Ore i mexü̃ ga Matéu ümatüxü̃ 9:8 - Tupanaarü Ore

⁸ Rü yexguma yemaxü̃ nadaugügu ga duü̃xü̃gü, rü poraãcü namuü̃e. Rü Tupanaxü̃ nicua̱xüü̃gü, rü ñanagürügü: —Moxẽ, Pa Tupanax, erü cunaporaxẽxẽ i ñaa yatü nax ngẽmaãcü mexü̃ toxca̱x naxüxü̃ca̱x —ñanagürügü.

Ore i mexü̃ ga Matéu ümatüxü̃ 9:8 Referans Kwoze

Ore i mexü̃ ga Luca ümatüxü̃ 7:16

Rü yexguma yemaxü̃ nadaugügu ga duü̃xü̃gü, rü guxü̃ma namuü̃e. Rü inanaxügüe ga Tupanaxü̃ nax yacua̱xüü̃güxü̃. Rü ñanagürügü: —Wüxi i Tupanaarü orearü uruxü̃ i poraxü̃ tatanüwa nango̱x —ñanagürügü. Rü ñanagürügü ta: —Tupana nua naxũ nax norü duü̃xü̃güxü̃ yanangü̃xẽẽxü̃ca̱x —ñanagürügü.

Ore i mexü̃ ga Matéu ümatüxü̃ 15:31

Rü nüma ga duü̃xü̃gü rü poraãcü nabaixãchiãẽgü ga yexguma nüxü̃ nadaugügu ga yema noxri tama idexagüxü̃ rü marü nax yadexagüxü̃, rü yema noxri chixechacüügüxü̃ rü marü naxca̱x nax yataanegüxü̃, rü yema noxri chixeparagüxü̃ rü marü nax yaxĩxü̃, rü yema noxri ngexetügüxü̃ rü marü nax yadauchigüxü̃. Rü yemaca̱x ga yema duü̃xü̃gü rü inanaxügüe nax Iraétanüxü̃arü Tupanaxü̃ yacua̱xüü̃güxü̃.

Ngechuchuarü ngúexü̃gü ga yamugüxü̃arü puracüchiga 4:21

Rü yexguma ga yema ãẽ̱xgacügü rü nayaxãxũnegü rü yemaacü ínayamugü. Rü nataxuma ga ta̱xacüca̱x nax napoxcueãxü̃ rü ñu̱xũchi duü̃xü̃güxü̃ namuü̃e, yerü guxü̃ma ga duü̃xü̃gü rü Tupanaxü̃ nicua̱xüü̃gü naxca̱x ga yema nüxü̃ ngupetüxü̃ ga gumá yatü ga chixeparacü.

Ore i mexü̃ ga Luca ümatüxü̃ 23:47

Rü yexguma yema churaragüarü ãẽ̱xgacü ga Rómacüã̱x nüxü̃ da̱u̱xgu ga yema ngupetüxü̃, rü Tupanaxü̃ nicua̱xüxü̃, rü ñanagürü: —Aixcüma ñaa yatü rü taxuxü̃ma i chixexü̃ naxü —ñanagürü.

Ore i mexü̃ ga Luca ümatüxü̃ 17:15

Natürü natanüwa rü nayexma ga wüxi ga Ngechuchuca̱x taeguxü̃ ga yexguma marü nügü nada̱u̱xgu nax naxca̱x yataanexü̃. Rü tagaãcü Tupanaxü̃ nicua̱xüxü̃chigü.

Ore i mexü̃ ga Márcu ümatüxü̃ 2:12

Rü yexgumatama inachi ga gumá nawãĩxãchicü. Rü nanayaxu ga norü caruxü̃, rü ínaxũxũ nape̱xewa ga guxü̃ma ga yema duü̃xü̃gü ga yéma yexmagüxü̃. Rü yemaca̱x ga yema duü̃xü̃gü rü naba̱i̱xãchiãẽgü, rü Tupanaxü̃ nicua̱xüü̃gü, rü ñanagürügü: —Taguma nüxü̃ tadau i ta̱xacü i ñaarüxü̃ ixĩxü̃ —ñanagürügü.

Gálatas 1:24

Rü yexguma ga yema duü̃xü̃gü rü Tupanaxü̃ nicua̱xüü̃gü nagagu ga yema Tupana chomaxã üxü̃.

Ore i mexü̃ ga Cuáü̃ ümatüxü̃ 15:8

Rü ngẽxguma muxü̃ i duü̃xü̃gü cha̱u̱xca̱x pegagügu, rü ngẽmawa tá nango̱x i Chaunatüarü pora. Rü ngẽmaãcü i pema rü aixcüma chorü ngúexü̃gü tá pixĩgü.

