Ore i mexü̃ ga Matéu ümatüxü̃ 7:7 - Tupanaarü Ore

⁷ ¡Tupanana naxca̱x peca! Rü nüma tá pexna nanaxã. ¡Rü naxü̃tagu naxca̱x pedau! Rü tá nüxü̃ ipeyangau. ¡Rü norü ĩã̱xwa nüxna pecagü! Rü tá pexca̱x nayawãxna.

Ore i mexü̃ ga Matéu ümatüxü̃ 7:7 Referans Kwoze

Ore i mexü̃ ga Matéu ümatüxü̃ 21:22

Rü guxü̃ma i ngẽma naxca̱x ípeca̱xaxü̃ i perü yumüxẽwa, rü tá penayauxgü ega aixcüma peyaxõgüãcüma naxca̱x ípeca̱xgu —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:22

Rü nüma tá tüxna nanaxã i guxü̃ma i ngẽma naxca̱x íicaxü̃, erü naga taxĩnüe i ngẽma tüxü̃ namuxü̃ rü tanaxü i ngẽma nüma namaxã nataãẽxü̃.

Ore i mexü̃ ga Cuáü̃ ümatüxü̃ 15:7

Rü ngẽxguma chowa peyaxũ̱xgüechagu rü taguma nüxü̃ ipeyarüngümaegu i ngẽma ore i pexü̃ changúexẽẽxü̃, rü marü name i naxca̱x ípeca i ta̱xacü i penaxwa̱xexü̃, rü choma rü tá pexna chanaxã.

Ore i mexü̃ ga Márcu ümatüxü̃ 11:24

Rü ngẽmaca̱x pemaxã nüxü̃ chixu rü guxü̃ma i ta̱xacü i naxca̱x ípecaxü̃ i perü yumüxẽwa, rü name nax peyaxõgüxü̃ nax marü penayaxuxü̃, rü tá penayaxu.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Ore i mexü̃ ga Matéu ümatüxü̃ 7:8

Erü guxãma ya yíxema naxca̱x íca̱xaxe, rü tanayaxu. Rü guxãma ya naxca̱x dauxe, rü nüxü̃ itayangau. Rü guxãma ya yíxema norü ĩã̱xwa nüxna cagüxe, rü tá tümaca̱x nayawãxna.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Ucu̱xẽgüchiga 8:17

Choma i cua̱x rü tüxü̃ changechaü̃ ya yíxema choxü̃ ngechaü̃güxe, rü yíxema cha̱u̱xca̱x daugüxe, rü choxü̃ itayangaugü.

Wiyaegü 10:17

Pa Corix, cuma rü nüxü̃ cuxĩnü i tümaarü yumüxẽ ya yíxema tama tügü icua̱xüxü̃güxe. Rü cuma rü tüxü̃ cutaãẽgüxẽxẽ rü tüxü̃ curüngü̃xẽxẽ.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Ore i mexü̃ ga Matéu ümatüxü̃ 18:19

Rü pemaxã nüxü̃ chixu rü ngẽxguma taxre i pema i núma ñoma i naanewa rü wüxigu ta̱xacüca̱x ípecaxgu i Chaunatü ya daxũgucüxü̃tawa, rü nüma ya Chaunatü rü tá pexna nanaxã.

Amúx 5:4

Rü nüma ya Cori ya Tupana rü Iraétanüxü̃xü̃ ñanagürü: —¡Cha̱u̱xca̱x pexĩ rü tá pemaxẽ!

Popera ga Chantiágu ümatüxü̃ 5:15

Rü ngẽxguma mea Tupanaaxü̃́ yaxõgüãcüma nayumüxẽgügu, rü tá tümaca̱x nitaane, rü nüma ya Cori ya Tupana tá tüxü̃ ínarüdaxẽxẽ nawa i tümaarü da̱xawe. Rü ngẽxguma chi ta̱xacürü pecadu taxü̱xgu, rü Tupana tá tüxü̃́ nüxü̃ inarüngüma.

Wiyaegü 27:8

Rü chauãẽwa rü chaugümaxã ñachagürü: —Cori ya Tupanaca̱x tá chadau —ñachagürü. Rü ngẽmaca̱x i chomax, Pa Corix, rü cuxca̱x chadau.

Ore i mexü̃ ga Luca ümatüxü̃ 18:1

Ngechuchu rü wüxi ga to ga cua̱xruxü̃ namaxã nixu nax yemawa nangúexẽẽãxü̃ca̱x nax taguma nüxü̃ naxoexü̃ca̱x nax nayumüxẽgüxü̃.

