Ore i mexü̃ ga Matéu ümatüxü̃ 5:12 - Tupanaarü Ore

¹² ¡Rü petaãxẽgüama rü tama pexoegaãẽgü! Erü daxũguxü̃ i naanewa tá penayauxgü i wüxi i perü ãmare i mexẽchixü̃. Rü ngẽma ñu̱xma pexü̃ ngupetüxü̃rüxü̃ nixĩ ga nüxü̃ nangupetüxü̃ ga nũxcümaü̃güxü̃ ga Tupanaarü orearü uruü̃gü.

Ore i mexü̃ ga Matéu ümatüxü̃ 5:12 Referans Kwoze

Ore i mexü̃ ga Luca ümatüxü̃ 6:23

Rü ngẽxguma ngẽma pexü̃ üpetügu, rü ¡petaãxẽgüama rü tama pexoegaãẽgü! Erü daxũguxü̃ i naanewa rü tá penayauxgü i wüxi i perü ãmare i mexẽchixü̃. Rü dücax, ñaa duü̃xü̃gü i ñu̱xma pexchi aiexü̃arü o̱xigü rü yexgumarüxü̃ ta nixĩ ga naxchi nax naxaiexü̃ ga Tupanaarü orearü uruü̃gü.

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Colosenses 3:24

Rü marü nüxü̃ pecua̱x rü daxũguxü̃ i naanewa rü tórü Cori ya Cristu tá pexna nanaxã i perü ãmare i maxü̃ i taguma gúxü̃. Erü yimá Cristu ya aixcüma perü Cori ixĩcüaxü̃́ nixĩ i pepuracüexü̃.

Nüxíraxü̃xü̃ ga popera ga Pedru ümatüxü̃ 4:13

Natürü narümemae nixĩ nax petaãẽgüxü̃, yerü yema Cristu ngúxü̃ nax ingexü̃rüxü̃ nixĩ i ngúxü̃ nax pingegüxü̃ i ñu̱xmax nax ngẽmaãcü petaãẽgüxü̃ca̱x i ngẽxguma wena núma naxũxgu i nümax.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

Romanos 5:3

Rü ngẽxgumarüxü̃ ta tataãẽgü i woo ngúxü̃ ingegügu. Erü nüxü̃ tacua̱x rü ngẽma ngúxü̃ rü tüxü̃ narüngü̃xẽxẽ nax yexeraãcü iporaexü̃ rü yáxna namaxã ixĩnüexü̃ca̱x.

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Wiyaegü 58:11

Rü duü̃xü̃gü rü ñanagürügü tá: —Ngẽma mea Tupanape̱xewa maxẽxü̃ rü aixcüma nüxü̃́ nangẽxma i norü natanü. Rü aixcüma nixĩ nax nangẽxmaxü̃ ya Tupana ya ñoma i naanemaxã icuácü —ñanagürügü tá.

Ichaía 3:10

Natürü tá nataãxẽ i ngẽma duü̃xü̃ i mexü̃gu maxü̃xü̃, erü ta̱xacü inaxüxü̃wa rü mea nüxü̃́ ínanguxuchi. Rü nüma tátama namaxã nataãxẽ i ngẽma mexü̃ i naxüxü̃.

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Norü taxre ga to ga popera ga ãẽ̱xgacügüchiga ümatüxü̃ 36:16

Natürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxugüxü̃ rü nagu nidauxcüraxü̃gü. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

1 Tesalonicenses 2:15

Rü yema Yudíugü nixĩ ga tórü Cori ga Ngechuchuxü̃ ima̱xgüxü̃, yexgumarüxü̃ ga norü o̱xigü rü yema nüxíraxü̃güxü̃ ga Tupanaarü orearü uruü̃güxü̃ nax nada̱i̱xü̃rüxü̃. Rü yema Yudíugü nixĩ ga towe ingẽxü̃tanüxü̃. Rü nümagü rü tama Tupanaxü̃ nataãẽxẽẽgü rü guxü̃ i duü̃xü̃gümaxã narüxuanügü.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

Nüxíraxü̃xü̃ ga popera ga ãẽ̱xgacügüchiga 18:13

¿Ẽ̱xna tama cumaxã nüxü̃ nixugü ga yema chaxüxü̃ ga yexguma ãẽ̱xgacü naxma̱x ga Yechabé nadaixgux ga yema Cori ya Tupanaarü orearü uruü̃gü? Rü choma ichayacu̱xgü ga 100 ga Tupanaarü orearü uruü̃gü. Rü 50 ga yemagü rü wüxi ga ãxmaxü̃gu chanamucu rü ñu̱xũchi yema to ga 50 rü to ga ãxmaxü̃gu chanamucu. Rü yemawena rü chayaxügüwemü.