Ore i mexü̃ ga Luca ümatüxü̃ 13:13

Rü yexguma rü ngĩxü̃ ningõgü, rü yexgumatama iyarüwe̱xãchiwemüxü̃, rü inaxügü nax Tupanaxü̃ yacua̱xüxü̃xü̃.

Ngechuchuarü ngúexü̃gü ga yamugüxü̃arü puracüchiga 11:18

Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 21:20

Rü yexguma Pauruarü orexü̃ naxĩnüegu ga yema yaxõgüxü̃arü ãẽ̱xgacügü, rü Tupanaxü̃ nicua̱xüü̃gü. Rü ñanagürügü Pauruxü̃: —Dücax, Pa Toenexẽx, cuma nüxü̃ cucua̱x rü nangẽxma i muxũchixü̃ i Yudíugü i yaxõgüxü̃. Rü guxü̃ma i nümagü rü nanaxwa̱xegü nax nagu naxĩxü̃ i ngẽma mugü ga Moiché ümatüxü̃.

Ore i mexü̃ ga Márcu ümatüxü̃ 7:37

Rü poraãcü naba̱i̱xãchiãẽgü ga duü̃xü̃gü, rü ñanagürügü: —Guxü̃ma i ngẽma naxüxü̃ rü namexẽchi. Rü woo ngauxchi̱xẽgüxü̃ rü nayango̱xnamachi̱xẽxẽẽgü, rü ngea̱xgüxü̃ rü nayadexagüxẽxẽ —ñanagürügü.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ore i mexü̃ ga Matéu ümatüxü̃ 12:23

Rü guxü̃ma ga duü̃xü̃gü rü naba̱i̱xãchiãẽgü ga yexguma yemaxü̃ nadaugügu. Rü ñanagürügü: —¿Taux ẽ̱xna daa yixĩxü̃ ya Dabí nane ya Cristu? —ñanagürügü.

Ore i mexü̃ ga Matéu ümatüxü̃ 5:16

Rü name nixĩ i duü̃xü̃güpe̱xewa mea pemaxẽxü̃. Rü ngẽxguma i pema rü duü̃xü̃güca̱x rü ñoma omügürüxü̃ pixĩgü. Rü ngẽmaãcü i duü̃xü̃gü rü tá nüxü̃ nadaugü i ngẽma mexü̃ i pexüxü̃, rü tá nüxü̃ nicua̱xüü̃gü ya Penatü ya daxũwa ngẽxmacü.

Ore i mexü̃ ga Matéu ümatüxü̃ 9:7

Rü yexgumatama ga gumá nawãĩxãchicü rü inachi, rü napatawa naxũ.

Ore i mexü̃ ga Luca ümatüxü̃ 2:20

Rü nawoegu ga yema carnérugüarü dauruü̃gü. Rü taãẽãcüma Tupanaxü̃ nicua̱xüü̃gü naxca̱x ga guxü̃ma ga yema nüxü̃ naxĩnüexü̃ rü nüxü̃ nadaugüxü̃, yerü guxü̃ma ga yema orearü ngeruü̃gü ga daxũcüã̱x namaxã nüxü̃ ixuxü̃ãcüma nüxü̃ nadaugü.

Ore i mexü̃ ga Luca ümatüxü̃ 17:18

¿Rü ñaa to i nachixü̃anecüã̱x i duü̃xü̃xicatama nixĩ i taeguxü̃ nax Tupanaxü̃ yacua̱xüxü̃xü̃ca̱x? —ñanagürü.

Ore i mexü̃ ga Luca ümatüxü̃ 18:43

Rü yexgumatama nidauuchi ga gumá ngexetücü, rü Ngechuchuwe narüxũ, rü Tupanaxü̃ nicua̱xüxü̃chigü. Rü guxü̃ma ga duü̃xü̃gü ga nüxü̃ daugüxü̃ ga yema ngupetüxü̃, rü yexgumarüxü̃ ta Tupanaxü̃ nicua̱xüü̃gü.

2 Corintios 9:13

Rü nümagü i ngẽma taenexẽgü i Yudéaanewa ngẽxmagüxü̃ rü tá Tupanaxü̃ nicua̱xüü̃gü, erü ngẽma perü ãmaremaxã tá nüxü̃ penawe̱x nax aixcüma naga pexĩnüexü̃ i Cristuarü ore i mexü̃. Rü nümagü rü tá Tupanana moxẽ naxãgü naxca̱x i ngẽma perü ãmare i perü ngúchaü̃maxã nüxna pexãgüxü̃ rü guxü̃ma i ngẽma togü i yaxõgüxü̃na pexãgüxü̃.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.