Ore i mexü̃ ga Matéu ümatüxü̃ 7:8 - Tupanaarü Ore

⁸ Erü guxãma ya yíxema naxca̱x íca̱xaxe, rü tanayaxu. Rü guxãma ya naxca̱x dauxe, rü nüxü̃ itayangau. Rü guxãma ya yíxema norü ĩã̱xwa nüxna cagüxe, rü tá tümaca̱x nayawãxna.

Ore i mexü̃ ga Matéu ümatüxü̃ 7:8 Referans Kwoze

Wiyaegü 81:10

Rü choma nixĩ i perü Cori ya Tupana chixĩxü̃ ga Equítuanewa pexü̃ íchanguxü̃xẽẽxü̃. Rü ngẽxguma ta̱xacü pexü̃́ taxu̱xgux ¡rü choxna peca! Rü choma rü tá pexna chanaxã.

Wiyaegü 81:16

Natürü ngẽxguma chi norü duü̃xü̃gü ya Tupana naga ĩnüegu rü chi mexü̃ i trigumaxã nanaxüwemü rü chi mexü̃ i berurewa mea nayaxaxegüxẽxẽ.

Ngechuchuarü ngúexü̃gü ga yamugüxü̃arü puracüchiga 9:11

Rü nüma ga Cori nanangãxü̃, rü ñanagürü: —¡Dücax, ngẽma nama i Mea i Wéxü̃gu ãégaxü̃wa naxũ! ¡Rü ngéma Yúdapatawa naxca̱x ínaca i wüxi i yatü i Társucüã̱x i Chaurugu ãégaxü̃! Rü nüma rü ngéma ínayumüxẽ rü nango̱xetü rü nüxü̃ nadau i wüxi i yatü i Ananíagu ãégaxü̃ i ngẽxma ücuxü̃ rü naxetügu ümexü̃ nax wena yadauuchixü̃ca̱x —ñanagürü ga Cori ya Tupana.

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

Ore i mexü̃ ga Cuáü̃ ümatüxü̃ 2:2

Rü Ngechuchuna naxugüe namaxã ga norü ngúexü̃gü nax yéma naxĩxü̃ca̱x.

Wiyaegü 37:4

¡Rü aixcüma nüxü̃ nangechaxü̃ ya Cori ya Tupana! Rü nüma rü tá nayanguxẽxẽ i ngẽma cuma nagu curüxĩnüxü̃.

Ore i mexü̃ ga Matéu ümatüxü̃ 7:7

¡Tupanana naxca̱x peca! Rü nüma tá pexna nanaxã. ¡Rü naxü̃tagu naxca̱x pedau! Rü tá nüxü̃ ipeyangau. ¡Rü norü ĩã̱xwa nüxna pecagü! Rü tá pexca̱x nayawãxna.

Ore i mexü̃ ga Matéu ümatüxü̃ 7:9

Rü dücax i pemax, rü ngẽxguma chi wüxi i pexacü paũca̱x ícaxgu, rü ¿ñuxãcü chi wüxi ya nuta nüxna pexãxü̃?

Ore i mexü̃ ga Luca ümatüxü̃ 11:10

Erü guxãma ya yíxema naxca̱x íca̱xe rü tanayaxu, rü guxãma ya naxca̱x dauxe rü nüxü̃ itayangau. Rü guxãma ya ĩã̱xwa nüxna cagüxe, rü tümaca̱x tá nayawãxna i ĩã̱x.