Ore i mexü̃ ga Matéu ümatüxü̃ 8:3 - Tupanaarü Ore

³ Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga gumá yatü ga rüchaxünecü.

Ore i mexü̃ ga Matéu ümatüxü̃ 8:3 Referans Kwoze

Ore i mexü̃ ga Luca ümatüxü̃ 5:13

Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga yema yatü ga chaxüneã́xü̃.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Norü taxre ga popera ga ãẽ̱xgacügüchiga 5:14

Rü yexguma ga nüma ga Naamáü̃ rü nawa naxũ ga yema natü ga Yudáü̃. Rü 7 e̱xpü̱xcüna nawa naxüe rü nügü nayaxune yema orearü uruxü̃ namaxã nüxü̃ ixuxü̃rüxü̃. Rü yexguma ga naxcha̱xmüxü̃ rü narüme rü wüxi ga buxecha̱xmüxü̃rüxü̃ nixĩ.

Ore i mexü̃ ga Márcu ümatüxü̃ 1:41

Rü Ngechuchuaxü̃́ nangechaü̃tümüxü̃ ga gumá yatü. Rü nüxü̃ ningõgü rü ñanagürü nüxü̃: —Ngü̃, chanaxwa̱xe. Marü curüme —ñanagürü.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ore i mexü̃ ga Márcu ümatüxü̃ 4:39

Rü yexguma ínarüda ga Ngechuchu. Rü buanecüna nachogü rü ñanagürü nüxü̃ ga guma naxtaxa: —¡Iyarüchiane rü íyachaxãchi! —ñanagürü. Rü ínayachaxãchi ga buanecü rü guxü̃wama ínachaxanemare.

Norü taxre ga popera ga ãẽ̱xgacügüchiga 5:11

Rü nüma ga Naamáü̃ rü nanu rü íniña rü ñanagürü: —Choma nagu charüxĩnügu rü chi cha̱u̱xca̱x ínaxũxũ rü ngẽmaãcü mea choxü̃ nayaxu rü ngẽxma nachiãcüma chi Cori ya Tupanana naca rü nagu ningõgü i ngẽma ícharüchaxünexü̃wa rü ngẽmaãcü chi cha̱u̱xca̱x nitaane nawa i chorü chaxüne.

Naanearü ügüchiga 1:3

Rü yexguma ga Tupana rü ñanagürü: —¡Nangexma̱x i nangóonexü̃! —ñanagürü. Rü ningóone.

Ore i mexü̃ ga Cuáü̃ ümatüxü̃ 11:43

Rü yexguma yema ñaxguwena, rü tagaãcü ñanagürü: —Pa Lácharox, ¡ínaxũxũ i ngéma! —ñanagürü.

Ore i mexü̃ ga Luca ümatüxü̃ 7:14

Rü yexguma ga Ngechuchu rü yuetaca̱x nixũ, rü nüxü̃ ningõgü ga tümachiü̃. Rü yema tüxü̃ ingetaü̃güxü̃ rü tümamaxã inayachiãchitanü. Rü ñanagürü ga Ngechuchu tüxü̃ ga guxema yueta: —Pa Ngextü̱xücüx, ¡írüda! —ñanagürü.

Ore i mexü̃ ga Márcu ümatüxü̃ 9:25

Rü yexguma Ngechuchu nüxü̃ da̱u̱xgu nax muxü̃ma ga duü̃xü̃gü marü yexma ngutaque̱xexü̃, rü nananga ga yema ngo̱xo. Rü ñanagürü nüxü̃: —Pa Ngo̱xo i Ngegaxẽxẽruxü̃ rü Ngauchi̱xẽxẽẽruxü̃, ¡choma cuxü̃ chamu nax nawa ícuxũxũxü̃ ya daa bucü, rü tagutáma wena nagu cuyaxücuxü̃! —ñanagürü.

Ore i mexü̃ ga Márcu ümatüxü̃ 7:34

Rü yemawena rü daxũ nadawenüãcüma yáxna narüngü, rü gumá yatüxü̃ ñanagürü: —¡Efatá! —ñanagürü. Rü ngẽma rü: “¡Ingoxna, Pa Naxmachixẽ!” ñaxü̃chiga nixĩ.

Ore i mexü̃ ga Márcu ümatüxü̃ 5:41

Rü ngĩxme̱xgu nayayauxãchi, rü ñanagürü ngĩxü̃: —Tarita cumi —ñanagürü. Rü ngẽma ore rü ñaxü̃chiga nixĩ: “¡Írüda, Pa Bucü, ñacharügü cuxü̃!” ñaxü̃chiga nixĩ.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Ínachoxü̃xü̃chiga 4:7

Rü yexguma ga Tupana rü ñanagürü nüxü̃: —¡Wena cugüchiruremügu ixu̱xme̱x! —ñanagürü. Rü yemaacü nanaxü ga Moiché. Rü yexguma ínaxuxuchime̱xẽgu, rü nüxü̃ nadau ga naxme̱x ga marü noxrirüxü̃ nax namexü̃.

Ore i mexü̃ ga Matéu ümatüxü̃ 12:13

Rü ñu̱xũchi ga Ngechuchu rü ñanagürü nüxü̃ ga gumá yatü ga yumécü: —¡Iyarüwe̱xãchime̱xẽ! —ñanagürü. Rü gumá yatü rü inayarüwe̱xãchime̱xẽ, rü yexgumatama narümeme̱x, rü nai ga naxme̱x ga mexü̃nerüxü̃ nixĩ.

Ore i mexü̃ ga Luca ümatüxü̃ 4:27

Rü yexguma namaxü̃xgu ga Erichéu, rü Iraéanewa nayexmagü ta ga muxü̃ma ga duü̃xü̃gü ga chaxünemaxã ida̱xaweexü̃. Natürü taxuxü̃ma ga yema ida̱xaweexü̃ ga Iraéanewa yexmagüxü̃ rü naxca̱x nitaane. Rü Naamáü̃ ga Chíriaanecüã̱xicatama nixĩ ga gumá naxca̱x yataanecü —ñanagürü ga Ngechuchu.