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Ore i mexü̃ ga Matéu ümatüxü̃ 6:16

Rü ngẽxguma tama pechibüeãcüma peyumü̃xẽgügu rü tama name i pegü pengechaü̃chíwexẽẽgü naxrüxü̃ i ngẽma nügü írümegünetaxü̃rüxü̃. Erü nümagü rü ngẽmaãcü nanaxügü nax togü nüxü̃ nax daugüxü̃ca̱x i ngẽma nax Tupanaca̱x naxaureexü̃. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

1 Corintios 3:8

Rü ngẽmaãcü ya yíxema tüxíra duü̃xü̃gümaxã nüxü̃ ixuxe i Tupanaarü ore, rü yíxema wixwena yexeraãcü duü̃xü̃güxü̃ ngúexẽxẽ́xe rü tawüxigumare i ngẽma puracüwa. Natürü ngẽxgumarüxü̃ nax tanaxüxü̃ i ngẽma puracü, rü Tupana rü tá tüxü̃́ nanaxütanü ya wüxichigü.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Neemía 9:26

Natürü naétüwa ga guxü̃ma ga yema naxca̱x cuxüxü̃ rü tama cuga naxĩnüechaü̃, rü cumaxã nanueama, rü tama naga naxĩnüe ga curü mugü. Rü nanadai ga yema curü orearü ngeruü̃gü ga naxucu̱xẽgüxü̃ nax cuxca̱x nawoeguxü̃ca̱x. Rü yemaacü poraãcü chixexü̃ cupe̱xewa naxügü.

Ngechuchuarü ngúexü̃gü ga yamugüxü̃arü puracüchiga 16:25

Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.

Ore i mexü̃ ga Luca ümatüxü̃ 13:34

Rü dücax, Pa Yerücharéü̃cüã̱x, pema peyadaietanü i Tupanaarü orearü uruü̃gü, rü nutamaxã ípenamuxũchigü i Tupanaarü orearü ngeruü̃gü i pexca̱x núma namugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃, ñoma wüxi i ota ya naxacüã̱x nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Wiyaegü 19:11

Rü ngẽma curü mugü rü choxü̃ nüxü̃ nacua̱xẽxẽ naxü̃pa nax chixexü̃gu changuxü̃. Rü yíxema naga ĩnüexe i ngẽma curü mugü rü tá tanayauxgü i tümaarü ãmare.

Norü taxre ga to ga popera ga ãẽ̱xgacügüchiga ümatüxü̃ 16:10

Rü yexguma yemaxü̃ naxĩnügu ga Achá rü poraãcü gumá orearü uruxü̃maxã nanu. Rü norü churaragüxü̃ namu nax napoxcugüãxü̃ca̱x. Rü ñu̱xũchi yema ngunexü̃gügu rü poraãcü tümamaxã nachixecüma ga ñuxre ga duü̃xẽgü ga yémacüã̱xgü.

Nüxíraxü̃xü̃ ga popera ga ãẽ̱xgacügüchiga 18:4

Rü nüma ga Adía nixĩ ga naétüwa nachogüxü̃ ga 100 ga Tupanaarü orearü uruü̃gü ga yexguma Acáx naxma̱x ga Yechabé nadaixchaü̃gu. Rü nüma ga Adía rü taxretücumü ga 50 gu nayatoye rü ñu̱xũchi taxre ga ãxmaxü̃gu nayacu̱xgü rü yéma nayaxüwemüaxü̃.

Yeremía 26:8

Rü yexguma Yeremía marü igúegagu nax nüxü̃ yaxuxü̃ ga yema Cori ya Tupana nüxü̃ ixuxẽẽxü̃, rü yema chacherdótegü, rü orearü uruü̃gü, rü ñu̱xũchi yema duü̃xü̃gü rü Yeremíaxü̃ niyauxgü rü ñanagürügü nüxü̃: —¡Ñu̱xma rü tá cuyu!

Nüxíraxü̃xü̃ ga popera ga ãẽ̱xgacügüchiga 22:8

Rü nüma ga Iraéanecüã̱xarü ãẽ̱xgacü ga Acáx rü Yochapáxü̃ nangãxü̃ rü ñanagürü: —Ngü̃, nangẽxma nixĩ ya wüxi nax tüxü̃́ Tupanana nacaxacü, rü nüma nixĩ ya Micaía ya Imrá nane. Natürü naxchi chaxai erü taguma ta̱xacürü mexü̃xü̃ chomaxã nixu, rü guxü̃guma chixemarexü̃xicatama nixu —ñanagürü. Natürü nüma ga Yochapáx rü nanangãxü̃ rü ñanagürü: —¡Taxṹ i ngẽma ñacuxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 21:20

Rü nüma ga Acáx rü Eríaxü̃ nangãxü̃ rü ñanagürü: —¿Cumax, Pa Chorü Uanüx, rü choxü̃ icuyangauama? —ñanagürü. Rü nüma ga Ería rü nanangãxü̃ rü ñanagürü nüxü̃: —Ngü̃, cuxü̃ ichayangau nax cumaxã nüxü̃ chayarüxuxü̃ca̱x nax Cori ya Tupanape̱xewa poraãcü chixexü̃ nax cuxüxü̃.

