Miquéa 1:12 - Tupanaarü Ore

¹² Rü ngẽma Maróxcüã̱xgü i duü̃xü̃gü rü ngẽma ngúxü̃ i yangegüxü̃maxã tá nügü narüxãũxü̃gü. Rü ínanangu̱xẽẽgü nax texé nüxü̃ rüngü̃xẽẽgüxü̃ erü nüma ya Cori ya Tupana rü marü Yerucharéü̃ca̱x íxücuxü̃wa nanangugüxẽxẽ i ngẽma ĩanearü uanügü,

Miquéa 1:12 Referans Kwoze

Yeremía 14:19

Rü nüma ga Yeremía rü Cori ya Tupanana naca rü ñanagürü: —Pa Corix, ¿rü guxü̃gutáma e̱xna Yudátanüxü̃xü̃ cuxo? ¿Rü e̱xna düxwa marü tama yáxna namaxã cuxĩnü i ngẽma Chióü̃cüã̱xgü? ¿Rü ta̱xacüca̱x poxcu i taguma gúxü̃maxã toxü̃ cupoxcue? Rü ítayanguxẽẽgü nax mea toxü̃ nangupetügüxü̃ca̱x, natürü taxuxü̃ma i mexü̃ toxca̱x ínangu. Rü ítayanguxẽxẽ nax taãxẽ toxca̱x ínguxü̃, natürü ãũcümaxü̃xicatama toxca̱x ínangu.

Miquéa 1:9

Erü ngẽma Chamáriacüã̱xgüarü chixexü̃ rü nataxüchi rü taxúema tanamexẽxẽ. Rü yima ĩane rü tagutáma wena noxrirüxü̃ nixĩ. Rü ngẽma norü chixexü̃ rü Yudáanewa nangu rü ñu̱xmata nawa nangu ya yima ĩane ya Yerucharéü̃ i chautanüxü̃ nagu ãchiü̃ne.

Amúx 3:6

Rü ngẽxguma ĩanewa yacuegüãgu ya cornéta rü ngẽmawa duü̃xü̃gü nüxü̃ nacua̱x nax nangẽxmaxü̃ i ãũcümaxü̃. Rü ngẽxguma ta̱xacürü guxchaxü̃ ngupetügu i ĩanewa rü nüxü̃ tacua̱x nax Cori ya Tupana yixĩxü̃ i ngéma namuxü̃ i ngẽma guxchaxü̃.

Yeremía 8:15

Rü yixema rü ítayangu̱xẽẽgü nax mexü̃ taxca̱x ínguxü̃, natürü taxuxü̃ma i mexü̃ taxca̱x ínangu. Rü ítayangu̱xẽẽgü nax nataxuxü̃ i guxchaxü̃gü, natürü muü̃xíca nangẽxma.

Ichaía 45:7

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.

Yox 30:26

Rü choma íchayangu̱xẽxẽ ga taãxẽ, natürü cha̱u̱xca̱x ínangu ga guxchaxü̃gü. Rü íchayangu̱xẽxẽ ga ngóonexü̃ natürü cha̱u̱xca̱x ínangu ga waanexü̃.

1 Chamué 4:13

Rü yexguma yéma nanguxgu ga yema churara rü nüma ga Erí rü ĩã̱xü̃tawa narüto nawa ga yema norü tochicaxü̃. Rü namagu ínadawenü yerü naxca̱x naxoegaãẽ ga yema baú ga Tupanaarü mugü nawa yexmaxü̃. Rü yema yatü rü guma ĩanegu naxücu rü nüxü̃ nixu ga yema ngupetüxü̃. Rü yexgumatama ga guxü̃ma ga duü̃xü̃gü rü inanaxügüe ga poraãcü nax naxauxexü̃.

Rux 1:20

Natürü ga ngĩma rü inangãxü̃ rü ngĩgürügü: —¡Taxṹ i Noemí ñaperügü choxü̃! Rü name nixĩ i Mára ñapegürü choxü̃. Erü Tupana ya Guxãétüwa Ngẽxmacü rü taxü̃ i guxchaxü̃ choxna naxã.