Ore i mexü̃ ga Matéu ümatüxü̃ 8:1 - Tupanaarü Ore

¹ Rü yexguma guma ma̱xpǘnewa yanaxüegu ga Ngechuchu, rü muxü̃ma ga duü̃xü̃gü nawe narüxĩ.

Ore i mexü̃ ga Matéu ümatüxü̃ 8:1 Referans Kwoze

Ore i mexü̃ ga Matéu ümatüxü̃ 8:18

Rü yexguma Ngechuchu nüxü̃ da̱u̱xgu ga muxü̃ma ga duü̃xü̃gü nax nüxü̃ íchomaeguãchixü̃, rü norü ngúexü̃gümaxã nüxü̃ nixu, rü ñanagürü: —¡Ngĩxã, naxtaxaarü tocutüwa taxĩ! —ñanagürü.

Ore i mexü̃ ga Matéu ümatüxü̃ 4:25

Rü Ngechuchuwe narüxĩ ga muxü̃ma ga duü̃xü̃gü ga Gariréaanecüã̱x, rü Decaporíchiuanecüã̱x rü Yerucharéü̃cüã̱x, rü Yudéaanecüã̱x, rü Yudáü̃arü tocutücüã̱x.

Ore i mexü̃ ga Luca ümatüxü̃ 5:15

Natürü ga Ngechuchuchiga rü guxü̃wama ninguchigüama. Rü muxü̃ma ga duü̃xü̃gü rü naxca̱x naxĩtaque̱xegü nax norü orexü̃ naxĩnüexü̃ca̱x, rü naxca̱x nax yataanexẽẽãxü̃ca̱x ga norü da̱xawegüwa.

Ore i mexü̃ ga Márcu ümatüxü̃ 3:7

Rü Ngechuchu rü norü ngúexü̃gümaxã naxtaxacutüwa naxũ. Rü muxü̃ma ga duü̃xü̃gü ga Gariréaanecüã̱x rü nawe narüxĩ.

Ore i mexü̃ ga Matéu ümatüxü̃ 20:29

Rü yexguma Ngechuchu norü ngúexü̃gümaxã Yericúarü ĩanewa íchoxü̃gu, rü muxü̃ma ga duü̃xü̃gü nawe narüxĩ.

Ore i mexü̃ ga Matéu ümatüxü̃ 19:2

Rü muxü̃ma ga duü̃xü̃gü nawe narüxĩ, rü nüma ga Ngechuchu rü yéma nanameexẽxẽ ga yema ida̱xaweexü̃.

Ore i mexü̃ ga Matéu ümatüxü̃ 15:30

Rü muxü̃ma ga duü̃xü̃gü naxü̃tawa nangugü. Rü yéma naxü̃tawa nanagagü ga duü̃xü̃gü ga ichixeparagüxü̃, rü ngexetügüxü̃, rü chixechacüügüxü̃, rü tama idexagüxü̃, rü muxü̃ma ga togü ga ida̱xaweexü̃. Rü Ngechuchupe̱xegu nayamugü. Rü nüma ga Ngechuchu rü nanameexẽxẽ.

Ore i mexü̃ ga Matéu ümatüxü̃ 12:15

Rü yexguma Ngechuchu nüxü̃ cuáchigagu nax Parichéugü yama̱xgüchaxü̃xü̃, rü ínaxũxũ ga guma ĩanewa. Rü muxü̃ma ga duü̃xü̃gü nawe narüxĩ. Rü nüma ga Ngechuchu rü nanameexẽxẽ ga guxü̃ma ga yema duü̃xü̃gü ga ida̱xaweexü̃.

Ore i mexü̃ ga Matéu ümatüxü̃ 7:29

Yerü nüma rü Tupanaarü poramaxã nanangúexẽxẽ, rü tama yema ngúexẽẽruü̃gü ga mugüwa ngu̱xẽẽtaegüxü̃rüxü̃ nixĩ.

Ore i mexü̃ ga Matéu ümatüxü̃ 8:2

Rü Ngechuchuca̱x nixũ ga wüxi ga yatü ga chaxünemaxã ida̱xawecü. Rü Ngechuchupe̱xegu nayacaxã́pü̱xü, rü ñanagürü nüxü̃: —Pa Corix, ngẽxguma chi cuma cunaxwa̱xegu, rü chi cuxü̃́ natauxcha nax choxü̃ curümexẽẽxü̃ —ñanagürü.