Ore i mexü̃ ga Matéu ümatüxü̃ 8:4 - Tupanaarü Ore

⁴ Rü Ngechuchu rü ñanagürü nüxü̃: —¡Dücax, taxṹ i texémaxã nüxü̃ quixuxü̃ i ngẽma cuxü̃ üpetüxü̃! ¡Natürü ngéma chacherdótexü̃tawa naxũ, rü nüxü̃ cugü yawe̱x! ¡Rü ngéma nange i ngẽma ãmare ga Moiché tüxü̃ muxü̃ nax wüxi i cua̱xruxü̃ yixĩxü̃ca̱x nax curümexü̃! —ñanagürü.

Ore i mexü̃ ga Matéu ümatüxü̃ 8:4 Referans Kwoze

Ore i mexü̃ ga Luca ümatüxü̃ 17:14

Rü yexguma Ngechuchu nüxü̃ da̱u̱xgu, rü ñanagürü nüxü̃: —¡Yéa chacherdótegüxü̃tawa pexĩ, rü nüxü̃ pegü peyawe̱xgü! —ñanagürü. Rü yema yatügü rü yexguma namagu naxĩyane, rü naxca̱x nitaanetanü.

Ore i mexü̃ ga Luca ümatüxü̃ 5:14

Rü Ngechuchu nanaxucu̱xẽ rü ñanagürü nüxü̃: —¡Dücax, taxúematama nüxü̃ quixu, natürü chacherdótexü̃ cugü yadauxẽxẽ nax curümexü̃! ¡Rü yanguxẽxẽ i ngẽma Moiché nüxü̃ ixuxü̃ nax duü̃xü̃gü nüxü̃ cuáxü̃ca̱x nax marü curümexü̃ nawa i curü da̱xawe! —ñanagürü.

Ore i mexü̃ ga Márcu ümatüxü̃ 7:36

Rü Ngechuchu rü duü̃xü̃güxü̃ namu nax taxúemaama nüxü̃ yaxugüexü̃ca̱x. Natürü yexguma yexeraãcü duü̃xü̃güna nachúxãgu ga nax taxúemaama nüxü̃ yaxugüexü̃ca̱x ga nachiga rü yexeraãcü nüxü̃ nixugüeama.

Ore i mexü̃ ga Matéu ümatüxü̃ 9:30

Rü naxca̱x nitaanegü. Rü Ngechuchu rü poraãcü nayaxucu̱xẽgü nax taxúemaama nüxü̃ nax yaxugüxü̃ca̱x ga yema nüxü̃ ngupetüxü̃.

Ore i mexü̃ ga Márcu ümatüxü̃ 6:11

Rü ngẽxguma wüxi ya ĩanewa tama mea pexü̃ nayauxgüchaü̃gu rü tama pexü̃́ inaxĩnüẽchaü̃gu, ¡rü ípechoxü̃ i ngéma! Rü ngẽxguma ipexĩãchigu, ¡rü ipenapagü i perü üxaxü̃cutü nax ngẽmawa nüxü̃ nacua̱xgüxü̃ca̱x nax nataxü̃ tá i norü poxcu i ngẽxguma nagu̱xgu i naane! —ñanagürü.

Ore i mexü̃ ga Márcu ümatüxü̃ 5:43

Natürü ga Ngechuchu rü poraãcü nüxna nanachu̱xu nax nüxü̃ yaxugüexü̃ca̱x ga yema ngupetüxü̃. Rü ñu̱xũchi nanamu nax ngĩxü̃ naxüwemügüxü̃ca̱x ga yema bucü.

Ore i mexü̃ ga Matéu ümatüxü̃ 17:9

Rü yexguma ínaxĩgügu ga guma ma̱xpǘnewa, rü Ngechuchu nayaxucu̱xẽgü nax taxúemaama nüxü̃ yaxugüexü̃ca̱x ga yema yéma nüxü̃ nadaugüxü̃, ñu̱xmatáta yuwa ínadaxgu rü wena namaxü̃gu.

Ore i mexü̃ ga Matéu ümatüxü̃ 10:18

Rü chaugagu tá ãẽ̱xgacügüpe̱xewa pexü̃ nagagü. Rü ngẽmaãcü tá pexãchica nax chauchiga pidexagüxü̃ nape̱xewa i ngẽma ãẽ̱xgacügü rü nape̱xewa i ngẽma tama Yudíugü ixĩgüxü̃.

Ore i mexü̃ ga Matéu ümatüxü̃ 6:1

Rü ngẽxguma ta̱xacürü mexü̃ pexü̱xgu, rü name i pexuãxẽ nax tama duü̃xü̃güpe̱xewa penaxüxü̃ i ngẽma nax duü̃xü̃gü pexü̃ dauxü̃ca̱x rü pexü̃ yacua̱xüü̃güxü̃ca̱x. Erü ngẽxguma duü̃xü̃gü pexü̃ icua̱xüü̃güxü̃ca̱x mexü̃ pexü̱xgu, rü Penatü ya daxũgucü rü taxũtáma ãmare pexna naxã.

Ore i mexü̃ ga Matéu ümatüxü̃ 5:17

Tama name i nagu perüxĩnüe nax núma chaxũxü̃ nax ichayanaxoxẽẽxü̃ca̱x i Tupanaarü mugü rü yema ore ga nũxcümaü̃güxü̃ ga Tupanaarü orearü uruü̃gü namaxã ngu̱xẽẽtaegüxü̃. Erü choma rü tama nua chaxũ nax ichayanaxoxẽẽxü̃ca̱x i ngẽma mugü, natürü nua chaxũ nax mea chayanguxẽẽxü̃ca̱x.

