Ore i mexü̃ ga Matéu ümatüxü̃ 6:1 - Tupanaarü Ore

¹ Rü ngẽxguma ta̱xacürü mexü̃ pexü̱xgu, rü name i pexuãxẽ nax tama duü̃xü̃güpe̱xewa penaxüxü̃ i ngẽma nax duü̃xü̃gü pexü̃ dauxü̃ca̱x rü pexü̃ yacua̱xüü̃güxü̃ca̱x. Erü ngẽxguma duü̃xü̃gü pexü̃ icua̱xüü̃güxü̃ca̱x mexü̃ pexü̱xgu, rü Penatü ya daxũgucü rü taxũtáma ãmare pexna naxã.

Ore i mexü̃ ga Matéu ümatüxü̃ 6:1 Referans Kwoze

Ore i mexü̃ ga Matéu ümatüxü̃ 23:5

Rü nümagü rü mea namaeneta, rü guxü̃ma i ngẽma naxügüxü̃, rü nanaxügü nax duü̃xü̃gü nüxü̃ daugüxü̃ca̱x. Rü nacatüwa rü nachacüügüwa nayana̱i̱xcuchigü i Tupanaarü ore i ãxchiü̃xü̃. Rü naxchirupechinüwa nanapaicu i bopü̱xüxü̃ i ngã̱xãẽruü̃gü.

Ore i mexü̃ ga Cuáü̃ ümatüxü̃ 12:43

Rü yemaacü tama nügü nixugüchaü̃, yerü norü me nixĩ nax duü̃xü̃gü namaxã taãẽgüxü̃ rü tama aixcüma naxca̱x nadaugü nax Tupana namaxã taãẽxü̃.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Gálatas 6:12

Rü ngẽma Yudíugü i pexü̃ ngúexẽẽxü̃ nax pegü ípewíecha̱xmüü̃pe̱xechiraü̃güxü̃ca̱x, rü ngẽmaãcü pexü̃ namu erü nanataãẽxẽẽgüchaü̃ i ngẽma togü i Yudíugü nax tama naxchi naxaiexü̃ca̱x nagagu nax Ngechuchu ya Cristu ga curuchagu yucüaxü̃́ nax yaxõgüãxü̃.

Ore i mexü̃ ga Cuáü̃ ümatüxü̃ 5:44

¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Norü taxre ga popera ga Cuáü̃ ümatüxü̃ 1:8

¡Pexũãẽgü nax taxúema pexü̃ womüxẽxẽgüxü̃ca̱x nax tama natüca̱xma yixĩxü̃ca̱x i torü puracü i petanüwa taxüxü̃! Rü name nixĩ i peyaxõgüama nax penayaugüxü̃ca̱x i ngẽma ãmare ya Tupana pexna ãxchaü̃xü̃.

Ore i mexü̃ ga Márcu ümatüxü̃ 8:15

Rü yexguma ga Ngechuchu rü nayaxucu̱xẽgü, rü ñanagürü nüxü̃: —¡Dücax, pexuãxẽ naxca̱x i Parichéugüarü rü Eródearü paũarü pu̱xẽxẽruxü̃! —ñanagürü.

Ore i mexü̃ ga Matéu ümatüxü̃ 6:16

Rü ngẽxguma tama pechibüeãcüma peyumü̃xẽgügu rü tama name i pegü pengechaü̃chíwexẽẽgü naxrüxü̃ i ngẽma nügü írümegünetaxü̃rüxü̃. Erü nümagü rü ngẽmaãcü nanaxügü nax togü nüxü̃ nax daugüxü̃ca̱x i ngẽma nax Tupanaca̱x naxaureexü̃. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Ore i mexü̃ ga Matéu ümatüxü̃ 16:6

Rü yexguma ga Ngechuchu rü ñanagürü nüxü̃: —¡Dücax, pexuãẽgü naxca̱x i Parichéugüarü rü Chaduchéugüarü paũarü pu̱xẽẽruxü̃! —ñanagürü.

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

Ore i mexü̃ ga Matéu ümatüxü̃ 5:16

Rü name nixĩ i duü̃xü̃güpe̱xewa mea pemaxẽxü̃. Rü ngẽxguma i pema rü duü̃xü̃güca̱x rü ñoma omügürüxü̃ pixĩgü. Rü ngẽmaãcü i duü̃xü̃gü rü tá nüxü̃ nadaugü i ngẽma mexü̃ i pexüxü̃, rü tá nüxü̃ nicua̱xüü̃gü ya Penatü ya daxũwa ngẽxmacü.

Ore i mexü̃ ga Luca ümatüxü̃ 11:35

¡Mea cugüna nadau nax tama ẽanexü̃xü̃ nanguxuchixü̃ca̱x i ngẽma ngóonexü̃ i cuwa ngẽxmaxü̃.

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Ore i mexü̃ ga Luca ümatüxü̃ 12:1

Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Ore i mexü̃ ga Matéu ümatüxü̃ 5:46

Rü ngẽxguma chi ngẽma duü̃xü̃gü i pexü̃ ngechaü̃güxü̃xicatama pengechaü̃gügu, ¿rü ta̱xacürü ãmare tá Tupanaxü̃tawa peyauxgü? ¿Tama ẽ̱xna ngẽmatama naxügüxü̃ i ngẽma yatügü i ãẽ̱xgacüca̱x diẽru ngĩxü̃ ideetanüxü̃?

