Ore i mexü̃ ga Matéu ümatüxü̃ 7:11 - Tupanaarü Ore

¹¹ Rü pema nax pichixecümachiréxü̃ rü nüxü̃ pecua̱x nax mexü̃ pexacügüna pexãxü̃. Rü Penatü ya daxũgucü rü tá perü yexera mexü̃ tüxna naxã ya yíxema nüxna naxca̱x ca̱xaxe i ngẽma mexü̃.

Ore i mexü̃ ga Matéu ümatüxü̃ 7:11 Referans Kwoze

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Romanos 8:32

Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Ichaía 49:15

Natürü nüma ya Cori ya Tupana rü ñanagürü: —¿Ẽ̱xna wüxi i mama rü tá nüxü̃ yanangümaxü̃ nax ngĩnexü̃ nangechaxü̃xü̃? Rü woo ngĩma ngĩnexü̃ nangümagu, natürü i choma rü tagutáma pexü̃ icharüngüma.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Nüxíraxü̃xü̃ ga popera ga Cuáü̃ ümatüxü̃ 4:10

Rü ngẽma ngechaü̃ i aixcüma ixĩxü̃ rü tama Tupanaxü̃ tangechaü̃wa nango̱x. Natürü Tupana rü ñoma ga naanewa nanamu ga Nane nax taxca̱x nayuxü̃ca̱x rü naxütanüãxü̃ca̱x ga tórü pecadugü. Rü yemawa inanawe̱x i ngẽma ngechaü̃ i aixcüma ixĩxü̃.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Maraquía 1:6

Rü nüma ya Cori ya Tupana ya Guxü̃étüwa Ngẽxmacü rü chacherdótegüxü̃ ñanagürü: —Ngẽma buxü̃gü rü nanatügüxü̃ nangechaü̃, rü ngẽma naxü̃taxü̃gü rü norü coriga naxĩnü. Rü choma nax Penatü chixĩxü̃ ¿rü tü̱xcüü̃ i tama choxü̃ pengechaü̃xü̃? Rü choma nax perü Cori chixĩxü̃ ¿rü tü̱xcüü̃ i tama chauga pexĩnüexü̃? Natürü i pemax rü choxü̃ pexo, rü naétü ñaperügügü: “¿Ta̱xacüwa i cuxü̃ taxoxü̃?” ñaperügügü.

Wiyaegü 85:12

Rü nümatama ya Cori ya Tupana rü tá pucü ínananguxẽxẽ rü ngẽma tórü naanewa rü tá mea narüxügü i tanetügü.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Gálatas 3:22

Natürü tama ngẽmaãcü nixĩ. Erü Tupanaarü ore i ümatüxü̃wa nüxü̃ tadau nax guxü̃ma i duü̃xü̃gü rü pecadutüü̃wa nangẽxmagüxü̃. Rü ngẽmaca̱x i ñu̱xma rü yíxema Ngechuchu ya Cristuaxü̃́ yaxõgüxexicatama tixĩ ya nayauxgüxe i ngẽma maxü̃ i aixcüma mexü̃ ya Tupana tamaxã ixunetaxü̃.

Romanos 3:9

¿Rü ñuxãcü nixĩ i ñu̱xmax? ¿Pexca̱x rü yixema i Yudíugü rü togü i duü̃xü̃güarü yexera Tupanape̱xewa imexü̃? Pemaxã nüxü̃ chixu rü tama ngẽmaãcü nixĩ. Erü guxãma i yixema i Yudíugü rü guxü̃ma i ngẽma tama Yudíugü ixĩgüxü̃, rü tipecaduã̱xgü.

Yeremía 33:14

Rü Cori ya Tupana rü ñanagürü: —Nawa tá nangu i ngunexü̃ i nagu tá chayanguxẽxẽxü̃ i chorü uneta nax nüxü̃ charüngü̃xẽxẽxü̃ i chorü duü̃xü̃gü i Iraéanecüã̱xgü rü Yudáanecüã̱xgü.

2 Chamué 7:19

Rü tama ngexicatama nixĩ i choxna cuxuaxü̃xü̃, Pa Corix, natürü naétü nüxü̃ quixu rü tá nüxü̃ curüngü̃xẽxẽ i chautaagü i choma nax curü puracütanüxü̃ chixĩxü̃. Nataxuma i yatü i curüxü̃ ixĩxü̃, Pa Corix.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Ichaía 63:7

Pemaxã nüxü̃ chixuxchaü̃ i Tupanaarü ngechaü̃chiga rü chorü wiyaemaxã nüxü̃ chicua̱xüxü̃ naxca̱x i guxü̃ma i ngẽma mexü̃gü i taxca̱x naxüxü̃. Erü poraãcü Iraétanüxü̃maxã namecüma rü poraãcü tüxü̃ nangechaxü̃.

Ore i mexü̃ ga Matéu ümatüxü̃ 7:10

Rü ngẽxguma chi choxnica̱x pexna nacaxgu rü ¿ñuxãcü chi i ãxtape nüxna pexãxü̃?

Ore i mexü̃ ga Matéu ümatüxü̃ 23:9

Rü tama name i ñoma i naanewa texéxü̃, Pa Tonatüx, ñapegürü. Erü wüxixicatama nixĩ ya Penatü, rü nüma rü daxũwa nangẽxma.