Ichaía 42:21

Rü nüma ya Tupana rü wüxi ya Tupana ya ípoxü̃wa̱xecü nixĩ, rü ngẽmaca̱x nanatachigaxẽẽchaü̃ i norü ngu̱xẽẽtaegü i mexẽchixü̃.

Ore i mexü̃ ga Cuáü̃ ümatüxü̃ 8:50

Choma rü tama naxca̱x chadau nax texé choxü̃ icua̱xüü̃güxü̃. Natürü Tupana nixĩ ya naxwa̱xecü nax duü̃xü̃gü choxü̃ icua̱xüü̃güxü̃. Rü nüma tá nanapoxcue i ngẽma chauxchi aiexü̃.

Ore i mexü̃ ga Cuáü̃ ümatüxü̃ 7:18

Yíxema tügütama ixuchigaxe rü naxca̱x tadau nax duü̃xü̃gü tüxü̃ icua̱xüü̃güxü̃. Natürü yíxema naxca̱x dauxe nax nüxü̃ ticua̱xüxü̃ ya yimá tüxü̃ mucü, rü aixcüma nixĩ i tümaarü ore. Rü tama dora nixĩ i ngẽma nüxü̃ tixuxü̃.

Ore i mexü̃ ga Cuáü̃ ümatüxü̃ 5:41

Rü choma rü tama chanaxwa̱xe nax choxü̃ picua̱xüü̃güxü̃ erü meama pexü̃ chacua̱x, rü nüxü̃ chacua̱x nax tama aixcüma Tupanaxü̃ pengechaü̃güxü̃.

Ore i mexü̃ ga Luca ümatüxü̃ 21:13

Rü ngẽmaãcü tá pexü̃́ natauxcha nax ãẽ̱xgacügümaxã nüxü̃ pixuxü̃ i chauchiga.

Ore i mexü̃ ga Márcu ümatüxü̃ 8:30

Rü yexguma ga Ngechuchu rü norü ngúexü̃güxü̃ namu nax taxúemaama nüxü̃ yaxugüexü̃ca̱x ga yema ore ga nachiga.

Ore i mexü̃ ga Matéu ümatüxü̃ 16:20

Rü yexguma ga Ngechuchu rü norü ngúexü̃gümaxã nüxü̃ nixu, rü ñanagürü: —¡Taxúemaxã tá nüxü̃ pixu nax choma rü Cristu chixĩxü̃! —ñanagürü.

Ore i mexü̃ ga Matéu ümatüxü̃ 3:15

Natürü ga Ngechuchu rü ñanagürü nüxü̃: —Name nixĩ i choxü̃ ícubaiexẽẽxü̃ i ñu̱xmax. Erü name nixĩ i tayanguxẽẽxü̃ i guxü̃ma i ngẽma Tupana tüxü̃ muxü̃ —ñanagürü. Rü yexguma ga Cuáü̃ rü: —Ngü̃ —ñanagürü.

Ore i mexü̃ ga Márcu ümatüxü̃ 13:9

¡Rü mea pegüna pedaugü! Erü ãẽ̱xgacügüpe̱xewa tá pexü̃ nagagü, rü ngutaque̱xepataü̃gügu tá pexü̃ nicua̱i̱xgü. Rü nachixü̃anegüarü ãẽ̱xgacügüpe̱xewa tá pexü̃ nagagü naxca̱x nax chorü duü̃xü̃gü pixĩgüxü̃. Natürü ngẽmaãcü tá pexü̃́ natauxcha nax ngẽma ãẽ̱xgacügümaxã nüxü̃ pixuxü̃ i chauchiga.

Ore i mexü̃ ga Márcu ümatüxü̃ 3:12

Natürü nüma ga Ngechuchu rü poraãcü nayaxucu̱xẽgü nax tama duü̃xü̃gümaxã nüxü̃ yaxugüexü̃ca̱x nax texé yixĩxü̃ ga nümax.

Ore i mexü̃ ga Márcu ümatüxü̃ 9:9

Rü yexguma ínaxĩgügu nawa ga guma ma̱xpǘne, rü Ngechuchu nüxna naxãga nax taxúemaama nüxü̃ yaxugüexü̃ ga yema yéma nüxü̃ nadaugüxü̃, ñu̱xmatáta yuwa ínadaxgu ga nümax.

Ore i mexü̃ ga Luca ümatüxü̃ 4:41

Rü nanameexẽxẽ ga muxü̃ma ga duü̃xü̃gü ga ida̱xaweexü̃ ga ngo̱xo nawa yexmagüxü̃. Rü yema ngo̱xogü rü aita naxüe, rü ñanagürügü: —Cuma nixĩ ya Tupana Nane quixĩxü̃ —ñanagürügü. Natürü ga Ngechuchu rü nayangagü ga yema ngo̱xogü. Rü nüxna nanachu̱xu ga nax yadexagüxü̃, yerü yema ngo̱xogü rü nüxü̃ nacua̱xgü nax Cristu yixĩxü̃.

Ore i mexü̃ ga Luca ümatüxü̃ 8:56

Rü ngĩnatü rü ngĩé ga yema bucü, rü poraãcü taba̱i̱xãchiãẽgü. Natürü Ngechuchu rü tüxü̃ namu nax taxúemaxã nüxü̃ nax tixuxü̃ca̱x ga yema ngupetüxü̃.

Ore i mexü̃ ga Luca ümatüxü̃ 9:21

Rü Ngechuchu rü nayaxucu̱xẽgü ga norü ngúexü̃gü nax taxúemaama nüxü̃ yaxugüexü̃ca̱x nax nüma rü Cristu yixĩxü̃.