Miquéa 2:1 - Tupanaarü Ore

¹ Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Miquéa 2:1 Referans Kwoze

Wiyaegü 36:4

Rü ngẽxguma norü pechicaxü̃gu nacaxgu rü ngéma nagu narüxĩnü nax chixexü̃ naxüxü̃. Rü ngẽma nax poraãcü nüxü̃́ nangúchaü̃ i ngẽma chixexü̃ i naxüxü̃ rü ngẽmaca̱x tama ínanangéxchaü̃.

Ichaía 32:7

Rü ngẽma dauxcüraxü̃wa̱xexü̃ rü womüxẽẽgu namaxü̃ rü ngẽma nagu naxĩnüxü̃ nixĩ nax chixexü̃ naxüxü̃. Rü ãẽ̱xgacüpe̱xewa doramaxã tüxü̃ nachixechigaxẽxẽ ya yíxema ngearü diẽruã̱xgüxe rü yíxema ngü̃xẽẽca̱x ícaxaxe.

Naúü̃ 1:11

Pa Nínibex, cuwa nixĩ ga nangóxü̃ i ngẽma ãẽ̱xgacü i chixexü̃gu rüxĩnüxü̃ nape̱xewa ya Cori ya Tupana. Rü nüma i ngẽma ãẽ̱xgacü rü wüxi i ucu̱xẽruxü̃ i chixexü̃ nixĩ.

Romanos 1:30

Rü chixexü̃maxã toguã̱xü̃ nixugüe, rü Tupanachi naxaie, rü toguã̱xmaxã naguxchigagü. Rü nügügu naxĩnüegu rü togüarü yexera nixĩgü, rü nügü nicua̱xüü̃gü. Rü naxca̱x nadaugü nax yexera chixexü̃ naxügüxü̃. Rü tama nanatüga rü naéga naxĩnüechaü̃.

Yeremía 18:18

Rü yema duü̃xü̃gü rü ñanagürügü: —Ngĩxã nagu tarüxĩnüe i ta̱xacü namaxã taxü i Yeremía nax nüxü̃ naxoxü̃ca̱x nax guxchaxü̃chiga tamaxã yaxuxü̃. Erü tagutáma nataxu i togü i chacherdótegü i tüxü̃ ngúexẽẽxü̃, rü tagutáma nataxu i togü i yatügü i nüxü̃ icuáxü̃ i tüxü̃ ucu̱xẽgüxü̃, rü tagutáma nataxu i togü i orearü uruü̃gü i Tupanaarü orexü̃ tamaxã ixugüxü̃. Ngĩxã ãẽ̱xgacüpe̱xewa ítanaxuaxü̃ nax ngẽmaãcü yama̱xgüãxü̃ca̱x. Rü taxũtáma naga taxĩnüe i ngẽma nüxü̃ yaxuxü̃ —ñanagürügü.

Ichaía 59:3

Rü pema rü nagümaxã pixãũãchime̱xẽ nagagu nax pimáetagüxü̃. Rü pidorata̱xagü rü chixexü̃maxã pidexagü.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Ucu̱xẽgüchiga 3:27

Ngẽxguma texé curü ngü̃xẽẽca̱x ícaxgu, rü tama name i tüxna cunachu̱xu ega cuxü̃́ nangẽxmagu i ngẽma naxca̱x ítaca̱xaxü̃.

Naanearü ügüchiga 31:29

Rü taxuxü̃ma choxü̃́ naguxcha ega chi chanaxwa̱xegu nax pexü̃ chadaixü̃. Natürü ngewa̱x chütacü rü cunatüarü Tupana chomaxã nidexa, rü ñanagürü choxü̃: “Dücax, ¡choxü̃́ irüxĩnü! Rü tama chanaxwa̱xe i nuãcü Acóbumaxã quidexa”, ñanagürü choxü̃.

Ngechuchuarü ngúexü̃gü ga yamugüxü̃arü puracüchiga 23:12

Rü moxü̃ãcü, rü ñuxre ga Yudíugü rü nügümaxã inaxunetagü nax taxũtáma nachibüexü̃ rü naxaxegüxü̃ ñu̱xmatáta Pauruxü̃ yama̱xgü. Rü ñanagürügü: —Tachixexü̃gugü tá ega ta̱xacü ingõ̱xgügu naxü̃pa nax yamáxü̃ i Pauru —ñanagürügü.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Wenaxarü naxümatü ga Tupanaarü mugü 28:32

Rü penegü rü pexacügü rü pexü̃ta tátama duü̃xü̃gü i to i nachixü̃anewa ne ĩxü̃na nanamugü nax norü puracütanüxü̃xü̃ yagagüãxü̃ca̱x. Rü pema rü guxü̃gutáma nagu perüxĩnüe nax wena nüxü̃ pedauxü̃ca̱x, natürü marü taxucürüwama wena nüxü̃ pedau.

