Biblia Todo Logo
Bib sou entènèt

- Piblisite -




Ore i mexü̃ ga Matéu ümatüxü̃ 6:2 - Tupanaarü Ore

2 Rü ngẽxguma texéxü̃ curüngü̃xẽẽgu, rü tama name i nüxü̃ quixuchigaxü̃ i ngẽma cuxüxü̃, naxrüxü̃ i ngẽma nügü írümegünetaxü̃. Erü nümagü rü norü me nixĩ i ngutaque̱xepataü̃güwa rü ĩanegüarü namagüwa nüxü̃ nixuchigagü i ngẽma mexü̃ i naxügüxü̃. Rü ngẽmaãcü nanaxügü nax duü̃xü̃gü mea nachiga idexagüxü̃ca̱x. Natürü choma rü aixcüma pemaxã nüxü̃ chixu rü ngẽma nax duü̃xü̃gü nüxü̃ icua̱xüü̃güxü̃ nixĩ i norü ãmare.

Gade chapit la Kopi




Ore i mexü̃ ga Matéu ümatüxü̃ 6:2
56 Referans Kwoze  

Rü ngẽxguma peyumüxẽgügu, rü tama name i ngẽma nügü írümegünetaxü̃rüxü̃ pixĩgü. Erü nümagü rü ngẽxguma nayumüxẽgügu, rü norü me nixĩ nax chiãcü nayumüxẽgüxü̃ i ngutaque̱xepataü̃güwa rü ĩanegüarü namagüwa nax duü̃xü̃gü nüxü̃ daugüxü̃ca̱x. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.


Rü ngẽxguma tama pechibüeãcüma peyumü̃xẽgügu rü tama name i pegü pengechaü̃chíwexẽẽgü naxrüxü̃ i ngẽma nügü írümegünetaxü̃rüxü̃. Erü nümagü rü ngẽmaãcü nanaxügü nax togü nüxü̃ nax daugüxü̃ca̱x i ngẽma nax Tupanaca̱x naxaureexü̃. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.


Rü choma rü tama chanaxwa̱xe nax choxü̃ picua̱xüü̃güxü̃ erü meama pexü̃ chacua̱x, rü nüxü̃ chacua̱x nax tama aixcüma Tupanaxü̃ pengechaü̃güxü̃.


¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.


—¡Pexũãẽgü naxca̱x i ngẽma ngúexẽẽruü̃gü i Moichéarü mugüwa ngu̱xẽẽtaegüxü̃! Erü nümagü rü norü me nixĩ i mexü̃ i naxchirumaxã nax naxĩaneãxü̃. Rü ĩanearü plazagüwa nanaxwa̱xegü nax duü̃xü̃gü mea nüxü̃ rümoxẽgüxü̃. Rü ngutaque̱xepataü̃güwa rü norü me nixĩ i ngẽma nape̱xewa ügüxü̃ ga naxmaxwe̱xewa nax natogüxü̃. Rü õna i taxü̃wa rü ngẽma õnaarü yoraxü̃tawa ügüxü̃ i nachicaca̱x nadaugü.


Yíxema tügütama ixuchigaxe rü naxca̱x tadau nax duü̃xü̃gü tüxü̃ icua̱xüü̃güxü̃. Natürü yíxema naxca̱x dauxe nax nüxü̃ ticua̱xüxü̃ ya yimá tüxü̃ mucü, rü aixcüma nixĩ i tümaarü ore. Rü tama dora nixĩ i ngẽma nüxü̃ tixuxü̃.


Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.


Rü ngẽma duü̃xü̃ i chixexü̃ rü ngẽxguma texéxü̃tawa diẽruca̱x ínaca̱xgu rü taguma nanatáeguxẽxẽ. Natürü yimá yatü ya mecü rü nüxü̃́ tangechaü̃tümüxü̃ ya namücü rü norü ngẽmaxü̃gü tümamaxã nangau.


Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.


