Ore i mexü̃ ga Matéu ümatüxü̃ 4:9 - Tupanaarü Ore

⁹ Rü Chataná rü ñanagürü nüxü̃: —Choma chi cuxna chanaxã i guxü̃ma i ngẽma cuxü̃ chawéxü̃ i ngẽxguma chi chope̱xegu cucaxã́pü̱xügu rü choxü̃ quicua̱xüxü̃xgu —ñanagürü.

Ore i mexü̃ ga Matéu ümatüxü̃ 4:9 Referans Kwoze

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Ore i mexü̃ ga Cuáü̃ ümatüxü̃ 16:11

Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:6

Rü yíxema ngẽma yaxõgüxü̃maxã icuáxe rü tama name nax wüxi ya ngexwaca yaxṍxe tixĩxü̃, erü ngürüãchi tá tügü ticua̱xüxü̃ rü ngẽmagagu nagu tangu i ngẽma poxcu i Chatanáca̱x namexẽẽxü̃ ya Tupana.

Wiyaegü 72:11

Rü guxü̃ma i togü i nachixü̃anegüarü ãẽ̱xgacügü, rü name nixĩ i torü ãẽ̱xgacüpe̱xegu nacaxã́pü̱xügü. Rü guxü̃ma i ngẽma togü i nachixü̃anegüarü duü̃xü̃gü, rü name nixĩ i torü ãẽ̱xgacüaxü̃́ napuracüe.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:16

Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Ore i mexü̃ ga Matéu ümatüxü̃ 26:15

Rü Yúda rü ñanagürü nüxü̃: —¿Ñuxre tá choxü̃́ penaxütanüxü̃ i ngẽxguma pexü̃́ chanatauxchaxẽxẽgu nax Ngechuchuxü̃ piyauxgüxü̃ca̱x? —ñanagürü. Rü yexguma ga yema chacherdótegüarü ãẽ̱xgacügü rü 30 tachinü ga diẽru nüxü̃́ nanaxütanügü.

Danié 4:32

Rü duü̃xü̃güna tá quixũgachi rü naxü̃natanüwa tá cumaxü̃, rü wocagürüxü̃ tá maxẽmaxã cuxãwemü i 7 ya taunecü. Rü ngẽmaãcü tá quixĩ ñu̱xmatáta nüxna cucua̱xãchi nax Tupana yixĩxü̃ ya yimá nüxü̃́ nangẽxmacü i pora nax namaxã inacuáxü̃ i guxü̃ma i nachixü̃anegü i ñoma i naanewa ngẽxmagüxü̃. Rü nüma nixĩ i tüxü̃ yangucuchixẽẽxü̃ nax ãẽ̱xgacü tixĩxü̃ ya yíxema nüma norü me ixĩxẽ —ñanagürü.

Ucu̱xẽgüchiga 8:15

Chaugagu nixĩ i nangẽxmagüxü̃ i nachixü̃anegüarü ãẽ̱xgacügü, rü chaugagu nixĩ i naxügüãxü̃ i norü mugü. Guxü̃ma i ngẽma ãẽ̱xgacügü rü norü ngü̃xẽẽruü̃gü rü chaugagu nixĩ i duü̃xü̃gümaxã inacua̱xgüxü̃.

Ore i mexü̃ ga Matéu ümatüxü̃ 4:10

Rü nüma ga Ngechuchu rü ñanagürü nüxü̃: —¡Choxna ixũgachi, Pa Chatanáx! Erü Tupanaarü ore i ümatüxü̃ rü ñanagürü: “¡Nüxü̃ icua̱xüxü̃ ya Cori ya curü Tupana, rü yimágaxicatama naxĩnü!” —ñanagürü.