Ore i mexü̃ ga Matéu ümatüxü̃ 8:9 - Tupanaarü Ore

⁹ Erü choma rü ta rü chorü ãẽ̱xgacüme̱xẽwa changexma. Rü cho̱xme̱xwa nangẽxmagü ta i ñuxre i churaragü. Rü ngẽxguma chanamuxgu i wüxi nax ngextá naxũxü̃ca̱x, rü ngéma naxũ. Rü ngẽxguma chaugüxü̃tawa naxca̱x changemagu i to, rü chauxü̃tawa nangu. Rü ngẽxguma chorü duü̃xü̃xü̃ chamuxgu nax ta̱xacü naxüxü̃ca̱x, rü choxü̃́ nanaxü —ñanagürü.

Ore i mexü̃ ga Matéu ümatüxü̃ 8:9 Referans Kwoze

Popera ga Títoca̱x naxümatüxü̃ ga Pauru 2:9

¡Rü meama yaxucu̱xẽgü i ngẽma yaxõgüxü̃ i mugüruxü̃ ixĩgüxü̃! ¡Rü namaxã nüxü̃ ixu nax guxü̃guma mea norü coriga naxĩnüexü̃ca̱x, rü norü corimaxã namecümagüxü̃ca̱x, rü taguma norü corixü̃ nachoxü̃gagüxü̃ca̱x!

Colosenses 3:22

Pa Duü̃xü̃güx i Coriã̱xgüxü̃x, rü name nixĩ i guxü̃wama naga pexĩnüe i perü corigü i ñoma i naanewa pemaxã icua̱xgüxü̃. Rü tama name i pexü̃ nadaugüguxicatama mea pepuracüe nax ngẽmaãcü penataãẽxẽẽxü̃ca̱x. Natürü name nixĩ i mexü̃ i perü ngúchaü̃maxã mea pepuracüe erü tórü Cori ya Tupanaxü̃ pemuü̃e.

Ore i mexü̃ ga Luca ümatüxü̃ 7:8

Erü choma rü ta chorü ãẽ̱xgacüme̱xẽwa changexma, rü cho̱xme̱xwa nangẽxmagü ta i ñuxre i churaragü. Rü ngẽxguma chanamuxgu i wüxi nax ngextá naxũxü̃ca̱x, rü ngéma naxũ. Rü ngẽxguma chaugüxü̃tawa naxca̱x changemagu i to, rü chauxü̃tawa nangu. Rü ngẽxguma chorü duü̃xü̃xü̃ chamuxgu nax ta̱xacü naxüxü̃ca̱x, rü choxü̃́ nanaxü —ñanagürü.

Ore i mexü̃ ga Luca ümatüxü̃ 4:39

Rü nüma rü ngĩxü̃tagu nayachi rü narüma̱xãchi rü nananga ga yema axüne. Rü yexgumatama iga̱u̱xãchi ga nax yaxaxünexü̃. Rü yexgumatama íirüda, rü naxca̱x inamexẽxẽ ga õna.

Wiyaegü 148:8

Rü name nixĩ i nüxü̃ picua̱xüü̃gü, Pa Ãẽmacü, rü Gáuxü̃ i Ãpü̱xüxü̃, rü Gáuxü̃ i Ãte̱xexü̃, rü Cherena, rü Tacü ya Buanecü ya Tupanaarü Ngúchaü̃ Ücüx.

Wiyaegü 119:91

Rü ñu̱xma rü ta rü guxü̃ma i ngẽma cuxüxü̃ rü nanaxa̱i̱xrügumagüraxü̃, yema curü mugüwa namaxã cunaxuegugüxü̃rüxü̃. Rü guxü̃ma i ngẽma cuxüxü̃, rü cunango̱xẽxẽ nax curü ngúchaü̃ naxügüxü̃ca̱x.

Ore i mexü̃ ga Matéu ümatüxü̃ 8:8

Natürü nüma ga capitáü̃ nanangãxü̃, rü ñanagürü: —Pa Corix, choma rü taxuwama chame nax chopatagu nax cuxücuxü̃ca̱x. Rü chanaxwa̱xe nax curü orewaxicatama nüxü̃ quixuxü̃, rü tá naxca̱x nitaane i chorü duü̃xü̃.

Ore i mexü̃ ga Matéu ümatüxü̃ 8:10

Rü yexguma yemaxü̃ naxĩnügu ga Ngechuchu rü naba̱i̱xãchiãxẽ. Rü ñanagürü nüxü̃ ga yema duü̃xü̃gü ga nawe rüxĩxü̃: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ñaa yatürüxü̃ aixcüma yaxõxü̃.

Ore i mexü̃ ga Márcu ümatüxü̃ 1:27

Rü guxü̃ma ga duü̃xü̃gü rü naba̱i̱xãchiãẽgü, rü nügüna nicachigü rü ñanagürügü: —¿Ta̱xacü nixĩ i ñaa? Maneca wüxi i ngexwaca̱xü̃xü̃ i ngu̱xẽẽtae nixĩ. Nüma rü aixcüma Tupanaarü poramaxã mea nangu̱xẽẽtae. Rü woo i ngo̱xogü rü naga naxĩnüe i ngẽxguma namuãgu —ñanagürügü.

Ore i mexü̃ ga Luca ümatüxü̃ 9:1

Rü Ngechuchu rü nanangutaque̱xexẽxẽ ga yema 12 ga norü ngúexü̃gü. Rü pora nüxna naxã rü nüxna naxãga nax ínawoxü̃ãxü̃ca̱x ga naguxü̃raü̃xü̃ ga ngo̱xogü, rü nax nameexẽẽãxü̃ca̱x ga duü̃xü̃gü ga ida̱xaweexü̃.