Rü yema namaxã toxü̃ naxucu̱xẽgüxü̃ nixĩ nax nüxü̃ tarüngü̃xẽẽgüxü̃ca̱x ga yema yaxõgüxü̃ ga ngearü diẽruã̱xgüxü̃. Rü yexicatama nixĩ ga toxna nüxü̃ nacua̱xãchixẽẽxü̃. Rü choma rü woetama ngẽma nixĩ i guxü̃guma marü chaxüxü̃.


Rü nüma ga Cornériu rü meama nüxü̃ nadawenü, rü poraãcü namuü̃ãcüma nüxna naca, rü ñanagürü: —¿Ta̱xacü cunaxwa̱xe, Pa Corix? —ñanagürü. Rü nanangãxü̃ ga yema orearü ngeruxü̃ ga daxũcüã̱x, rü ñanagürü: —Curü yumüxẽgü rü Tupana marü cuxü̃́ nüxü̃ naxĩnü, rü cumaxã nataãxẽ nax nüxü̃ curüngü̃xẽẽxü̃ i duü̃xü̃gü i ngearü diẽruã̱xgüxü̃.


Rü ñanagürü ta: —¡Pa Dauxü̃taeruxü̃x, nagu icue i curü cornéta! Erü ñoma wüxi i ĩyü i nawemü tüxü̃ iyaxuxü̃rüxü̃ ñomama nixĩ i ngẽma uanügü i chorü duü̃xü̃güarü daiwa ĩxü̃. Rü ngẽma guxchaxü̃ tá naxca̱x ínangu i chorü duü̃xü̃gü erü tama nayanguxẽẽgü i ngẽma uneta ga namaxã chaxüxü̃ rü tama naga naxĩnüe i chorü mugü.


¡Rü namaxã nüxü̃ ixu i ngẽma muarü diẽruã̱xgüxü̃ nax mexü̃ naxügüxü̃ca̱x! Rü ngẽmaãcü tá namu i ngẽma mexü̃gü i naxügüxü̃. Rü tanaxwa̱xe nax ínamemaregüxü̃ nax togüna naxããxü̃ rü namaxã nangauxü̃ i norü ngẽmaxü̃gü.


Rü yíxema nüxü̃ cuáxe nax Tupanaarü oremaxã duü̃xü̃güxü̃ tataãẽxẽẽxü̃, rü name nixĩ i meama tanaxü i ngẽma. Rü yíxema nüxü̃ cuáxe nax togümaxã tangauxü̃ i tümaarü ngẽmaxü̃gü, rü name nixĩ i tümaarü ngúchaü̃maxã tanaxü i ngẽma. Rü yíxema ãẽ̱xgacü ixĩxẽ rü name nixĩ i meama tayanguxẽxẽ i ngẽma puracü. Rü yíxema nüxü̃ cuáxe nax togü tüxü̃́ ngechaü̃tümüxü̃güxü̃, rü name nixĩ i taãẽãcüma tanaxü i ngẽma.


Rü nawena nax ñuxre ga taunecü togü ga nachixü̃anegu chixũgüxü̃, rü wenaxarü chauchixü̃aneca̱x chataegu nax nua chanangexü̃ca̱x ga diẽru nax namaxã nüxü̃ charüngü̃xẽẽxü̃ i chautanüxü̃ i Yudíugü i nüxü̃́ nataxuxü̃, rü Tupanana chanaxãxü̃ca̱x i chorü ãmaregü.


Rü ñanagürü choxü̃: “Pa Cornériux, Tupana marü nüxü̃ naxĩnü i curü yumüxẽ rü cumaxã nataãxẽ naxca̱x nax nüxü̃ curüngü̃xẽẽxü̃ i ngẽma duü̃xü̃gü i ngearü diẽruã̱xgüxü̃.


Rü nüma nixĩ ga wüxi ga yatü ga meama Tupanaaxü̃́ yaxõcü. Rü wüxigu naxma̱xmaxã rü naxacügümaxã Tupanaxü̃ nangechaü̃gü. Rü mucüma ga norü diẽrumaxã nüxü̃ narüngü̃xẽxẽ ga duü̃xü̃gü ga Yudíugü ga ingearü diẽruã̱xgüxü̃. Rü guxü̃guma nayumüxẽ rü Tupanamaxã nidexa.


