Miquéa 1:11 - Tupanaarü Ore

¹¹ Pa Cháficüã̱xgüx, pema rü tá to i nachixü̃anewa pexü̃ nagagü rü ngéma ngexchirugüãcüma rü ãneãcüma tá pexü̃ nacugüe. Rü ngẽma Chaanáü̃cüã̱xgü rü taxũtáma ínachoxü̃ nax pexü̃ nangü̃xẽẽxü̃ca̱x. Rü ĩane ga Bex-échewa rü tá naxauxe i duü̃xü̃gü, natürü taxũtáma pexü̃ narüngü̃xẽxẽ.

Miquéa 1:11 Referans Kwoze

Ichaía 20:4

Rü ngẽxgumarüxü̃ tá nixĩ i Achíriaanearü ãẽ̱xgacü nax Equítuanecüã̱xgüxü̃ rü Etiopíaanecüã̱xgüxü̃ nachixü̃anewa tüxü̃ nagagüxü̃ ya yaxguã̱xgüxe rü ngextü̱xügüxe. Rü ngearü chapatuã́xẽ rü ngexchiruxe rü ibáitaraxe tá tüxü̃ nigagü nax ngẽmaãcü tüxü̃ naxãneexẽẽxü̃ca̱x.

Naúü̃ 3:5

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü cuchiwegu tá cuxü̃ changenagüpa̱x nax nangóxü̃ca̱x i curü chixexü̃ rü ngẽma togü i nachixü̃anegü nüxü̃ dauxü̃ca̱x i ngẽma ãne i chixexü̃ i cuwa ngẽxmaxü̃.

Miquéa 1:8

Rü Miquéa rü ñanagürü ta: —Ngẽmaca̱x taxü̃ i chorü ngechaü̃maxã tá chaxaxu, rü ngearü chapatuã́xẽ rü ngexchiruxe tá chixũ, rü airu i dauxchitacüã̱xrüxü̃ tá chaxaxu rü ngẽma abetrúxacürüxü̃ aita tá chaxü.

Echequié 23:29

Rü nümagü rü tá cuxchi naxaie, rü tá cuxna nanapuxü̃ i guxü̃ma i curü ngẽmaxü̃gü i curü puracügagu cuxü̃́ ngẽxmaxü̃. Rü ngẽmaãcü tá ngechiruãcü ngéma cuxü̃ nata̱xgü. Rü ngẽmaãcü tá nabáitücumare i ngẽma cuxune i namaxã cungeãẽxü̃. Rü ngẽma nax cuxunearü ngúchaü̃ cuxüxü̃gagu rü cungeãẽxü̃gagu rü tá cuxca̱x ínangugü i guxü̃ma i ngẽma guxchaxü̃gü. Yerü cuma rü yema nachixü̃anegümaxã cungẽãxẽ rü cugügutama cuyanachixexẽxẽ ga yexguma nüxü̃ quicua̱xüxü̃gu ga norü tupananetachicüna̱xãgü.

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Yeremía 48:9

¡Namexẽxẽ i naxma̱xü̃ i Moá i nagu tá natáxü̃ erü tá inayarütaxu! Rü norü ĩanegü rü nachitaxü̃xica tá ínayaxügü rü nataxutáma i duü̃xü̃gü i nawa maxẽxü̃ —ñanagürü ya Cori ya Tupana.

Yeremía 48:6

¡Pibuxmü! Rü texé ya tüxü̃́ natauxchaxe rü name nax tiñaxü̃. Rü pema rü ñoma wüxi i chuxchuxü̃ i chianexü̃wa rüxüxü̃rüxü̃ tá pixĩ.

Yeremía 13:22

Rü ngẽxguma cugüna cuca̱xgu nax ta̱xacüca̱x cuxü̃ naxüpetüxü̃ i ngẽma guxchaxü̃, rü name nax nüxna cucua̱xãchixü̃ nax ngẽma taxü̃ i curü chixexü̃gagu yixĩxü̃ i ngẽma cuxca̱x ínguxü̃. Rü yemaca̱x nixĩ ga cuxü̃ ínacuxü̃xü̃nexü̃ rü cugu yadauxcüraxü̃güxü̃.

Ichaía 16:2

Rü ngẽma Moátanüxü̃arü ngexü̃gü rü natü i Arnóü̃wa nichoü̃ nax yabuxmüxü̃ca̱x ñoma werigü i baixãchiexü̃ rü naxchiãü̃güna ibuxmüxü̃rüxü̃.

Yochué 15:37

Rü naigü ga ĩanegü ga yema doxonexü̃wa rü daagü nixĩ: Rü ĩanegü ga Chenáü̃, rü Adachá, rü Midáx-gáx, rü Direáü̃, rü Mispá rü Yoxteé, rü Láqui, rü Bucá, rü Egróü̃, rü Cabóü̃, rü Lamáü̃, rü Quití, rü Guederóx, rü Bex-dagóü̃, rü Naamá rü Maquedá. Rü 16 ga ĩane nixĩ, rü naétü ga norü ĩanexacügü.

Chacaría 14:5

Rü pema rü ngẽma ngategu tá pibuxmü nax pixüxü̃ca̱x. Erü ngẽma ngate rü tá nida ñu̱xmata Acháxwa nangu i norü tocüwawa ya yima ma̱xpǘne. Rü ngẽmaãcü tá pibuxmü naxrüxü̃ ga perü o̱xigü ga yexguma ĩã̱xãchianecha̱xwa nabuxmügu ga yexguma Uchía ãẽ̱xgacü ixĩxgu ga Yudáanewa. Rü Cori ya Tupana rü tá núma naxũ namaxã i guxü̃ma i ngẽma üünegüxü̃.