Ore i mexü̃ ga Matéu ümatüxü̃ 4:7 - Tupanaarü Ore

⁷ Rü Ngechuchu nanangãxü̃ rü ñanagürü: —Tupanaarü ore i ümatüxü̃ rü ñanagürü ta: “¡Tama name nax nüxü̃ cuxüxü̃ ya Cori ya curü Tupana!” —ñanagürü.

Ore i mexü̃ ga Matéu ümatüxü̃ 4:7 Referans Kwoze

Wenaxarü naxümatü ga Tupanaarü mugü 6:16

Rü tama name nax namaxã penuexü̃ ya perü Cori ya Tupana ga yexguma Macháwa namaxã penuegurüxü̃.

1 Corintios 10:9

Rü tama name i nüxü̃ taxü ya tórü Cori nax yáxna tamaxã naxĩnüxü̃ yexgumarüxü̃ ga ñuxre ga nümagü naxügüxü̃rüxü̃. Rü yemaca̱x nixĩ ga yema duü̃xü̃güxü̃ nangõ̱xcuxü̃ ga ãxtapegü rü nayuexü̃.

Wiyaegü 78:18

Rü nüxü̃ naxügümarechaü̃, rü yemaca̱x naxca̱x ínacagü ga namachi ga nüxü̃́ chi̱xéga.

Wiyaegü 78:41

Natürü wenaxarü nüxü̃ naxügüxü̃ rü yemaacü poraãcü nanangechaü̃xẽẽgü ya yimá Iraétanüxü̃arü Tupana ya Üünecü.

Popera ga Yudíugü ga yaxõgüxü̃ca̱x ümatüxü̃ 3:9

Rü yemaca̱x ga Tupana rü ñanagürü: “Rü yema naanewa nixĩ ga chixexü̃ naxügüxü̃ ga nũxcümaü̃güxü̃ ga perü o̱xigü yerü choxü̃ naxügü rü tama choxü̃́ nayaxõgüchaü̃ woo 40 ga taunecü nüxü̃ nadaugü ga yema mexü̃gü ga nape̱xewa chaxüxü̃.

Ínachoxü̃xü̃chiga 17:7

Rü yema nachica rü Meribágu nanaxüéga, yerü ga Iraétanüxü̃ rü yema nachicawa Moichémaxã narüxutagagü. Rü to ga naéga ga nagu naxüégagüãxü̃ nixĩ ga Machá, yerü yéma nixĩ ga Tupanaxü̃ naxügüxü̃ ga yexguma ñagügu: —¿Ẽ̱xna nanuxmaxü̃ yixĩxü̃ ya Tupana rüe̱xna taxucüma i nua tatanüwa? —ñagügu.

Ínachoxü̃xü̃chiga 17:2

Rü yemaca̱x Moichémaxã narüxutagagü rü ñanagürügü: —¡Ẽcü toxü̃ ixaxegüxẽxẽ i ñu̱xmax! —ñanagürügü. Rü yexguma ga Moiché rü nanangãxü̃ rü ñanagürü: —¿Tü̱xcüü̃ chomaxã perüxutagagü? ¿Rü tü̱xcüü̃ Tupanaxü̃ pexügü? —ñanagürü.

Ngechuchuarü ngúexü̃gü ga yamugüxü̃arü puracüchiga 5:9

Rü Pedru rü ñanagürü ngĩxü̃: —¿Tü̱xcüü̃ pegümaxã ngẽmaãcü wüxigu perüxĩnüe nax namaxã pidoraexü̃ca̱x i Tupanaãxẽ ya Üünecü? ¡Dücax! Ngẽma cutexü̃ iyata̱xgüxü̃ rü marü ínangugü, rü ñu̱xma rü cuxü̃ rü tá ta ngéma nangegü —ñanagürü.

Wiyaegü 106:14

Rü yema ínachianexü̃wa rü Tupanaxü̃ naxügü ga tórü o̱xigü. Rü naxca̱x ínacagü nax Tupana paxa nüxü̃́ naxüxü̃ca̱x ga yema nümatama ga duü̃xü̃gü nagu rüxĩnüexü̃.

