Ore i mexü̃ ga Matéu ümatüxü̃ 8:16 - Tupanaarü Ore

¹⁶ Rü yexguma marü yanaxücuchaü̃gu ga üa̱xcü, rü Ngechuchuxü̃tawa nanagagü ga muxü̃ma ga duü̃xü̃gü ga ngo̱xoã̱xgüxü̃. Rü wüxitama ga oremaxã Ngechuchu ínanawoxü̃ ga yema ngo̱xogü. Rü nanamexẽxẽ ta ga guxü̃ma ga yema togü ga ida̱xaweexü̃.

Ore i mexü̃ ga Matéu ümatüxü̃ 8:16 Referans Kwoze

Ínachoxü̃xü̃chiga 15:26

Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.

Ore i mexü̃ ga Luca ümatüxü̃ 4:40

Rü yexguma marü yanaxücuchaü̃gu ga üa̱xcü, rü Ngechuchuxü̃tawa nanagagü ga guxü̃ma ga duü̃xü̃gü ga naguxü̃raü̃xü̃ ga da̱xaweanemaxã ida̱xaweexü̃. Rü Ngechuchu rü wüxichigü ga yema duü̃xü̃güxü̃ ningõgü, rü yemaacü naxca̱x nayataanexẽẽchigü.

Ore i mexü̃ ga Matéu ümatüxü̃ 14:14

Rü yexguma nguewa ínaxüegu ga Ngechuchu rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü. Rü nanameexẽxẽ ga yema duü̃xü̃gü ga ida̱xaweexü̃ ga naxca̱x yéma nagagüxü̃.

Ngechuchuarü ngúexü̃gü ga yamugüxü̃arü puracüchiga 5:15

Rü nüma ga duü̃xü̃gü rü ĩanearü namagügu nayamugüxü̃ ga ida̱xaweexü̃ norü pechicaxü̃gümaxã rü norü caruü̃gümaxã nax yexguma Pedru yéma üpetügu, rü naxchipetamare nüxna nguxü̃ca̱x.

Ore i mexü̃ ga Márcu ümatüxü̃ 5:8

Rü yemaacü nidexa ga yema ngo̱xo yerü Ngechuchu rü marü ñanagürü nüxü̃: —Pa Ngo̱xox, ¡ínaxũxü̃ nawa ya yimá yatü! —ñanagürü.

Ore i mexü̃ ga Matéu ümatüxü̃ 12:22

Rü Ngechuchuxü̃tawa nanagagü ga wüxi ga yatü ga ngexetücü ga tama idexacü ga ngo̱xo nawa yexmacü. Rü Ngechuchu nayadauuchixẽxẽ rü nayadexaxẽxẽ.

Ore i mexü̃ ga Márcu ümatüxü̃ 2:3

Rü yéma nangugü ga ãgümücü ga yatügü, rü yéma Ngechuchuca̱x nanangetaü̃gü ga wüxi ga nawãĩxãchicü.

Ore i mexü̃ ga Matéu ümatüxü̃ 9:2

Rü yéma guma ĩanewa rü duü̃xü̃gü rü Ngechuchuxü̃tawa nanangetaü̃gü ga wüxi ga yatü ga nawãĩxãchicü. Rü yexguma Ngechuchu nüxü̃ da̱u̱xgu nax aixcüma yaxõgüãxü̃ ga yema duü̃xü̃gü, rü ñanagürü nüxü̃ ga gumá ida̱xawecü: —¡Nataãxẽ, Pa Chaunex! Erü curü pecadugü rü marü cuxü̃́ nüxü̃ narüngüma —ñanagürü.

Ore i mexü̃ ga Márcu ümatüxü̃ 9:25

Rü yexguma Ngechuchu nüxü̃ da̱u̱xgu nax muxü̃ma ga duü̃xü̃gü marü yexma ngutaque̱xexü̃, rü nananga ga yema ngo̱xo. Rü ñanagürü nüxü̃: —Pa Ngo̱xo i Ngegaxẽxẽruxü̃ rü Ngauchi̱xẽxẽẽruxü̃, ¡choma cuxü̃ chamu nax nawa ícuxũxũxü̃ ya daa bucü, rü tagutáma wena nagu cuyaxücuxü̃! —ñanagürü.

Ore i mexü̃ ga Matéu ümatüxü̃ 8:33

Rü yema cuchigüarü dauruü̃gü rü naba̱i̱xãchiãẽgü, rü ĩanewa nabuxmü. Rü yexguma ĩanewa nangugügu, rü nüxü̃ nixugügü ga guxü̃ma ga yema ngupetüxü̃ ga ñuxãcü naxca̱x nax yataanegüxü̃ ga yema taxre ga yatügü ga ngo̱xoã̱xgüxü̃.

Ore i mexü̃ ga Matéu ümatüxü̃ 8:15

Rü Ngechuchu ngĩxme̱xgu ningõgü, rü yexgumatama iga̱u̱xãchi ga yema nax yaxaxü̃nexü̃. Rü írüda ga ngĩmax. Rü ñu̱xũchi naxca̱x inamexẽxẽ ga õna.

Ore i mexü̃ ga Luca ümatüxü̃ 4:41

Rü nanameexẽxẽ ga muxü̃ma ga duü̃xü̃gü ga ida̱xaweexü̃ ga ngo̱xo nawa yexmagüxü̃. Rü yema ngo̱xogü rü aita naxüe, rü ñanagürügü: —Cuma nixĩ ya Tupana Nane quixĩxü̃ —ñanagürügü. Natürü ga Ngechuchu rü nayangagü ga yema ngo̱xogü. Rü nüxna nanachu̱xu ga nax yadexagüxü̃, yerü yema ngo̱xogü rü nüxü̃ nacua̱xgü nax Cristu yixĩxü̃.

Ore i mexü̃ ga Luca ümatüxü̃ 13:12

Rü yexguma Ngechuchu ngĩxü̃ da̱u̱xgu rü ngĩxca̱x naca, rü ñanagürü ngĩxü̃: —Pa Ngecüx, ñu̱xma rü marü cuxca̱x nitaane i curü da̱xawewa —ñanagürü.