Chacaría 7:5

—Pa Chacaríax, ¡namaxã nüxü̃ ixu i guxü̃ma i duü̃xü̃gü i ñaa nachixü̃anewa maxẽxü̃ rü ñu̱xũchi ya chacherdótegü rü ñacurügü nüxü̃!: “Ñu̱xma i pema rü marü 70 ya taunecü pingegü nax norü wüxime̱e̱xpü̱x ya tauemacügu rü norü 7 ya tauemacügü pexauregüxü̃, natürü tama aixcüma cha̱u̱xca̱x nixĩ ga pexauregüxü̃.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Ore i mexü̃ ga Matéu ümatüxü̃ 6:9

Rü ngẽmaca̱x rü ñaãcü tá peyumüxẽgü i pemax: ‘Pa Tonatü ya Daxũgucüx, üünecü nixĩ i cuéga.

Wenaxarü naxümatü ga Tupanaarü mugü 24:13

Rü ngẽxguma marü yanaxü̱xcugu ya üa̱xcü rü name nixĩ i tüxü̃ penatáeguxẽxẽ i tümachiru, nax ngẽmamaxã tügü tidüxüxü̃ca̱x i ngẽxguma chütacü tapexgu. Rü ngẽxguma ngẽmaãcü penaxü̱xgu, rü tüma rü tá moxẽ pexna taxã. Rü nüma ya Cori ya perü Tupana tá pexü̃ narüngü̃xẽxẽ, erü mexü̃ nape̱xewa pexügü.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

Danié 4:27

Rü ngẽmaca̱x Pa Ãẽ̱xgacüx, ¡irüxĩnü i ñaa chorü ucu̱xẽ rü mea namaxã inacua̱x i duü̃xü̃gü! ¡Rü taxṹ i pecadu cuxüxü̃ rü ngẽxmatama yacua̱xẽxẽ nax cunaxüxü̃ i ngẽma chixexü̃ i cuãẽwa ínguxü̃! ¡Rü nagu rüxĩnü nax nüxü̃ curüngü̃xẽxẽxü̃ i ngẽma duü̃xü̃gü i ngearü ngẽmaxü̃ã̱xgüxü̃! Rü bexmana ngẽmaãcü ya Tupana i taxũtáma cuxna nanguxẽẽãxü̃ i ngẽma chixexü̃ i cumaxã naxueguxü̃” —ñanagürü ga Danié.

Popera ga Yudíugü ga yaxõgüxü̃ca̱x ümatüxü̃ 11:26

Rü yexgumarüxü̃ nax daxũguxü̃ ga naanena nax yaxũxü̃ ga Cristu nax ngúxü̃ yangexü̃ca̱x, rü yexgumarüxü̃ ta nixĩ ga Moiché ga ãẽ̱xgacüpatana nax yaxũxü̃, yerü naxca̱x rü narümemae nax Iraétanüxü̃maxã wüxigu ngúxü̃ yangexü̃. Rü taxuca̱xma yema ngúxü̃gu narüxĩnü ga Moiché, yerü norü ngúchaü̃ nixĩ nax naya̱u̱xãxü̃ i ngẽma natanü ya Tupana tá nüxna ãxü̃.

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.

Norü taxre ga popera ga ãẽ̱xgacügüchiga 10:31

Rü woo ga nax yemaxü̃ namaxã yaxuxü̃ ga Cori ya Tupana, rü nüma ga Yeú rü tama aixcüma Cori ya Iraétanüxü̃arü Tupanaarü mugü ninguxẽxẽ, yerü tama nüxna nixũgachi ga yema chixexü̃ ga Yeruboáü̃ Iraétanüxü̃xü̃ nagu yixẽẽxü̃.

Norü taxre ga popera ga ãẽ̱xgacügüchiga 10:16

Rü ñu̱xũchi ñanagürü: —¡Choxü̃ naxümücü nax nüxü̃ cudauxü̃ca̱x nax ñuxãcü poraãcü Cori ya Tupanaxü̃ changechaü̃xü̃! —ñanagürü. Rü yemaacü norü caru ga cowarugü itúchigünegu Yonadáxü̃ nigae.

Chacaría 13:4

Rü ngẽma ngunexü̃gu rü ngẽma orearü uruü̃günetagü rü tá naxãnee nax nüxü̃ yaxugüxü̃ i ngẽma nanegüwa nüxü̃ nadaugüxü̃ erü doramare nixĩ. Rü taxũtáma Tupanaarü orearü uruü̃güchiru i carnérucha̱xmüü̃naxca̱xgu nicu̱x nax ngẽmaãcü doramare ixĩxü̃ i orexü̃ yaxuxü̃ca̱x.

Ngechuchuarü ngúexü̃gü ga yamugüxü̃arü puracüchiga 3:12

Rü yexguma Pedru nüxü̃ da̱u̱xgu ga yema duü̃xü̃gü ga yéma naxca̱x ĩtaque̱xegüxü̃, rü ñanagürü nüxü̃: —Pa Chautanüxü̃ i Iraétanüxü̃güx, ¿Tü̱xcüü̃ peba̱i̱xãchie namaxã i ngẽma ñaa yatümaxã ngupetüxü̃? ¿Rü tü̱xcüü̃ toxü̃ perüdaunü ñoma torü poramaxã rü torü mexü̃maxã tanamexẽẽxü̃rüxü̃?