Miquéa 1:14 - Tupanaarü Ore

¹⁴ ¡Rü wüxicana nüxü̃ ípeyarüngümae ya Moréche-gáx! Rü yima ĩane ya Achíx rü Iraéanearü ãẽ̱xgacügüarü toxyepe̱xeruxü̃ tá nixĩ —ñanagürü.

Miquéa 1:14 Referans Kwoze

Yeremía 15:18

¿Rü ta̱xacüca̱x i ngẽma ngúxü̃ i chingexü̃ rü taguma choxü̃ nangupetü? ¿Rü ta̱xacüca̱x i ngẽma chorü o̱xri rü nangearü üxü̃ã́xü̃, rü tama inaxĩnüchaü̃xü̃ i üxü̃güwa? Rü cuma rü cha̱u̱xca̱x rü ñoma wüxi i natü i ngearü dexáã́xü̃rüxü̃ chomaxã quixĩ —ñanagürü ga Yeremía.

Ichaía 30:6

Rü ñaa nixĩ i Cori ya Tupanaarü ore nachiga i ngẽma Négueanewa ngẽxmagüxü̃ i ngo̱xogü. Rü ngẽma naane i ãũcümaxü̃ i nawa ngẽxmagüxü̃ i leóü̃gü rü ãxtapegü i tüxü̃ ngóxü̃ rü ãxtapegü i tüxna yuxuxü̃, rü ngẽma naanegu búrutagügu rü caméyutagügu ngẽma Iraétanüxü̃ nayana i norü ngẽmaxü̃gü rü norü diẽrugü nax Equítuanearü ãẽ̱xgacüna yanaxãxü̃ca̱x nax ínapoxü̃ãxü̃ca̱x.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

2 Chamué 8:2

Rü yexgumarüxü̃ ta rü Moátanüxü̃xü̃ narüporamae. Rü ñaxtüanegu nayacamaxẽxẽ rü wüxi ga napana̱xãmaxã nanangugü. Rü yema duü̃xü̃gü ga taxrearü ngugüwa yexmagüxü̃ rü nanadai. Rü yema norü tomaepü̱xarü ngugüwa yexmagüxü̃ rü tama nanadai. Rü yemaacü ga yema Moátanüxü̃ rü Dabíme̱xẽwa nayexmagü rü nüxü̃́ nanaxütanügü ga yema diẽru ga Dabí nagu unetaxü̃.