Ore i mexü̃ ga Matéu ümatüxü̃ 7:11

Rü pema nax pichixecümachiréxü̃ rü nüxü̃ pecua̱x nax mexü̃ pexacügüna pexãxü̃. Rü Penatü ya daxũgucü rü tá perü yexera mexü̃ tüxna naxã ya yíxema nüxna naxca̱x ca̱xaxe i ngẽma mexü̃.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Charumóü̃arü wiyae 3:2

Rü yexguma ícharüdaxgu, rü ĩanearü namagügu rü plázagügu chixũgü nax naxca̱x chadauxü̃ca̱x ya yimá choxü̃́ ngúchaü̃xü̃chicü. Rü naxca̱x chadau, natürü tama nüxü̃ ichayangau.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Wiyaegü 119:12

Cumexẽchi i cumax, Pa Cori Pa Tupanax. ¡Rü choxü̃ nangu̱xẽxẽ i curü mugü!

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Wiyaegü 70:4

Natürü guxãma ya yíxema cuxca̱x daugüxe rü name nixĩ nax poraãcü tataãẽgüxü̃. Rü yíxema naxwa̱xegüxe nax tümaétüwa cuchogüxü̃ rü name nixĩ i guxü̃guma ñatagürügü: —Namecümaxüchi ya Tupana —ñatagürügü.

Wiyaegü 69:32

Rü yíxema naxĩ̱xãchiãẽgüxe rü tá tataãẽgü i ngẽxguma nüxü̃ tadaugügu nax chomaxã cutaãẽxü̃, Pa Tupanax. Rü yíxema cuxca̱x daugüxe rü tá yexera tüxü̃́ nangúchaü̃ nax cuwe tarüxĩxü̃.

Nüxíraxü̃xü̃ ga popera ga ãẽ̱xgacügüchiga 3:5

Rü wüxi ga chütaxü̃gu rü Gabóü̃wa rü Cori ya Tupana rü Charomóü̃ca̱x nango̱x ga nanegüwa, rü ñanagürü nüxü̃: —¡Choxna naxca̱x naca i ngẽma cunaxwa̱xexü̃ rü choma rü tá cuxna chanaxã! —ñanagürü.

Wiyaegü 10:4

Rü ngẽma yatü i chixexü̃ rü nügü nicua̱xüxü̃ rü ñanagürü: —Nataxuma ya Tupana. Rü taxúetama choxna taca nachiga i ngẽma chaxüxü̃ —ñanagürü. Rü ngẽmaguxicatama narüxĩnü.

Romanos 3:11

Rü tataxuma ya texé ya aixcüma tümaãẽxü̃ cuáxe. Rü tataxuma ya texé ya aixcüma Tupanaca̱x dauxe.

Ore i mexü̃ ga Luca ümatüxü̃ 13:25

Erü ngẽxguma ngẽma ĩarü yora írüdaxgu nax yanawãxtaü̃xü̃ca̱x i ĩã̱x, rü pema i düxétüwa ngẽxmagüxe rü tá nüxna pecagü nax pexca̱x yanawãxnaü̃xü̃ca̱x i ĩã̱x. Rü ñaperügügü tá: “Pa Corix, ¡paxa toxca̱x yawãxna i ĩã̱x!” ñaperügügü tá. Natürü nüma i cori rü tá pexü̃ nangãxü̃, rü ñanagürü tá: “Tama pexü̃ chacua̱x nax Nge̱xtácüã̱x pixĩgüxü̃”, ñanagürü tá pexü̃.

Wiyaegü 34:4

Rü Cori ya Tupanana chaca rü nüma rü choxü̃ nangãxü̃, rü choxü̃ ínanguxuchixẽxẽ nawa i guxü̃ma i chorü oegaãẽgü.

Wiyaegü 37:4

¡Rü aixcüma nüxü̃ nangechaxü̃ ya Cori ya Tupana! Rü nüma rü tá nayanguxẽxẽ i ngẽma cuma nagu curüxĩnüxü̃.

Ichaía 30:19

Pa Duü̃xü̃gü i Chióü̃cüã̱x i Yerucharéü̃wa Maxẽxü̃x, rü taxũtáma pexauxe. Erü nüma ya Cori ya Tupana rü ngẽxguma nüxü̃ naxĩnügu i pega nax ngü̃xẽẽca̱x nüxna pecaxü̃ rü tá nüxü̃́ pengechaü̃tümüxü̃gü. Rü ngẽxguma pexü̃ naxĩnügu rü paxa tá pexü̃ nangãxü̃ga.

Naanearü ügüchiga 26:32

Rü yematama ngunexü̃gu ga yema Ichaáarü puracütanüxü̃ rü namaxã nüxü̃ nayarüxugüe nax dexáxü̃ yangauxgüxü̃ nawa ga gumá puchu ga yéma yacaxmaü̃güãcü.