Miquéa 1:8 - Tupanaarü Ore

⁸ Rü Miquéa rü ñanagürü ta: —Ngẽmaca̱x taxü̃ i chorü ngechaü̃maxã tá chaxaxu, rü ngearü chapatuã́xẽ rü ngexchiruxe tá chixũ, rü airu i dauxchitacüã̱xrüxü̃ tá chaxaxu rü ngẽma abetrúxacürüxü̃ aita tá chaxü.

Miquéa 1:8 Referans Kwoze

Ichaía 22:4

Rü ngẽmaca̱x i choma rü pemaxã nüxü̃ chixu rü ñachagürü: “¡Choxna pixĩgachitanü, erü chorü ngechaü̃maxã tá chaxaxu nagagu i ngẽma taxü̃ i guxchaxü̃ i chorü ĩanemaxã ngupetüxü̃! Rü tama chanaxwa̱xe nax texé choxü̃ taãẽxẽẽxü̃”, ñachagürü.

Yeremía 9:19

Rü Chióü̃gu nüxü̃ taxĩnü i naga i duü̃xü̃gü nax aixta naxüexü̃ namaxã nax ngúxü̃ yangegüxü̃. Rü ñaãcü aixta naxüe: Taxü̃ i ngechaü̃wa tangexmagü erü tórü ĩane rü nachitaxü̃xica ínayaxü. Rü ngẽmaca̱x poraãcü taxãnee. Rü ñu̱xma i tórü uanügü rü tachixü̃anena to i nachixü̃anewa tá tüxü̃ nagagü. Rü tapatagü rü nachitaxü̃xica ngéma nayaxügü.

Yeremía 9:10

Rü duü̃xü̃gü rü yima ma̱xpǘnegüca̱x rü wocachitaü̃güca̱x naxaxu rü ningü̃necüü, erü nixae rü marü taxúema ngéma taxüpetü. Rü marü taxuxü̃ma i wocagaxü̃ taxĩnü. Rü werigü rü naeü̃gü i idüraexü̃ rü nibuxmü.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Yeremía 4:19

Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.

Ichaía 21:3

Rü ngẽxguma nüxü̃ chada̱u̱xgu i ngẽma Cori ya Tupana Babiróniacüã̱xmaxã üxü̃ rü chauxune narüwẽ rü choxü̃́ nangu̱x rü chaugü charüxã̱ũ̱xü̃ ñoma wüxi i ngexü̃ i íxraxacüchaü̃xü̃rüxü̃. Rü yíxema duü̃xẽgü ya ngúxü̃ ingegüxe nax aita taxügüxü̃, rü tümaga rü taxuxü̃ma choxü̃ naxĩnüxẽxẽ. Rü ngẽxguma nüxü̃ chada̱u̱xgu rü chorü muü̃maxã chabaixãchi.

Ichaía 16:9

Rü ngẽmaca̱x nixĩ i ñu̱xma i naxca̱x chaxaxuxü̃ ga yema úbanecügu ga Chibáwa rü Yachéxwa yexmagüxü̃. Rü naxca̱x ichabagüxü̃xetü ga yema úbanecügu ga Ebóü̃wa rü Eraréwa yexmagüxü̃. Erü marü nataxuma i taãxẽ naxca̱x i norü o i buxuxü̃ rü ngẽma úbanecüwa nüxü̃ ĩnüxü̃xicatama nixĩ nax aixta naxüexü̃ i ngẽma nügü daixü̃.

Ichaía 13:21

Rü ngéma tá namaxẽ i michigü i naixnecücüã̱x rü cüchanagümaxã tá nanapa ya ĩpatagü. Rü ngẽma naeü̃ i abetrúgü rü ngéma tá namaxẽ. Rü ngéma tá naxĩnüca̱xwa̱xegü i ngẽma dauxchitacüã̱x i chíbugü.

