Ore i mexü̃ ga Matéu ümatüxü̃ 8:10 - Tupanaarü Ore

¹⁰ Rü yexguma yemaxü̃ naxĩnügu ga Ngechuchu rü naba̱i̱xãchiãxẽ. Rü ñanagürü nüxü̃ ga yema duü̃xü̃gü ga nawe rüxĩxü̃: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ñaa yatürüxü̃ aixcüma yaxõxü̃.

Ore i mexü̃ ga Matéu ümatüxü̃ 8:10 Referans Kwoze

Ore i mexü̃ ga Luca ümatüxü̃ 7:9

Rü nüma ga Ngechuchu rü yexguma nüxü̃ naxĩnügu ga yema capitáü̃arü ore rü naba̱i̱xãchiãxẽ. Rü yema duü̃xü̃gü ga nawe rüxĩxü̃xü̃ nadawenü, rü ñanagürü: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ngẽma yatürüxü̃ aixcüma yaxõxü̃ —ñanagürü.

Ore i mexü̃ ga Matéu ümatüxü̃ 15:28

Rü yexguma ga Ngechuchu rü ñanagürü ngĩxü̃: —Pa Ngecüx, aixcümaxü̃chi cuyaxõ. Marü tá chanaxü i ngẽma cuma cunaxwa̱xexü̃ —ñanagürü. Rü yexgumatama ngĩxca̱x nitaane ga ngĩxacü.

Ore i mexü̃ ga Márcu ümatüxü̃ 6:6

Rü naba̱i̱xãchiãxẽ ga Ngechuchu, yerü yema duü̃xü̃gü rü tama nüxü̃́ nayaxõgü. Rü Ngechuchu rü guma ngaicamagüne ga ĩanexacügügu nixũgüchigü, rü nayangúexẽẽtanü ga duü̃xü̃gü.

Ore i mexü̃ ga Luca ümatüxü̃ 7:50

Natürü ga Ngechuchu rü ñanagürü ngĩxü̃ ga yema ngecü: —Curü õgagu rü marü nüxna ícunguxuchi i curü pecadugü. ¡Rü taãẽãcüma nataegu! —ñanagürü.

Ore i mexü̃ ga Luca ümatüxü̃ 5:20

Rü yexguma Ngechuchu nüxü̃ da̱u̱xgu nax aixcüma nüxü̃́ yaxõgüãxü̃ ga yema yatügü ga nawãĩxãchicüxü̃ yéma rüchü̱xüxüetaü̃güxü̃, rü ñanagürü gumá nawãĩxãchicüxü̃: —Pa Yatüx, marü cuxü̃́ nüxü̃ charüngüma i curü pecadugü —ñanagürü.

Naanearü ügüchiga 43:33

Rü yexguma ga Yúche rü naenexẽgüxü̃ ínarütogüxẽxẽ. Rü gumá rüyamaecüwa inanaxügü nax ínatogüxẽẽãxü̃ rü ñu̱xmata gumá rübumaecüwa nangu. Rü guxü̃ma ga naenexẽgü rü poraãcü naba̱i̱xãchiãẽgü rü nügü narüdaunütanüãchi.

Ore i mexü̃ ga Matéu ümatüxü̃ 8:9

Erü choma rü ta rü chorü ãẽ̱xgacüme̱xẽwa changexma. Rü cho̱xme̱xwa nangẽxmagü ta i ñuxre i churaragü. Rü ngẽxguma chanamuxgu i wüxi nax ngextá naxũxü̃ca̱x, rü ngéma naxũ. Rü ngẽxguma chaugüxü̃tawa naxca̱x changemagu i to, rü chauxü̃tawa nangu. Rü ngẽxguma chorü duü̃xü̃xü̃ chamuxgu nax ta̱xacü naxüxü̃ca̱x, rü choxü̃́ nanaxü —ñanagürü.

Ore i mexü̃ ga Matéu ümatüxü̃ 8:11

Rü choma rü pemaxã nüxü̃ chixu rü muxũchixü̃ i duü̃xü̃gü rü tá éstewa rü oéstewa ne naxĩ. Rü daxũwa ya Tupana ãẽ̱xgacü ixĩxü̃wa tá wüxigu nachibüe namaxã ya Abraáü̃ rü Ichaá, rü Acóbu.

Ngechuchuarü ngúexü̃gü ga yamugüxü̃arü puracüchiga 2:7

Rü yema nax poraãcü naba̱i̱xãchiexü̃ca̱x, rü nügümaxã rü ñanagürügü: —¿Tama ẽ̱xna Gariréaanecüã̱x yixĩgüxü̃ i guxü̃ i ñaa duü̃xü̃gü i tagawa idexagüxü̃?