Miquéa 1:13 - Tupanaarü Ore

¹³ Pa Láquicüã̱xgüx, pema rü Iraétanüxü̃rüxü̃ tama Tupanaga pexĩnüexü̃. Rü pema nixĩ ga chixexü̃gu penayixẽẽxü̃ ga yema Chióü̃cüã̱xgü. ¡Ẽcü perü carugüwa penangacu i cowarugü nax paxa pibuxmüxü̃ca̱x!

Miquéa 1:13 Referans Kwoze

Norü taxre ga popera ga ãẽ̱xgacügüchiga 18:17

Natürü woo yemaacü Achíriaanearü ãẽ̱xgacüaxü̃́ nanaxütanü, rü nüma ga Achíriaanearü ãẽ̱xgacü rü Echequíaxü̃tawa nanamugüama ga norü churaragüeru rü wüxi ga to ga ãẽ̱xgacü ga nüxna nayoexü̃. Rü yexgumarüxü̃ ta yéma nanamu ga wüxi ga to ga churaragüeru namaxã ga muxü̃ma ga norü churaragü. Rü Láquiwa inaxĩãchi nax Yerucharéü̃ca̱x íyaxü̃ãchixü̃ca̱x. Rü yexguma Yerucharéü̃wa nangugügu, rü yema puchu ga ma̱xpǘnewa yexmaxü̃arü ngaicamawa nangugü, rü yéma nayachaxãchitanü nacüwawa ga yema nama ga Yauxchiruchicawa nadaxü̃.

Norü taxre ga to ga popera ga ãẽ̱xgacügüchiga ümatüxü̃ 32:9

Rü yexgumayane ga nüma ga Chenáqueri ga Achíriaanearü ãẽ̱xgacü rü guxü̃ ga norü churaragümaxã ĩane ga Láquixü̃ ínachoeguãchi. Rü nüma rü Yerucharéü̃wa nanamugü ga ñuxre ga norü churaragüerugü nax Yudáanearü ãẽ̱xgacü ga Echequíamaxã rü guxü̃ma ga Yerucharéü̃cüã̱xgümaxã nüxü̃ yanaxugüexü̃ca̱x ga ore ga ñaxü̃:

Yochué 10:3

Rü yemaca̱x ga nüma ga Adonichéde rü yéma namuga naxca̱x ga Yoáü̃ ga ĩane ga Ebróü̃arü ãẽ̱xgacü, rü Piráü̃ ga ĩane ga Yamúxarü ãẽ̱xgacü, rü Yapía ga ĩane ga Láquiarü ãẽ̱xgacü, rü Debíx ga ĩane ga Egróü̃arü ãẽ̱xgacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:20

Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:14

Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.

Miquéa 1:5

¿Rü tü̱xcüü̃ pexü̃ nixugü? Rü pexü̃ nixugü erü nüma nüxü̃ nacua̱x i ngẽma chixexü̃ i pexüxü̃ rü tama naga nax pexĩnüexü̃ i pema i Acóbutaagü i Iraéanecüã̱x i Chamáriaarü ĩanewa ngẽxmagüxe. Rü ngẽxgumarüxü̃ ta nüxü̃ nacua̱x nax pema i Yudáanecüãx rü Yerucharéü̃wa tupananetachicüna̱xãgüxü̃ picua̱xüü̃güxü̃.

Echequié 23:11

Natürü ngĩeya̱x ga Aoribá rü woo nüxü̃ nax nadauxü̃ ga yema ngĩeya̱x ga Aoráxü̃ ngupetüxü̃, rü ngĩma ga Aoribá rü ngĩeya̱xarü yexera ngĩgü ixã nax ngĩrü ngúchaü̃ naxüxü̃ rü nangeãẽxü̃.

Yeremía 4:29

Rü ngẽma uanügüarü churaragü i cowarugu ĩxü̃ rü ngẽma würamaxã ixãxnexü̃ rü poraãcü aita naxüe, rü yemacha̱xwa guxü̃ma i duü̃xü̃gü rü norü muü̃maxã inayayi rü nibuxmü nax naixnecügu yanacu̱xgüxü̃ca̱x, rü ma̱xpǘnegüwa dauxü̃ naxĩgüxü̃ca̱x. Rü guxü̃nema ya ĩanegü rü tá nachianemare, rü taxuxü̃táma marü nawa namaxẽ.

Yeremía 3:8

Natürü woo nüxü̃ nadaugügu nax choma rü nüxü̃ chaxoxü̃ rü íchanawogüxü̃ ga yema Iraéanecüã̱xgü nagagu ga yema chixexü̃ ga naxügüxü̃, natürü nümagü ga yema Yudáanecüã̱xgü rü yema Iraéanecüã̱xgürüxü̃ chixexü̃ naxügü rü tama choxü̃ namuü̃e. Rü nümagü rü ta rü nagu namaxẽ ga yematama chixexü̃.