Wiyaegü 102:6

Rü wüxi i cüchana i chianexü̃wa ngẽxmaxü̃rüxü̃ chixĩ, rüe̱xna ñoma cüchana i ĩanechitaxü̃wa ngẽxmaxü̃rüxü̃ chixĩ.

Yox 30:29

Rü ñu̱xma i ngẽma airugü i dauxchitacüã̱x rü ñoma chauenexẽgürüxü̃ nixĩgü. Rü ngẽma abetrúgü rü ñoma chomücügürüxü̃ nixĩgü.

1 Chamué 19:24

Rü naétü ínacuxuchi ga naxchiru, rü guxü̃ma ga yema ngunexü̃ rü chütaxü̃ rü Chamuépe̱xewa ngexchiruãcü Tupanaarü oremaxã nidexa. Rü ngéma nixĩ i nangóxü̃ i ore i ñaxü̃: —¿Chaú rü ta ẽ̱xna Tupanaarü orearü uruxü̃ nixĩ? —ñaxü̃.

Ichaía 13:22

Rü airugü i dauxchitacüã̱x rü dauxü̃taechicagüwa tá narüdoxe. Rü yima ãẽ̱xgacüpatagüchire̱x rü ngẽma airugü i dauxchitacüã̱x tá nagu narücho. Rü marü ningaica i curü ngunexü̃, Pa Babiróniax, rü tama muxü̃ i ngunexü̃ cuxü̃́ ínayaxü —ñanagürü ya Cori ya Tupana.

Ichaía 32:11

Rü pemax nax iperüchomarexü̃ rü taxuguma perüxĩnüexü̃, ¡ẽcü perü muü̃maxã pidu̱xru̱xex! ¡Rü ípecu̱xü̃ i pexchirugü, rü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃!

Echequié 32:18

—Pa Yatüx, ¡ngẽma togü i nachixü̃anegüarü ngexü̃gümaxã nagu nawiyae i ñaa ngechaü̃arü wiyae naxca̱x i ngẽma muxü̃ma i Equítuanearü duü̃xü̃gü rü norü ãẽ̱xgacügü! Rü ngẽma wiyae rü ñanagürü: “Ngẽma poraexüchixü̃ rü marü nayue rü marü nata̱xgü naxrüxü̃ ga yema nüxíra yuexü̃ rü íta̱xgüxü̃.

Miquéa 2:4

Rü ngẽma ngunexü̃gu rü perü uanügü i pexü̃ igagüxü̃ rü ngechaü̃arü wiyaegu tá pexca̱x nawiyaegü. Rü pexü̃ nacugüãcüma tá ñaãcü nawiyaegü: “Aixcümaxü̃chi taxuwama time. Rü yíxema i Cori ya Tupanaarü duü̃xü̃gü rü togü i duü̃xü̃güme̱xẽwa tangexmagü rü taxúema taétüwa tachogü. Rü ngẽma taanegü rü nügü nayanugü i ngẽma tüxü̃ igagüxü̃”, ngẽmaãcü tá nawiyaegü —ñanagürü ya Tupana.

Norü taxre ga popera ga ãẽ̱xgacügüchiga 18:13

Rü yexguma marü 14 ga taunecü ãẽ̱xgacü yixĩxgu ga Echequía, rü nüma ga Chenáqueri ga Achíriaanearü ãẽ̱xgacü rü norü churaragümaxã guxü̃nema ga ĩanegü ga Yudáanewa yexmagüne ga ípoxegugüneca̱x ínayagoõchi rü nanapuxü̃.

Ester 4:1

Rü yexguma Maduquéu nüxü̃ cua̱xgu ga yema unagüxü̃ rü nügü narügáutechiru yerü poraãcü nangechaü̃. Rü yemaca̱x témüxü̃ ga naxchirugu nicu̱x rü tanimacamaxã nügü nagüeru. Rü guma ĩanegu ínayaxüegu rü tagaãcü aita naxü norü ngechaü̃maxã.