Rü yexgumaü̃cüxü ga ĩane ga Yópewa rü iyexma ga wüxi ga ngecü ga yaxõ̱xcü ga Tabitá ga ngĩéga. Rü ngẽma naéga rü Griégugawa rü Dórca ñaxü̃chiga nixĩ. Rü ngĩma rü wüxi ga ngecü ga ngü̃xẽẽwa̱xecü iyixĩ, rü guxü̃guma nüxü̃ irüngüxẽxẽ ga yema duü̃xü̃gü ga ta̱xacü nüxü̃́ taxuxü̃.


Rü nüma ga Yúda rü diẽruchiü̃arü dauruxü̃ nixĩ. Rü yemaca̱x ñuxre ga nümagü rü nagu narüxĩnüe nax Ngechuchu rü taxewa namuaxü̃ nax ta̱xacüca̱x yataxexü̃ca̱x naxca̱x ga peta, rüe̱xna duü̃xü̃gü ga ngearü diẽruã́xü̃na ngĩxü̃ nax naxãxü̃ca̱x ga diẽru.


¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?


Rü ngẽxguma tama nagu curüxĩnügu i ngẽma naixpüta i cuxetüwa ngẽxmaxü̃ ¿rü ñuxũcürüwa i cuenexẽxü̃ cuchixewexü̃, rü ñacuxü̃ nüxü̃: “Pa Chauenexẽx, cuxü̃ chanayauxchaü̃ i ngẽma curü üxaxetüxü̃”, ñacuxü̃? Pa Duü̃xü̃ i Mea Maxnetaxü̃x, name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.


Rü ngutaque̱xepataü̃güwa rü norü me nixĩ i ngẽma naxma̱xwe̱xegü i nape̱xewa ügüxü̃wa nax natogüxü̃. Rü õnagüwa rü ngẽma õnaarü yoraxü̃tawa ügüxü̃ i nachicaca̱x nadaugü.


Nangexma i muxü̃ma i duü̃xü̃gü i nügü ixugüxü̃ nax mexü̃gü yixĩgüxü̃, natürü bai i wüxi ingẽxmaxü̃ i nüxna rüyoexü̃.


Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.


Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.


Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.


Rü taguma naxca̱x tadaugü nax texé toxü̃ icua̱xüü̃güxü̃, rü woo i pema rü bai i togü.


Rü yexguma ga yema yaxõgüxü̃ ga Antioquíawa yexmagüxü̃, rü marü wüxigu nagu narüxĩnüe nax yéma ngĩxü̃ namugüxü̃ca̱x ga diẽru nax nüxü̃ nangü̃xẽẽgüxü̃ca̱x ga yema yaxõgüxü̃ ga Yudéaanegu ãchiü̃güxü̃. Rü wüxichigü ngĩxü̃ inaxã ga diẽru yexgumarüxü̃ ga ñuxre ga nüxü̃́ yexmacü.


Rü yexguma ga Cori ga Ngechuchu rü nanangãxü̃, rü ñanagürü: —Pa Duü̃xü̃güx i Mea Maxẽnetaxü̃x, ¿Tama ẽ̱xna guxã i pema rü ngü̃xchigaarü ngunexü̃gu peyawẽxü̃ i perü woca rü ẽ̱xna perü búru nax peyaxaxexẽxẽxü̃ca̱x?


Pa Duü̃xü̃güx i Mea Maxẽnetaxü̃, pema nüxü̃ pecua̱x nax ñuxãcü penangugüxü̃ ega tá napuxgu rüe̱xna tá nangu̱xetügu. ¿Rü ñuxãcü i ñu̱xma i tama nüxü̃ pecuáxü̃ nax Tupana yixĩxü̃ ya petanüwa ngucü?