Ichaía 37:8

Rü nüma ga yema Achíriaanearü churaragüeru rü nüxü̃ nacuáchiga nax gumá norü ãẽ̱xgacü ga Chenáqueri rü marü ínaxũxũxü̃ ga ĩane ga Láquiwa. Rü yemaca̱x ga yema churaragüeru rü nataegu ga Yerucharéü̃wa. Rü nüxü̃ inayangau ga norü ãẽ̱xgacü ga Chenáqueri ga Lixnáca̱x íyagoõchixü̃.

Ichaía 10:31

Rü ĩane ya Maxmenácüã̱xgü rü naxcha̱xwa nibuxmü, rü ĩane ya Guebíü̃cüã̱xgü rü naxcha̱xwa nicu̱xgü.

Norü taxre ga popera ga ãẽ̱xgacügüchiga 8:18

Natürü yema Iraéanearü ãẽ̱xgacügücüma ga chixexü̃gu nixũ rü ñu̱xũchi yema Acáxtaagücümagu nixũ yerü guxema naxma̱x rü Acáxacü tixĩ. Rü yemaacü ga yema naxüxü̃ rü Cori ya Tupanape̱xewa rü nachixe.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Nüxíraxü̃xü̃ ga popera ga ãẽ̱xgacügüchiga 14:16

Rü nüma ya Cori ya Tupana rü to i nachixü̃aneme̱xẽgu tá nananguxẽxẽ i Iraéane nagagu ga yema pecadugü ga Yeruboáü̃ üxü̃ rü yema pecadugü ga Iraétanüxü̃xü̃ naxüxẽẽxü̃ —ñanagürü.

Ínachoxü̃xü̃chiga 32:21

Rü Aróü̃xü̃ ñanagürü: —¿Ta̱xacü cumaxã naxü i ñaa duü̃xü̃gü rü ngẽmaca̱x i ñaa taxü̃ i chixexü̃gu cunayixẽxẽxü̃? —ñanagürü nüxü̃.

Naanearü ügüchiga 19:17

Rü yexguma marü guma ĩanearü yáxü̃wa nayexmagügu, rü wüxi ga yema daxũcüã̱x i orearü ngeruxü̃ rü ñanagürü: —¡Iña nax tama peyuexü̃ca̱x! ¡Rü taxũtáma cugü íquidau rü taxuca̱xtama icuyachiãchi i nua! ¡Rü yea ma̱xpǘneanewa naña ega tama cuyuxchaü̃gu! —ñanagürü.

Nüxíraxü̃xü̃ ga popera ga ãẽ̱xgacügüchiga 4:28

Rü yexguma nawa nanguxgu ga gumá tauemacü ga nüxna ücü nax nadeaxü̃ ga õna, rü yexgumarüxü̃ ta nanade ga naxü̃nawemü̃ ga chebáda rü maxẽ ga pacü. Rü yema nachica ga ãẽ̱xgacü namaxã inaxunetaxü̃gu nayanu naxca̱x ga churaragüarü cowarugü rü yema cowarugü ga puracüruxü̃ ixĩgüxü̃.

Norü taxre ga popera ga ãẽ̱xgacügüchiga 14:19

Rü ĩane ga Yerucharéü̃wa rü duü̃xü̃gü rü Amachíamaxã nanue. Rü yemaca̱x ga nüma rü ĩane ga Láquiwa naña. Natürü nawe nangegüama, rü yexma nayama̱xgü.

Ichaía 36:2

Rü nüma ga Achíriaanearü ãẽ̱xgacü rü Láquiwa inanamuãchi ga wüxi ga namücü ga churaragüeru ga Rabachégu ãégaxü̃ namaxã ga muxü̃ma ga norü churaragü ga poraexü̃ nax ãẽ̱xgacü ga Echequíaxü̃ íyadaugüxü̃ca̱x ga Yerucharéü̃wa. Rü yexguma Yerucharéü̃wa nangugügu, rü yema puchu ga ma̱xpǘnewa yexmaxü̃arü ngaicamana nayachaxãchitanü nacüwawa ga yema nama ga yauxchiruchicawa daxü̃.

Yox 39:10

¿Rü cuma nüxü̃ cucua̱xgu rü tá cuxü̃́ natauxchaxü̃ nax cunaxütü̱xüxü̃ nax cuxü̃́ naxaimüaneaxü̃ca̱x? ¿Rü nagu curüxĩnügu rü tá cuwe naxũxü̃ nax waixü̃müarü mexẽxẽwa napuracüxü̃ca̱x?

Yeremía 34:7

Rü yoxni ga Babiróniaanearü ãẽ̱xgacüarü churaragü rü naxca̱x ínayaxüãchi ga Yerucharéü̃, rü Láqui rü Achecá, yerü gumagüxicatama nixĩ ga Yudáanearü ĩanegü ga ípoxegugüne ga tauxta nagu nachocune.