Ore i mexü̃ ga Matéu ümatüxü̃ 5:9 - Tupanaarü Ore

⁹ Tataãẽgü ya yíxema chogüruxü̃ ixĩgüxe, erü Tupana rü nanegümaxã tá tüxü̃ naxu.

Ore i mexü̃ ga Matéu ümatüxü̃ 5:9 Referans Kwoze

Popera ga Yudíugü ga yaxõgüxü̃ca̱x ümatüxü̃ 12:14

¡Rü naxca̱x peda̱u̱xgü nax guxü̃ i duü̃xü̃gümaxã pemecümaxü̃! Rü ngẽxgumarüxü̃ ta name nixĩ i naxca̱x pedaugü nax Tupanape̱xewa pexüünegüxü̃ca̱x. Erü yíxema tama Tupanape̱xewa üünexe rü taxũtáma tórü Corixü̃ tadau.

Romanos 12:18

¡Rü pegü peporaexẽxẽ nax guxü̃ma i duü̃xü̃güxü̃ pengechaxü̃güxü̃ rü ngẽmaãcü wüxigu namaxã petaãxẽgüxü̃ca̱x!

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Wiyaegü 120:6

Rü marütama nixĩ nax norü ngãxü̃wa changexmaxü̃ i ngẽma chauxchi aiexü̃ i nuegu rüxĩnüexü̃.

Romanos 8:14

Erü guxãma ya yíxema Tupanaãxẽ ya Üünecü tümamaxã icuáxe, rü aixcüma Tupanaxacügü tixĩgü.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

2 Corintios 13:11

Rü ñu̱xma nax ichayacua̱xẽẽxü̃ i ñaa popera, Pa Chauenexẽgüx, rü chanaxwa̱xe nax petaãẽgüxü̃ rü naxca̱x pedaugüxü̃ nax aixcüma mea Tupanape̱xe pemaxẽxü̃. Rü name nixĩ i pegü petaãẽgüxẽẽxü̃, rü wüxigu perüxĩnüexü̃, rü yáxna pegümaxã pexĩnüexü̃, rü aixcüma pegü pengechaü̃güxü̃. ¡Rü nüma ya Tupana ya tüxü̃ ngechaü̃cü rü tüxü̃ rüngüxmüexẽẽcü, rü guxü̃gutáma pemaxã inarüxã̱ũ̱x!

Colosenses 3:13

Rü name nixĩ i wüxichigü i pema pegümaxã yáxna pexĩnüe. Rü ngẽxguma chi pegümaxã penuegu, rü name nixĩ i pegüxü̃́ nüxü̃ perüngü̃ma. Rü yexgumarüxü̃ ga tórü Cori pexü̃́ nüxü̃ iyanangümaxü̃ i perü chixexü̃gü, rü ngẽxgumarüxü̃ ta i pema rü name nixĩ i tüxü̃́ nüxü̃ iperüngüma i tümaarü guxchaxü̃gü.

Wiyaegü 34:12

¿Cunaxwa̱xexü̃ nax cutaãẽxü̃ rü nax namáxü̃ i curü maxü̃ i ñoma i naanewa?

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

2 Corintios 5:20

Rü ngẽmaãcü Cristuarü orearü ngeruü̃gü tixĩgü, rü towa nixĩ ya Tupana pexü̃ ca̱a̱xü̃xü̃ nax namaxã iperüngüxmüexü̃ca̱x. Rü ngẽmaca̱x Cristuégagu pexü̃ taca̱a̱xü̃gü nax Tupanamaxã iperüngüxmüexü̃ca̱x.

Ngechuchuarü ngúexü̃gü ga yamugüxü̃arü puracüchiga 7:26

Rü moxü̃ãcü ga Moiché rü nüxü̃ nadau ga to ga taxre ga Iraétanüxü̃ ga nügü yexma daixü̃, rü nüxna nachogüchaü̃. Rü ñanagürü nüxü̃: “Pema rü pegütanüxü̃ pixĩgü. ¿Rü tü̱xcüü̃ pegü pedai i pemax?” ñanagürü.

Ore i mexü̃ ga Matéu ümatüxü̃ 5:45

Rü ngẽxguma ngẽmaãcü pemaxẽgu rü aixcüma tá Penatü ya daxũgucü nanegü pixĩgü. Erü nüma rü inanabáixẽxẽ ya üa̱xcü naxca̱x i mexü̃ i duü̃xü̃gü rü chixexü̃ i duü̃xü̃gü. Rü nanapuxẽxẽ naxca̱x i duü̃xü̃gü i mea maxẽxü̃ rü duü̃xü̃gü i chixri maxẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:17

Rü yexguma yema duü̃xü̃güxü̃ nada̱u̱xgu rü nüma ga Dabí rü naxca̱x nixũ rü ñanagürü: —Ngẽxguma chorü ngü̃xẽẽwa nua pexĩxgu rü guxü̃ne ya chorü maxü̃nemaxã pexü̃ chade nax chorü churaragütanüwa pichoü̃xü̃ca̱x. Natürü ngẽxguma chixexü̃ i ĩnümaxã nua pexĩxgu nax chauechita chorü uanügüna choxü̃ ípexuaxü̃xü̃ca̱x yixĩxgu, rü ẽcü pexü̃ napoxcu ya yima tórü o̱xigüarü Tupana, erü choma rü taxúemaama guxchaxü̃ chaxü rü tama wüxi i máetaxü̃ chixĩ —ñanagürü ga Dabí.

1 Corintios 6:6

Rü pema rü tama pegümaxã penuẽxicatama, natürü naétü rü ãẽ̱xgacügü i tama yaxõgüxü̃xü̃tawa pexĩ nax penamexẽẽxü̃ca̱x i ngẽma perü guxchaxü̃gü.

Filipenses 4:2

Rü nüxü̃ chaca̱xaxü̃ i taeya̱xgü i Ebódia rü Chíntique nax nügümaxã nangüxmüexü̃ca̱x, erü nümagü rü tórü Coripe̱xewa nügüeya̱xgü nixĩgü.

Ore i mexü̃ ga Luca ümatüxü̃ 20:36

Erü ngéma rü tagutáma nayue. Rü daxũcüã̱x i Tupanaarü orearü ngeruü̃gürüxü̃ tá nixĩgü. Rü aixcüma Tupanaxacügü tá nixĩgü erü yuwa ínarüdagü.

Efesios 4:1

Rü ñu̱xma i choma nax Cristuaxü̃́ chapuracüxü̃gagu chapoxcuxü̃, rü pexü̃ chaca̱xaxü̃ nax ngẽma duü̃xü̃gü ga Tupana naxca̱x naca̱xaxü̃rüxü̃ mea pemaxẽxü̃. Rü pexca̱x nixĩ ga naca̱xaxü̃ ga Tupana nax norü duü̃xü̃gü pixĩgüxü̃ca̱x.

Romanos 8:16

Rü ngẽmatama Naãxẽ ya Üünexü̃ nixĩ i aixcüma taãxẽwa tüxü̃ nüxü̃ cua̱xẽẽxü̃ nax Tupanaxacügü ixĩgüxü̃.

Romanos 8:19

Rü ñu̱xma rü guxü̃ma i ta̱xacü ya Tupana üxü̃ rü nanuãẽãcüma ínanangu̱xẽxẽ i ngẽma ngunexü̃ i nagu Tupana tá guxü̃pe̱xewa inawéxü̃ nax naxacügü ixĩgüxü̃.