¡Rü namaxã petaxe i perü ngẽmaxü̃gü i pexü̃́ ngẽmagüxü̃, rü togü i duü̃xü̃gü i nüxü̃́ nataxuxü̃na penaxã i ngẽma diẽru! Rü ngẽmaãcü tá pegüxü̃́ penangexmaxẽxẽ i perü ngẽmaxü̃gü i taguma pexü̃́ ngauxü̃ rü taguma gúxü̃ i daxũguxü̃ i naanewa i ngextá ngĩ́ta̱xagüxü̃ tama íyaxücuxü̃wa rü naweane tama ínachixexẽẽxü̃wa.


Rü wüxi i ngechaü̃ nixĩ i pexca̱x, Pa Parichéugüx, erü pema rü ngutaque̱xepataü̃güwa rü perü me nixĩ nax ngẽma naxma̱xwe̱xegü i nape̱xewa ügüxü̃wa perütogüxü̃. Rü ĩanearü namagüwa rü penaxwaxegü nax duü̃xü̃gü mea pexü̃ rümoxẽgüxü̃.


Rü name nixĩ i curü diẽruwa ngẽma ngearü diẽruã̱xgüxü̃na penaxã. Rü ngẽmaãcü tá pime i guxü̃wama.


Natürü wüxi i ngechaü̃ tá nixĩ i pexca̱x i pema ya muarü diẽruã̱xgüxe, erü ñoma i naanewa rü marü pexü̃́ nangẽxma i perü taãxẽ.


Natürü Ngechuchu nanangãxü̃ rü ñanagürü: —Pa Mea Maxẽnetagüxü̃x, rü pechiga nixĩ ga yema Tupanaarü ore ga norü orearü uruxü̃ ga Ichaía nüxü̃ ixuxü̃ ga ñaxü̃: “Ñaa duü̃xü̃gü rü naxã̱xmaxãmare choxü̃ nicua̱xüü̃gü, natürü naãxẽwa rü tama chaugu narüxĩnüe.


Rü poraãcü tá nanapoxcu i ngẽma norü duü̃xü̃, ngẽma nügü írümegünetaxü̃xü̃ nax napoxcuexü̃rüxü̃. Rü ngéma tá narüdoxü rü nixü̃́xchapüta —ñanagürü.


Rü petagüarü õnawa rü ngẽma ngúexẽẽruü̃gü i mugüwa ngu̱xẽẽtaegüxü̃ rü ngẽma Parichéugü rü nanaxwa̱xegü i õnaarü yoraxü̃tawa nax natogüxü̃ nax duü̃xü̃gü ngéma nüxü̃ rüdaunüxü̃ca̱x. Rü ngutaque̱xepataü̃güwa rü nanaxwa̱xegü nax nape̱xewa ügüxü̃ i naxma̱xwe̱xegüwa natogüxü̃.


Natürü Ngechuchu nüxü̃ nacua̱xama nax chixexü̃gu naxĩnüexü̃ ga yema duü̃xü̃gü. Rü yemaca̱x ñanagürü nüxü̃: —Pa Duü̃xü̃güpe̱xewa Mea Maxẽnetaxü̃x ¿tü̱xcüü̃ chixexü̃gu choxü̃ pengu̱xẽxẽgüchaü̃xü̃?


Rü ngẽxguma pa̱xmama nadáutüweanegu rü nacaixanegu, rü: “Tá nachixeane i ñaa ngunexü̃”, ñaperügügü. Rü pema nüxü̃ pecua̱x nax penangugüxü̃ i ñuxgu tá nameanexü̃ rü ñuxgu tá nachixeanexü̃. ¿Rü ñuxãcü i tama nüxü̃ pecuáxü̃ nax ta̱xacüchiga yixĩxü̃ i ngẽma cua̱xruü̃gü i ñu̱xma chauxü̃tawa nüxü̃ pedauxü̃? —ñanagürü.


