Ore i mexü̃ ga Matéu ümatüxü̃ 7:6 - Tupanaarü Ore

⁶ Rü tama name i Tupanaarü ore i üünexü̃maxã penachixewe i ngẽma duü̃xü̃gü i tama yaxõgüchaü̃xü̃, erü ngürüãchi ngẽmaca̱x tá pexü̃ nadai. Rü tama name i Tupanaarü oremaxã penachixewe i ngẽma duü̃xü̃gü i tama nüxü̃ cua̱xgüchaü̃xü̃, erü tá ínanata̱xgü.

Ore i mexü̃ ga Matéu ümatüxü̃ 7:6 Referans Kwoze

Ucu̱xẽgüchiga 23:9

¡Taxṹ i cunaxucu̱xẽxü̃ i ngẽma duü̃xü̃ i naechitamare maxü̃xü̃, erü nüma rü tá nüxü̃ nacugüama i ngẽma curü ucu̱xẽ i mexü̃! -10-

Ucu̱xẽgüchiga 26:11

Wüxi i airu rü norü oxü wena nayade̱xexe. Rü ngẽxgumarüxü̃ ta i ngẽma duü̃xü̃ i tama naãẽxü̃ cuáxü̃, rü nacüma i chixexü̃ca̱x nataegu.

Filipenses 3:2

¡Rü pegüna peda̱u̱x nüxna i ngẽma duü̃xü̃gü i chixexü̃gu maxẽxü̃, rü ngẽma orearü uruü̃güneta, rü ngẽma nüxü̃ ixuxü̃ rü ngẽxguma tama yigü íiwíecha̱xmüxü̃pe̱xechiraü̃gu rü taxucürüwama Tupanape̱xewa time!

Ore i mexü̃ ga Matéu ümatüxü̃ 15:26

Natürü Ngechuchu rü ñanagürü: —Tama name i ta̱xacügüna tanapu i õna nax airugüna naxãxü̃ca̱x —ñanagürü.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

Norü taxre ga popera ga Pedru ümatüxü̃ 2:22

Rü aixcüma ngẽma duü̃xü̃gü i Tupanana woeguxü̃wa ningu i Tupanaarü ore i ümatüxü̃ i ñaxü̃: “Ngẽma airu i nügü oxgüxü̃, rü wenaxarü naxca̱x nataegu i norü oxü nax yawéaxü̃ca̱x. Rü ngẽma cuchi i norü yora meama aiyachiréxü̃, rü ngẽxgumatama wenaxarü norü aiyanewa nayayuxu”, ñanagürü i ngẽma ore.

Ore i mexü̃ ga Matéu ümatüxü̃ 24:10

Rü ngẽxguma rü muxũchixü̃ i chorü duü̃xü̃gü rü tá nüxü̃ narüxoe nax choxü̃́ yaxõgüãxü̃, rü nügütanüwa rü tá nügüchi naxaie. Rü nügüechita tá ãẽ̱xgacüxü̃tawa nügü ínayaxuaxü̃gü.

Ucu̱xẽgüchiga 11:22

Ngẽma ngexü̃ i mechametüxü̃ i tama naãẽxü̃ cuáxü̃, rü ñoma wüxi i ãnera i úirunaxca̱x i cuchiparaü̃wa ngẽxmaxü̃rüxü̃ nixĩ.

2 Corintios 11:26

Rü mue̱xpü̱xcüna tóxnamana chaxũ, rü natügü ga ãũcümaxü̃wa chayexma, rü ãũcümaxü̃ ga ngĩ́ta̱xagüxü̃ íyexmagüxü̃wa chayexma. Rü woo Yudíugütanüwa, rü woo yema tama Yudíugü ixĩgüxü̃tanüwa, rü woo ĩanegüwa, rü woo namagüwa, rü woo márwa rü ãũcümaxü̃wa chayexma. Rü woo yema yaxõgünetaxü̃tanüwa rü ãũcümaxü̃wa chayexma.

Ucu̱xẽgüchiga 26:4

Ngẽma naechitamare maxü̃xü̃, rü tama name i chixexü̃maxã cunangãxü̃ nax tama naxrüxü̃ quixĩxü̃ca̱x.

Ore i mexü̃ ga Matéu ümatüxü̃ 7:5

Pa Duü̃xü̃ i Nügü Írümenetaxü̃, rü name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.