Popera ga Yudíugü ga yaxõgüxü̃ca̱x ümatüxü̃ 11:26

Rü yexgumarüxü̃ nax daxũguxü̃ ga naanena nax yaxũxü̃ ga Cristu nax ngúxü̃ yangexü̃ca̱x, rü yexgumarüxü̃ ta nixĩ ga Moiché ga ãẽ̱xgacüpatana nax yaxũxü̃, yerü naxca̱x rü narümemae nax Iraétanüxü̃maxã wüxigu ngúxü̃ yangexü̃. Rü taxuca̱xma yema ngúxü̃gu narüxĩnü ga Moiché, yerü norü ngúchaü̃ nixĩ nax naya̱u̱xãxü̃ i ngẽma natanü ya Tupana tá nüxna ãxü̃.

Norü taxre ga popera ga ãẽ̱xgacügüchiga 1:9

Rü nüma ga ãẽ̱xgacü rü yexgumatama Eríaxü̃tawa nanamu ga wüxi ga churaragüeru namaxã ga 50 ga churaragü. Rü yexguma yéma nangugügu, rü Ería rü wüxi ga ma̱xpǘnechitaeruwa narüto. Rü yexguma ga yema churaragüeru rü ñanagürü nüxü̃: —Pa Tupanaarü Orearü Uruxü̃x, rü torü ãẽ̱xgacü toxü̃ namu nax ícurüxĩxü̃ i ngéma —ñanagürü.

Nüxíraxü̃xü̃ ga popera ga ãẽ̱xgacügüchiga 19:2

Rü yexguma ga Yechabé rü wüxi ga ngĩrü duü̃xü̃xü̃ imu ga Eríamaxã nüxü̃ nax yanaxuxü̃ca̱x ga ngĩrü dexa rü ngĩgürügü: “Cuma rü Ería quixĩ rü choma rü Yechabé chixĩ. Rü cumaxã nüxü̃ chixu rü name nixĩ i chorü tupanagü poraãcü choxü̃ napoxcu ega moxü̃ ñoma i oragu tama cumaxã chanaxüxgu i ngẽma Baáarü orearü uruü̃gümaxã cuxüxü̃”, ngĩgürügü.

Yeremía 37:14

Rü Yeremía nanangãxü̃ga rü ñanagürü: —Aixcümaxü̃ chixu rü taxũtáma Babiróniaanecüã̱xtanüwa chaxũ —ñanagürü. Natürü ga Iría rü tama inaxĩnü rü Yeremíaxü̃ niyauxama rü ãẽ̱xgacügüpe̱xewa nanaga.

Filipenses 1:29

Rü ñu̱xma nax Tupana pexü̃ natauxchaxẽẽxü̃ nax Cristuaxü̃́ peyaxõgüxü̃, rü ngẽxgumarüxü̃ tá ta pexna nanaxã i pora nax Cristuca̱x ngúxü̃ pingegüxü̃.

Popera ga Yudíugü ga yaxõgüxü̃ca̱x ümatüxü̃ 10:34

Rü pema rü pexü̃́ nangechaü̃tümüü̃gü ga yema petanüxü̃ ga yaxõgüxü̃ ga poxcupataü̃wa yexmagüxü̃. Rü taãẽãcüma yáxna namaxã pexĩnüe ga yema tama yaxõgüxü̃ ga pexna napuxü̃xü̃ ga perü yemaxü̃gü. Rü tama naxca̱x pexoegaãxẽ, yerü meama nüxü̃ pecua̱x rü daxũguxü̃ i naanewa pexü̃́ nangẽxma i ngẽmaarü yexera ixĩxü̃ i tagutáma gúxü̃.

Popera ga Yudíugü ga yaxõgüxü̃ca̱x ümatüxü̃ 11:33

Rü yema nax yaxõgüãxü̃ca̱x nixĩ ga Tupana nüxü̃ rüngü̃xẽẽxü̃. Rü yemaacü to ga nachixü̃anegüarü ãẽ̱xgacügüxü̃ naporamaegüxü̃, rü meama norü duü̃xü̃gümaxã inacua̱xgü, rü nanayauxgü ga yema Tupana namaxã ixunetaxü̃. Rü yexguma leóü̃tanügu yata̱xcuchigüãgu, rü taxuxü̃ma namaxã naxü ga leóü̃gü yerü Tupana nayachotaa̱xgü ga yema leóü̃gü.

Popera ga Chantiágu ümatüxü̃ 5:10

Pa Chauenexẽgüx, name nixĩ i nüxna pecua̱xãchie ga yema nũxcümaü̃güxü̃ ga Tupanaarü orearü uruü̃gü ga yáxna namaxã naxĩnüexü̃ ga yexguma ngúxü̃ yangegügu. Rü name nixĩ i pema rü ta ngẽxgumarüxü̃ yáxna namaxã pexĩnüe ega ngúxü̃ pingegügu.