Ore i mexü̃ ga Matéu ümatüxü̃ 8:2 - Tupanaarü Ore

² Rü Ngechuchuca̱x nixũ ga wüxi ga yatü ga chaxünemaxã ida̱xawecü. Rü Ngechuchupe̱xegu nayacaxã́pü̱xü, rü ñanagürü nüxü̃: —Pa Corix, ngẽxguma chi cuma cunaxwa̱xegu, rü chi cuxü̃́ natauxcha nax choxü̃ curümexẽẽxü̃ —ñanagürü.

Ore i mexü̃ ga Matéu ümatüxü̃ 8:2 Referans Kwoze

Ore i mexü̃ ga Matéu ümatüxü̃ 18:26

Rü yexguma ga yema norü duü̃xü̃ rü norü ãẽ̱xgacüpe̱xegu nacaxã́pü̱xü, rü nüxü̃ naca̱a̱xü̃, rü ñanagürü: “Pa Corix ¡choxü̃ nangechaü̃! Rü marü tá chapuracü, rü tá cuxü̃́ chanaxütanü i guxü̃ma”, ñanagürü.

Ore i mexü̃ ga Matéu ümatüxü̃ 15:25

Natürü ngĩma ga yema nge ga tama Yudíu ixĩcü rü Ngechuchuca̱x iyaxũ. Rü nape̱xegu iyacaxã́pü̱xü, rü ngĩgürügü nüxü̃: —Pa Corix ¡choxü̃ rüngü̃xẽxẽ! —ngĩgürügü.

1 Corintios 14:25

Rü ngẽmaãcü tá nango̱x i ngẽma chixexü̃ i nüxicatama nüxü̃ nacuáxü̃ rü ngẽxma tá nacaxã́pü̱xü, rü tá Tupanaxü̃ nicua̱xüxü̃. Rü tá nüxü̃ nixu nax aixcüma Tupana petanüwa nangẽxmaxü̃.

Ngechuchuarü ngúexü̃gü ga yamugüxü̃arü puracüchiga 10:25

Rü yexguma Cornériupatawa nanguxgu ga Pedru, rü ĩã̱xtüwa naxca̱x naxũ ga Cornériu, rü Pedrupe̱xegu nayacaxã́pü̱xü, rü nüxü̃ nicua̱xüxü̃.

Ore i mexü̃ ga Cuáü̃ ümatüxü̃ 9:38

Rü yexguma ga gumá yatü ga ngexetüchire̱xcü rü Ngechuchupe̱xegu nacaxã́pü̱xü, rü nüxü̃ nicua̱xüxü̃, rü ñanagürü nüxü̃: —Ngẽmáacü cuxü̃́ chayaxõ, Pa Corix —ñanagürü.

Ore i mexü̃ ga Matéu ümatüxü̃ 28:17

Rü yexguma Ngechuchuxü̃ nadaugügu rü nüxü̃ nicua̱xüü̃gü, woo ñuxre ga norü ngúexü̃gü rü tama aixcüma nayaxõgü nax Ngechuchu yixĩxü̃.

Ore i mexü̃ ga Luca ümatüxü̃ 4:27

Rü yexguma namaxü̃xgu ga Erichéu, rü Iraéanewa nayexmagü ta ga muxü̃ma ga duü̃xü̃gü ga chaxünemaxã ida̱xaweexü̃. Natürü taxuxü̃ma ga yema ida̱xaweexü̃ ga Iraéanewa yexmagüxü̃ rü naxca̱x nitaane. Rü Naamáü̃ ga Chíriaanecüã̱xicatama nixĩ ga gumá naxca̱x yataanecü —ñanagürü ga Ngechuchu.

Ore i mexü̃ ga Matéu ümatüxü̃ 26:6

Rü Ngechuchu rü Betániawa nayexma napatawa ga Chimóü̃ ga rüchaxünecümaxã naxugüxü̃.

Ore i mexü̃ ga Matéu ümatüxü̃ 20:20

Rü yéma iyexma ga naé ga Chantiágu rü Cuáü̃ ga Chebedéu nanegü. Rü ngĩma rü Ngechuchuca̱x iyaxũ namaxã ga yema taxre ga ngĩnegü. Rü Ngechuchupe̱xegu iyacaxã́pü̱xü, rü wüxi ga ngü̃xẽẽca̱x nüxna iyaca.

Ore i mexü̃ ga Matéu ümatüxü̃ 14:33

Rü guxü̃ma ga norü ngúexü̃gü ga nguewa yexmagüxü̃ rü Ngechuchupe̱xegu nacaxã́pü̱xügü rü nüxü̃ nicua̱xüü̃gü, rü ñanagürügü nüxü̃: —Aixcümaxü̃chi cuma nixĩ ya Tupana Nane quixĩxü̃ —ñanagürügü.

Ore i mexü̃ ga Matéu ümatüxü̃ 13:58

Rü yema duü̃xü̃gütanüwa rü tama nanaxü ga muxü̃ma ga mexü̃gü ga Tupanaarü poramaxã naxüxü̃, yerü yema duü̃xü̃gü rü tama nüxü̃́ nayaxõgüchaü̃.

Ore i mexü̃ ga Matéu ümatüxü̃ 9:18

Rü yexguma ínangúexẽẽtaeyane ga Ngechuchu, rü naxü̃tawa nangu ga wüxi ga Yudíugüarü ãẽ̱xgacü. Rü Ngechuchupe̱xegu nayacaxã́pü̱xü, rü ñanagürü nüxü̃: —Pa Corix, chauxacü rü ngexwaca iyu. Natürü ngẽxguma chi ngéma cuxũxgu rü ngĩxü̃ quingõgügu, rü wena chixarü imaxü̃ —ñanagürü.

