ i waanexü̃wa ngẽxmagüxü̃.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Miquéa 2:12

Rü nüma ya Cori ya Tupana rü ñanagürü: —Choma rü tá chanangutaque̱xexẽxẽ i guxü̃ma i Acóbutanüxü̃. Rü ñoma carnérugü i wüxiwa ingexmagüxẽẽxü̃rüxü̃ rü tá chanade i ngẽma íyaxügüxü̃ i Iraétanüxü̃ i aixcüma chauga ĩnüexü̃. Rü woo taxũtáma namu natürü ñoma namuxü̃rüxü̃ tá tagaãcüma naxãũgatanü.

Miquéa 3:1

Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?

Ínachoxü̃xü̃chiga 14:19

Rü yexgumatama ga yema Tupanaarü duü̃xü̃ ga daxũcüã̱x rü yema caixanexü̃ ga noxri Iraétanüxü̃pe̱xegu ĩchiréxü̃ rü wixweama naxĩ.

Yochué 3:6

Rü yexguma ga nüma ga Yochué rü yema chacherdótegüxü̃ ñanagürü: —¡Ẽcü penangenagütaxü̃ i ngẽma baú i Tupanaarü mugüchixü̃, rü namaxã Yudáü̃wa pichoü̃ nape̱xewa i duü̃xü̃gü —ñanagürü. Rü yexguma ga nüma ga chacherdótegü rü nanangenagütaxü̃ ga yema baú ga Tupanaarü mugüchixü̃ rü duü̃xü̃güpe̱xewa namaxã nichoxü̃.

Ochéa 2:2

Rü nüma ya Cori ya Tupana rü ñanagürü: —Pa Iraétanüxü̃x, ¡ípenaxuaxü̃ i ngẽma pechixü̃ane i ñoma peérüxü̃ ixĩxü̃! Erü norü duü̃xü̃gü rü marü choxna nixĩgachi, rü ngẽmaca̱x i pechixü̃ane rü marü tama choxrü nixĩ rü choma rü marü tama norü Tupana chixĩ. ¡Rü norü duü̃xü̃gümaxã nüxü̃ pixu nax naxoexü̃ nax ñoma wüxi i ngexü̃ i ngeãẽcürüxü̃ chixexü̃ naxügüxü̃! ¡Rü namaxã nüxü̃ pixu nax nüxna yaxĩgachixü̃ i ngẽma tupananetagü i nüxü̃ nangechaü̃güxü̃!

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.