Ore i mexü̃ ga Matéu ümatüxü̃ 9:3 - Tupanaarü Ore

³ Rü yéma nayexma ga ñuxre ga ngúexẽẽruü̃gü ga mugüwa ngu̱xẽẽtaegüxü̃. Rü nümagü rü naãẽgüwa ñanagürügü: —¿Ñaa yatü rü chixexü̃ Tupanamaxã nixugü? —ñanagürügü.

Ore i mexü̃ ga Matéu ümatüxü̃ 9:3 Referans Kwoze

Ore i mexü̃ ga Matéu ümatüxü̃ 26:65

Rü yexguma ga nüma ga chacherdótegüarü ãẽ̱xgacü rü norü numaxã nügüchirugu nagáugü. Rü ñanagürü: —Ñaa yatü rü chixexü̃ Tupanamaxã nixugü. Rü taxuca̱xma marü tanaxwa̱xe i to i duü̃xü̃güarü ore. Rü pematama marü nüxü̃ pexĩnüe nax ñuxãcü chixexü̃maxã nax yadexaxü̃.

Ore i mexü̃ ga Luca ümatüxü̃ 5:21

Natürü yema ngúexẽẽruü̃gü ga Moichéarü mugümaxã ngu̱xẽẽtaegüxü̃ rü yema Parichéugü, rü nagu narüxĩnüe, rü nügüãẽwa ñanagürügü: —¿Ta̱xacü nixĩ i ñaa yatü rü ngẽmaca̱x Tupanape̱xewa chixexü̃ yaxugüxü̃? Erü taxúema pora tüxü̃́ nangẽxma nax duü̃xü̃güaxü̃́ pecaduxü̃ tangechaü̃xü̃. Rü Tupanaxicatama nixĩ ya nüxü̃́ nangẽxmacü i ngẽma pora —ñanagürügü naãxẽwa.

Ore i mexü̃ ga Márcu ümatüxü̃ 14:64

Rü pematama marü nüxü̃ pexĩnüe nax Tupanachiga chixri yadexaxü̃. ¿Rü ñuxũ ñapegüxü̃ i ñu̱xmax? —ñanagürü. Rü guxü̃ma wüxigu narüxĩnüe rü: —Aixcüma nixĩ nax chixexü̃ naxüxü̃ rü namexü̃ nax nayuxü̃ —ñanagürügü.

Ore i mexü̃ ga Márcu ümatüxü̃ 7:21

Erü norü aixepewa i naãxẽwa ne naxĩ i muxü̃ma i chixexü̃gü ngẽxgumarüxü̃ nax chixexü̃gu naxĩnüxü̃, rü naxü̃nearü ngúchaü̃gu nax namaxü̃xü̃, rü nangĩ́xü̃, rü namáetaxü̃, rü nai i ngexü̃maxã namaxü̃xü̃, rü togüarü ngẽmaxü̃ nüxü̃́ ngúchaü̃xü̃, rü chixexü̃gu namaxü̃xü̃, rü nawomüxẽẽwa̱xexü̃, rü chixexü̃ i nacümagü, rü naxauxãchiwa̱xexü̃, rü naxoregüta̱xáxü̃, rü nügü yacua̱xüxü̃xü̃, rü tama mea naãxẽxü̃ nacuáxü̃.

Ore i mexü̃ ga Matéu ümatüxü̃ 7:29

Yerü nüma rü Tupanaarü poramaxã nanangúexẽxẽ, rü tama yema ngúexẽẽruü̃gü ga mugüwa ngu̱xẽẽtaegüxü̃rüxü̃ nixĩ.

Iraétanüxü̃arü muxchiga 15:30

Natürü ngẽxguma chi wüxi i Iraétanüxü̃ rüe̱xna wüxi i to i nachixü̃anecüã̱x norü ngúchaü̃maxã chomaxã chixexü̃ ixugügu rü choxü̃́ nangu̱x. Rü ngẽmaca̱x i ngẽma duü̃xü̃ rü wüxicana tá ípenata̱xüchi i petanüwa.

Ore i mexü̃ ga Márcu ümatüxü̃ 3:28

Rü aixcüma pemaxã nüxü̃ chixu rü Tupana tá duü̃xü̃güaxü̃́ nüxü̃ narüngüma i guxü̃ma i norü pecadugü rü guxü̃ma i chixexü̃ i namaxã yadexagüxü̃.

Ore i mexü̃ ga Márcu ümatüxü̃ 3:29

Natürü texé ya chixexü̃ namaxã ixugüxe i Tupanaãxẽ ya Üünecü, rü Tupana rü tagutáma tüxü̃́ nüxü̃ narüngüma i ngẽma chixexü̃. Rü guxü̃gutáma chixexü̃wa tangexma —ñanagürü.