Pemax, Pa Duü̃xü̃güpe̱xewa Mea Maxẽnetaxü̃x, aixcüma nixĩ ga yema ore ga Tupanaarü orearü uruxü̃ ga Ichaía pechiga ümatüxü̃ ga ñaxü̃:


Rü ngẽma chanaxwa̱xexü̃ nixĩ nax tüxü̃ pechibüexẽẽxü̃ ya yíxema taiyaexe, rü pepatawa tüxü̃ peyaxuxü̃ ya yíxema ngearü diẽruã̱xgüxe rü ngepatagüxe, rü tüxü̃ pixüxchiruxü̃ ya yíxema ngexchirugüxe, rü to̱xguã̱x tüxü̃ perüngü̃xẽẽgüxü̃.


Rü nüma ya Cori ya Tupana rü ngẽmaca̱x tama namaxã nixauxãchi i ngextü̱xüxü̃gü, rü ñu̱xũchi tama nüxü̃́ tangechaü̃tümüxü̃ ya taxcutagü rü yutegüxe. Erü guxü̃ma i duü̃xü̃gü rü chixexü̃arü üruü̃gü nixĩgü rü naechitamare chixexü̃ i dexamaxã nidexagü. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngüxmü, rü yexeraãcü nayaxãxũnechigüama.


¡Rü togüxü̃ rüngü̃xẽxẽ namaxã i ngẽma cuxü̃́ tauxchaxü̃! Erü tama nüxü̃ cucua̱x nax ta̱xacürü guxchaxü̃ tá ínguxü̃ nawa i ñaa nachixü̃ane.


Rü Chaú rü Chamuéxü̃ ñanagürü: —Nüxü̃ chacua̱x nax choma rü chixexü̃ chaxüxü̃, natürü cuxü̃ chachixewe nax ngẽma Iraéanearü ãẽ̱xgacügüpe̱xewa rü ñu̱xũchi guxü̃ma i duü̃xü̃güpe̱xewa choxü̃ cucuáxü̃ nax Iraéanearü ãẽ̱xgacü chixĩxü̃. ¡Rü ngẽmaca̱x chowe rüxũ nax nüxü̃ yarücua̱xüü̃güxü̃ca̱x i curü Cori ya Tupana! —ñanagürü.


Pa Duü̃xü̃ i Nügü Írümenetaxü̃, rü name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.


Rü aixcüma pemaxã nüxü̃ chixu, rü ñu̱xma nax nangẽxmagüxü̃ i daxũguxü̃ i naane rü ñoma i naane rü bai i írarüwa tá naxüchicüxü i ngẽma mugü ñu̱xmatáta yangu i guxü̃ma i ngẽma mugü nüxü̃ ixuxü̃.


Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.


Natürü i cuma rü ngẽxguma tüxü̃ curüngü̃xẽẽgu ya yíxema tüxü̃́ nataxúxe, rü name i bexma cunaxü. Rü woo cumücüxüchi rü tama name i nüxü̃ nax nacuáxü̃ i ngẽma cuxüxü̃. Rü Cunatü ya Daxũgucü ya nüxü̃ daucü i ngẽma bexma cuxüxü̃, rü tá cuxna nanaxã i curü ãmare.


Rü nümagü rü mea namaeneta, rü guxü̃ma i ngẽma naxügüxü̃, rü nanaxügü nax duü̃xü̃gü nüxü̃ daugüxü̃ca̱x. Rü nacatüwa rü nachacüügüwa nayana̱i̱xcuchigü i Tupanaarü ore i ãxchiü̃xü̃. Rü naxchirupechinüwa nanapaicu i bopü̱xüxü̃ i ngã̱xãẽruü̃gü.


Rü woo ngẽma duü̃xü̃gü i ngearü diẽruã̱xgüxü̃xü̃ chayanuxgu i guxü̃ma i ta̱xacü i choxü̃́ ngẽxmaxü̃, rü woo Tupanaarü oreca̱x chaugü ichaxãxgu nax üxüwa choxü̃ yagugüxü̃ca̱x, rü taxuwama choxü̃́ name i ngẽma ega tama choxü̃́ nangẽxmagu i ngechaü̃.


Swiv nou:

Piblisite


Piblisite