Norü taxre ga popera ga ãẽ̱xgacügüchiga 15:5

Rü yemaca̱x ga Cori ya Tupana rü ãẽ̱xgacü ga Acharíaxü̃ chaxünemaxã nida̱xawexẽxẽ ñu̱xmata nayumare. Rü yemaca̱x ãẽ̱xgacüpatawa wüxi ga ucapuwa nüxicatama nayexmaecha. Rü yemaca̱x nane ga Yotáü̃ guma ãẽ̱xgacüpatamaxã rü yema nachixü̃anemaxã inacuáx.

Norü taxre ga popera ga ãẽ̱xgacügüchiga 5:27

Rü ngẽmaca̱x i ñu̱xma i ngẽma Naamáü̃arü chaxüne rü tá cuxna naxüe rü nüxna naxüe i cuxacügü rü cutaagü. Rü ngẽmaãcü tá nixĩ i guxü̃gutáma —ñanagürü. Rü yexguma nüma ga Guexáchi rü Erichéuna yaxũgachigu rü nüxna naxüe ga chaxüne, rü nanacómüãchi ga naxcha̱xmüxü̃.

Iraétanüxü̃arü muxchiga 12:10

Rü yexguma Tupanapataétüna yaxũgachigu ga caixanexü̃, rü Maríawa narügo ga chaxüne. Rü ngĩrü guxü̃xü̃newa icho̱x. Rü yexguma Aróü̃ Maríaca̱x íyada̱u̱xgu rü ngĩxü̃ nadau nax chaxüne ngĩxü̃newa rügoxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Ore i mexü̃ ga Matéu ümatüxü̃ 28:9

Rü yexguma inaxü̃ãchiyane, rü ngürüãchi yéma ngĩxca̱x nango̱x ga Ngechuchu, rü ngĩxü̃ narümoxẽ. Rü ngĩmagü rü Ngechuchuca̱x iyabuxmü rü nüxü̃ iyacua̱xüü̃gü, rü naparawa ina̱i̱xãchitanü.

Ore i mexü̃ ga Matéu ümatüxü̃ 10:8

¡Rü penameexẽxẽ i ngẽma ida̱xaweexü̃! ¡Rü wena penamaxẽxẽẽ̱x i ngẽma marü yuexü̃! ¡Rü penameexẽxẽ i ngẽma chaxünemaxã ida̱xaweexü̃! Rü ngẽma ngo̱xoã̱xgüxü̃ ¡rü nawa ípenawoxü̃! Rü tama name i penaxãtanü ega texéxü̃ perümexẽẽgu, erü ngẽma pora i pexü̃́ ngẽxmaxü̃ rü pexü̃́ nangetanümare.

Ore i mexü̃ ga Matéu ümatüxü̃ 4:9

Rü Chataná rü ñanagürü nüxü̃: —Choma chi cuxna chanaxã i guxü̃ma i ngẽma cuxü̃ chawéxü̃ i ngẽxguma chi chope̱xegu cucaxã́pü̱xügu rü choxü̃ quicua̱xüxü̃xgu —ñanagürü.

Ore i mexü̃ ga Matéu ümatüxü̃ 2:11

Rü nagu nachocu ga gumá ĩ ga nawa nayexmane ga gumá bucü, rü yexma nüxü̃ nayangau ngĩmaxã ga naé ga María. Rü gumá bucüpe̱xegu nacaxã́pü̱xügü, rü nüxü̃ nicua̱xüü̃gü. Rü ñu̱xũchi nayawãxna ga norü ãmarechixü̃gü, rü gumá bucüna nanaxãmaregü ga úiru rü pumarate̱xe rü míra.

Norü taxre ga popera ga ãẽ̱xgacügüchiga 5:1

Rü nüma ga Naamáü̃ rü guma Chíriaanearü ãẽ̱xgacü ga réiarü churaragüeru nixĩ. Rü norü ãẽ̱xgacü rü poraãcü nüxü̃ nangechaü̃ rü nüxü̃ narüngü̃xẽxẽ yerü muẽ̱xpü̱xcüna rü norü churaragümaxã norü uanügüxü̃ narüporamae. Natürü nüma ga Naamáü̃ rü chaxünemaxã nida̱xawe.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

Ore i mexü̃ ga Matéu ümatüxü̃ 8:1

Rü yexguma guma ma̱xpǘnewa yanaxüegu ga Ngechuchu, rü muxü̃ma ga duü̃xü̃gü nawe narüxĩ.

Ore i mexü̃ ga Matéu ümatüxü̃ 8:25

Rü yexguma ga norü ngúexü̃gü rü ínanaba̱i̱xgügü, rü ñanagürügü nüxü̃: —Pa Corix, ¡toxü̃ rüngü̃xẽxẽ, erü ngẽmama itabaxü̃gü! —ñanagürügü.

Ngechuchuarü ngúexü̃gü ga yamugüxü̃arü puracüchiga 10:14

Rü Pedru nanangãxü̃ rü ñanagürü: —Taxucürüwa nixĩ, Pa Corix, erü taguma chanangõ̱x i ta̱xacü i toxca̱x ãũãchixü̃ —ñanagürü.