Ngechuchuarü ngúexü̃gü ga yamugüxü̃arü puracüchiga 23:15

Rü name nixĩ i pema rü ngẽma togü i pexrüxü̃ ãẽ̱xgacügütücumüwa ügüxü̃, rü churaragüarü ãẽ̱xgacüna naxca̱x peyacagü nax wena moxü̃ pepe̱xewa nagagüãxü̃ca̱x i Pauru. ¡Rü namaxã nüxü̃ pixu nax penaxwa̱xexü̃ nax mea nüxü̃ pecuáxchaü̃xü̃ i nachiga! Rü toma rü tá marü ítamemare nax namagu tayamáxü̃ca̱x naxü̃pa nax ínanguxü̃ —ñanagürügü.

Ucu̱xẽgüchiga 12:2

Yimá yatü ya mecümacü, rü Tupana rü namaxã nataãxẽ, natürü yimá yatü ya idorata̱xácü, rü Tupana poxcu namaxã naxuegu.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Ore i mexü̃ ga Márcu ümatüxü̃ 15:1

Rü yexguma yangunegu, rü nangutaque̱xegü ga yema chacherdótegüarü ãẽ̱xgacügü rü Yudíugüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃arü ãẽ̱xgacügü rü guxü̃ma ga yema ãẽ̱xgacütücumü. Rü Ngechuchuxü̃ yana̱i̱xgüchacüüãcüma ãẽ̱xgacü ga Pirátuxü̃tawa nanagagü.

Echequié 11:2

Rü yexguma ga nüma ga Cori ya Tupana rü choxü̃ ñanagürü: —Pa Yatüx, ñaagü nixĩ i ngẽma yatügü i máetagu rüxĩnüexü̃ rü chixexü̃maxã duü̃xü̃güxü̃ ixucu̱xẽgüxü̃ i daa ĩanewa.

Ester 9:25

Natürü yexguma ngĩma ga Ité rü ãẽ̱xgacü ga Achuérumaxã nüxü̃ iyarüxu ga yema Amáü̃ nagu rüxĩnüxü̃ nax Yudíugüxü̃ nada̱i̱xü̃ca̱x, rü nüma ga ãẽ̱xgacü rü wüxi ga poperagu nanaxümatü nax Amáü̃xü̃ yama̱xgüxü̃ca̱x naxca̱x ga yema chixexü̃ ga nagu naxĩnüxü̃. Rü yemaacü Amáü̃xü̃ rü nanegüxü̃ nawẽxnaxãgü.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Ester 3:8

Rü nüma ga Amáü̃ rü ãẽ̱xgacü ga Achuéruxü̃tawa naxũ nax namaxã nüxü̃ yanaxuxü̃ca̱x nachiga ga yema. Rü ñanagürü: —Pa Ãẽ̱xgacüx, rü natanüwa i guxü̃ma i ngẽma togü i nachixü̃anecüã̱xgü rü nangẽxma i wüxitücumü i tama togümaxã wüxiguchaü̃xü̃. Erü ngẽma nacümagü rü nanatoraxü̃ rü tama naga naxĩnüe i ngẽma curü mugü, Pa Ãẽ̱xgacüx. Rü ngẽmaca̱x, Pa Ãẽ̱xgacüx, rü tama name nax ñaa naane i namaxã icucuáxü̃wa namaxẽxü̃.

Yox 24:14

Rü ngẽma duü̃xü̃ i máetaxü̃ rü ngexwaca yangóonechaü̃gu rü inaxũãchi nax tüxü̃ yamáxü̃ca̱x ya yíxema duü̃xẽ ya ngearü diẽruã́xẽ. Rü chütacü rü wüxi i ngĩ́ta̱xaxü̃ nixĩ.