Wiyaegü 95:9

Rü yéma nixĩ ga perü o̱xigü ga choxü̃ naxügüxü̃ rü woo nüxü̃ nax nadaugüxü̃ ga yema taxü̃ ga mexü̃gü ga nape̱xewa chaxüxü̃.

Maraquía 3:15

Rü yixema rü nüxü̃ tadau i ngẽma duü̃xü̃gü i nügü írütagüxü̃ rü nataãẽgü. Rü ngẽma chixexü̃arü üruü̃gü rü guxü̃ma i ta̱xacü i naxügüxü̃wa rü mea nüxü̃́ ínanguxuchi. Rü woo Tupanaxü̃ naxügügu rü taxuxü̃ma i poxcu naxca̱x ínangu”, ñaperügügü —ñanagürü ga Tupana.

Wiyaegü 78:56

Natürü ga nüma ga yema Iraétanüxü̃ rü nüxü̃ naxügümare ya yimá Tupana ya Guxãétüwa Ngẽxmacü rü namaxã nanue rü tama naga naxĩnüechaü̃ ga norü mugü.

Ore i mexü̃ ga Matéu ümatüxü̃ 4:4

Natürü Ngechuchu nanangãxü̃, rü ñanagürü: —Tupanaarü ore i ümatüxü̃ rü ñanagürü: “Taũtáma paũxica nanamaxẽxẽxẽ i duü̃xü̃gü, natürü guxü̃ma i ore ya Tupana nüxü̃ ixuxü̃ nixĩ i duü̃xü̃güxü̃ maxẽxẽẽxü̃”, —ñanagürü.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Ore i mexü̃ ga Matéu ümatüxü̃ 4:10

Rü nüma ga Ngechuchu rü ñanagürü nüxü̃: —¡Choxna ixũgachi, Pa Chatanáx! Erü Tupanaarü ore i ümatüxü̃ rü ñanagürü: “¡Nüxü̃ icua̱xüxü̃ ya Cori ya curü Tupana, rü yimágaxicatama naxĩnü!” —ñanagürü.

Ore i mexü̃ ga Matéu ümatüxü̃ 21:42

Rü Ngechuchu rü ñanagürü nüxü̃: —¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü rü ñu̱xma rü yimá nuta nixĩ ya nüxíra ixücuchicü nax namaxã inaxügüãxü̃ca̱x ya ĩpata. Rü tórü Cori ya Tupana nixĩ ga naxücü ga yema, rü ñu̱xma rü taxca̱x namexẽchi”, ñanagürü i ngẽma ore.

Ore i mexü̃ ga Matéu ümatüxü̃ 21:16

Rü ñanagürügü Ngechuchuxü̃: —¿Nüxü̃ cuxĩnüxü̃ i ngẽma ore i buxü̃gü namaxã ngéma icagüexü̃? —ñanagürügü. Rü Ngechuchu nanangãxü̃, rü ñanagürü: —Ngü̃, nüxü̃ chaxĩnü. ¿Natürü taguma ẽ̱xna nawa pengúe i Tupanaarü ore i buxü̃güchiga ümatüxü̃ i ñaxü̃: “Ngẽma buxü̃gü i íxraxü̃ rü õxchanagü rü tá ta cuxü̃ nicua̱xüü̃gü”, ñaxü̃? —ñanagürü.

Ore i mexü̃ ga Luca ümatüxü̃ 4:12

Rü Ngechuchu nanangãxü̃ rü ñanagürü: —Tupanaarü ore i ümatüxü̃wa rü ñanagürü ta: “¡Tama name i nüxü̃ nax cuxüxü̃ ya Cori ya curü Tupana!” —ñanagürü.

Ngechuchuarü ngúexü̃gü ga yamugüxü̃arü puracüchiga 15:10

¿Rü ñu̱xma rü ta̱xacüca̱x Tupanaxü̃ penuxẽẽchaü̃, rü tü̱xcüü̃ penaxwa̱xe nax ngẽma ngexwaca yaxõgüxü̃ nagu ĩxü̃ i ngẽma nũxcümaü̃xü̃ i nacümagü i yixema tama tüxü̃́ tauxchaxü̃ nax nagu ixĩxü̃ rü woo i tórü o̱xigü rü tama nüxü̃́ tauxchaxü̃ nax nagu naxĩxü̃?