Ore i mexü̃ ga Matéu ümatüxü̃ 4:21 - Tupanaarü Ore

²¹ Rü yéamaxü̃ra naxũ ga Ngechuchu, rü yéma nüxü̃ nadau ga to ga taxre ga nügüenexẽgü ga Chantiágu rü Cuáü̃. Rü nümagü rü Chebedéu nanegü nixĩ. Rü nanatümaxã wüxi ga naweü̃wa nayexmagü. Rü yéma norü püchagü ínarüngáitagü. Rü Ngechuchu naxca̱x naca.

Ore i mexü̃ ga Matéu ümatüxü̃ 4:21 Referans Kwoze

Ore i mexü̃ ga Márcu ümatüxü̃ 3:17

Rü togü nixĩ ga Chantiágu rü naenexẽ ga Cuáü̃. Rü nümagü rü Chebedéu nanegü nixĩgü. Rü Ngechuchu rü Boanéregu nanaxüéga. Rü ngẽma naéga rü “Duruanexü̃ Nanegü”, ñaxü̃chiga nixĩ.

Ore i mexü̃ ga Matéu ümatüxü̃ 10:2

Rü ñaa nixĩ ga naégagü ga yema 12 ga Ngechuchuarü ngúexü̃gü ga imugüxü̃. Rü yema nüxíra naxca̱x naca̱xaxü̃ nixĩ ga Chimóü̃ ga Pedrugu ãégaxü̃. Rü to nixĩ ga Pedruenexẽ ga André. Rü to nixĩ ga Chantiágu, rü to nixĩ ga Chantiáguenexẽ ga Cuáü̃. Rü yema taxre rü Chebedéu nanegü nixĩgü.

Ngechuchuarü ngúexü̃gü ga yamugüxü̃arü puracüchiga 12:2

Rü norü churaragüxü̃ namu nax taramaxã Chantiágu ga Cuáü̃enexẽxü̃ yama̱xgüxü̃ca̱x.

Ore i mexü̃ ga Cuáü̃ ümatüxü̃ 21:2

Rü wüxiwa nayexmagü ga Chimóü̃ ga Pedru, rü Tumáchi ga Wüxigu Buexü̃maxã naxugüxü̃, rü Natanaé ga Gariréaanegune ga ĩane ga Canácüã̱x, rü Chebedéu nanegü rü taxre ga to ga Ngechuchuarü ngúexü̃gü.

Ore i mexü̃ ga Márcu ümatüxü̃ 5:37

Rü yexguma ga Ngechuchu rü ínayagagü ga Pedru rü Chantiágu rü Cuáü̃ ga Chantiáguenexẽ. Natürü tama nanaxwa̱xe nax texé ga togue nawe rüxĩxü̃.

Ore i mexü̃ ga Matéu ümatüxü̃ 26:37

Rü Ngechuchu ínayagagü ga Pedru rü Chebedéu nanegü ga Chantiágu rü Cuáü̃. Rü Ngechuchuca̱x inaxügü nax poraãcü nangechaü̃xü̃ rü naxĩ̱xãchiãẽxü̃.

Ore i mexü̃ ga Matéu ümatüxü̃ 17:1

Rü 6 ga ngunexü̃wena rü Ngechuchu ínayagagü ga Pedru rü Chantiágu rü Cuáü̃ ga Chantiáguenexẽ. Rü wüxi ga ma̱xpǘnewa namaxã naxũ. Rü nüxicatama yéma nayexmagü.

Ore i mexü̃ ga Matéu ümatüxü̃ 4:20

Rü yexgumatama ga yema taxre, rü yéma nanawogü ga norü püchagü. Rü Ngechuchuwe narüxĩ.

Ore i mexü̃ ga Matéu ümatüxü̃ 4:22

Rü yexgumatama yéma naweü̃maxã tüxü̃ nata̱xgü ga nanatü. Rü Ngechuchuwe narüxĩ.