Ucu̱xẽgüchiga 14:22

Ngẽma naxca̱x daugüxü̃ nax chixexü̃ naxügüxü̃, rü nüxna ínachocu i ngẽma nacüma i mexü̃. Natürü yíxema naxca̱x daugüxe nax mexü̃ taxügüxü̃, rü duü̃xü̃gü tüxü̃ nangechaü̃.

Ichaía 29:20

Rü ngẽma tama ixĩnüechaü̃xü̃ rü tá nagu̱x. Rü ngẽma nügü írütagüxü̃ rü ngẽma chixexü̃ ügüechaxü̃ rü tá inayarüxo.

Echequié 33:26

Rü pema rü perü taramaxã pemáeta, rü taxü̃ i chixexü̃gü pexüe, rü pexma̱xgüna nai i ngexü̃maxã pemaxẽ. ¿Rü ngẽmaétüwa nagu perüxĩnüe nax pexrü yixĩxü̃ i ñaa nachixü̃ane?”

Echequié 38:10

Rü Choma ya Cori ya Tupana rü cumaxã nüxü̃ chixu: “Rü ngẽma ngunexü̃gu rü chixexü̃ i ĩnü tá cuwa nangu.

Echequié 46:18

Rü nüma i ãẽ̱xgacü rü taxucürüwama texéxü̃ ínata̱xüchi nawa i tümaarü naane. Rü ngẽxguma ãẽ̱xgacü nanegüna naxãxgu i naane rü nanaxwa̱xe i norü naanewa nanegüna nanaxã. Rü ngẽmaãcü taxúema tangearü naaneã̱x rü chorü duü̃xü̃gü rü taxũtáma nawoonemare —ñanagürü.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Chacaría 7:10

Rü tama chanaxwa̱xe nax chixeãcü tümamaxã pixĩgüxü̃ ya yíxema yutegüxe rü yíxema taxcutagü rü yíxema to i nachixü̃anecüã̱x i petanüwa ngẽxmagüxe rü yíxema ngearü diẽruã̱xgüxe. ¡Rü taxṹ i nagu perüxĩnüexü̃ nax ñuxãcü tá pegümaxã chixexü̃ pexügüxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 21:7

Rü yexguma ga naxma̱x ga Yechabé rü inangãxü̃ rü ngĩgürügü nüxü̃: —Natürü cuma quixĩ i nua Iraéanewa ãẽ̱xgacü quixĩxü̃. ¡Rü yachibü rü nataãxẽ! Rü marü choma cuxü̃́ tá chanayaxu i Nabúarü úbanecü —ngĩgürügü.

Yox 15:35

Rü nümagü rü guxchaxü̃ nax naxügüxü̃ca̱x nadaugü, rü ngẽmaãcü chixexü̃ naxügü rü nawomüxẽẽtaegü —ñanagürü ga Erifá.

Wiyaegü 36:5

Natürü i ngẽma curü ngechaü̃, Pa Cori Pa Tupanax, rü daxũguxü̃ i naanewa nangu. Rü ngẽma nax quixaixcümaxü̃ rü ya̱u̱xtüweanexü̃arü yexerawa nangu.

Wiyaegü 58:3

Rü ngẽma chixexü̃gu maxẽxü̃ i duü̃xü̃gü rü woetama naéanüwa nixĩ i chixexü̃ nüxna nguxü̃. Rü ngẽma idorata̱xáxü̃ rü woetama nabuxgucürüwa rü ngẽma dora namaxã inacua̱x.

Ichaía 3:14

Rü Cori ya Tupana rü tá naxca̱x nangema i ngẽma yaxguã̱xgü i ĩanemaxã icua̱xgüxü̃ rü ngẽma togü i ãẽ̱xgacügü, rü ñanagürü tá nüxü̃: —Pema rü chorü duü̃xü̃güxü̃ pechixexẽxẽ. Rü tüxü̃́ pengĩ́e ya ngearü ngẽmaxü̃xã̱xgüxe. Rü ngẽma tümaarü ngẽmaxü̃gü i tüxü̃́ naxca̱x pengĩ́xü̃ rü pepatagu nixĩ i namaxã penguxü̃güxü̃.

Ichaía 5:8

Wüxi i taxü̃ i ngechaü̃ nixĩ i pexca̱x i pema i nai ya pepatagü ne petaxexü̃. Rü pema rü pegüna penanugü i naanegü rü ngẽmaãcü tüxü̃ pengechicaxẽxẽ ya toguxegü ñoma pexicatama ngẽma naanewa pemaxẽxü̃rüxü̃.