Ore i mexü̃ ga Matéu ümatüxü̃ 4:13 - Tupanaarü Ore

¹³ Natürü tama ĩane ga Nacharétugu narüxã̱ũ̱x. Rü ĩane ga Capernáü̃wa naxũ nax yexma yaxãchiü̃xü̃ca̱x. Rü guma ĩane rü naxtaxa ga Gariréacutüwa nayexma ga Chaburóü̃anewa rü Netaríanewa.

Ore i mexü̃ ga Matéu ümatüxü̃ 4:13 Referans Kwoze

Ore i mexü̃ ga Cuáü̃ ümatüxü̃ 4:46

Rü nüma ga Ngechuchu rü wena nawa naxũ ga ĩane ga Caná ga Gariréaanewa yexmane. Rü guma ĩanewa nixĩ ga bínuxü̃ nanguxuchixẽẽãxü̃ ga dexá. Rü ĩane ga Capernáü̃wa nayexma ga wüxi ga yatü ga ãẽ̱xgacü ga réiarü ngü̃xẽẽruxü̃. Rü nane rü nida̱xawe.

Ore i mexü̃ ga Márcu ümatüxü̃ 1:21

Rü ĩane ga Capernáü̃wa nangugü. Rü yexguma ngü̃xchigaarü ngunexü̃wa nanguxgu, rü Ngechuchu rü ngutaque̱xepataü̃wa naxũ rü inanaxügü ga nax nangúexẽẽtaexü̃.

Ore i mexü̃ ga Matéu ümatüxü̃ 11:23

Rü pemax, Pa Capernáü̃cüã̱x, ¿rü pema nagu perüxĩnüegu rü daxũguxü̃ i naanewa tá pengugüxü̃? Pemaxã nüxü̃ chixu rü naanetüü̃wa i ngextá Tupana Chatanáxü̃ ípoxcuxü̃wa tá nixĩ i pewogüxü̃. Rü yexguma chi Chodómaarü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü guma ĩane ga nũxcüma norü pecadugagu iyarüxoxü̃ne rü ñu̱xma rü chita nangẽxma.

Ore i mexü̃ ga Cuáü̃ ümatüxü̃ 6:59

Rü Ngechuchu rü duü̃xü̃gümaxã nüxü̃ nixu ga yema ore ga yexguma nangúexẽẽãgu ga Yudíugüarü ngutaque̱xepataü̃wa ga Capernáü̃wa.

Ore i mexü̃ ga Cuáü̃ ümatüxü̃ 6:24

Rü yexguma yema duü̃xü̃gü nüxü̃ daugügu nax yéma natauxexü̃ma ga Ngechuchu rü norü ngúexü̃gü, rü guma nguegügu nichoü̃ nax Capernáü̃arü ĩanegu Ngechuchuca̱x yadaugüxü̃.

Ore i mexü̃ ga Cuáü̃ ümatüxü̃ 6:17

Rü poraãcü naxẽane, rü tama ínangu ga Ngechuchu. Rü yemaca̱x wüxi ga ngue ga taxü̃negu nichoü̃, rü inaxĩãchi nax tocutüwa naxĩxü̃ ga Capernáü̃arü ĩanewa nax nangugüxü̃ca̱x.

Ore i mexü̃ ga Cuáü̃ ümatüxü̃ 2:12

Rü yemawena rü Capernáü̃ ga ĩanewa naxũ ga Ngechuchu. Rü naé rü naenexẽgü rü norü ngúexü̃gü rü ta ínayaxümücügü. Rü yéma guma ĩanewa nayexmagü ga ñuxre ga ngunexü̃.

Ore i mexü̃ ga Matéu ümatüxü̃ 17:24

Ngechuchu rü norü ngúexü̃gümaxã Capernáü̃arü ĩanewa naxĩ. Rü yexguma yéma nangugügu rü Pedruxü̃ ínayadaugü ga yema yatügü ga Tupanapata ga taxü̃neca̱x diẽru ngĩxü̃ yauxgüxü̃. Rü Pedruna nacagüe rü ñanagürügü: —¿Yimá curü Cori rü tama ẽ̱xna ngĩxü̃ inaxã i ngẽma diẽru i Tupanapata ya taxü̃neca̱x ixĩcü? —ñanagürügü.

Ore i mexü̃ ga Luca ümatüxü̃ 4:23

Rü Ngechuchu rü ñanagürü nüxü̃: —Choma nüxü̃ chacua̱x rü tá chomaxã penaxuxuchi i ngẽma ore i ñaxü̃: “Pa Dutúrux ¡Cugütama rümexẽxẽ!” ñaxü̃. Rüe̱xna tá choxü̃ ñaperügügü: “Yema mexü̃ ga taxü̃ ga nüxü̃ taxĩnüexü̃ ga Tupanaarü poramaxã cuxüxü̃ ga Capernáü̃wa, rü tanaxwa̱xe i nua curü ĩanewa rü ta nax cunaxüxü̃”, ñaperügügü tá —ñanagürü.

Ore i mexü̃ ga Matéu ümatüxü̃ 4:14

Rü yema nangupetü nax yanguxü̃ca̱x ga ore ga nũxcümaü̃cü ga Tupanaarü orearü uruxü̃ ga Ichaía ümatüxü̃ ga ñaxü̃:

Ore i mexü̃ ga Matéu ümatüxü̃ 4:15

“Yema duü̃xü̃gü ga noxri ẽanexü̃wa yexmagüxü̃, rü nüxü̃ nadaugü ga wüxi ga omü ga poraãcü nangóonexẽẽxü̃. Rü Chaburóü̃arü naanewa rü Netaríarü naanewa, rü Yudáü̃arü tocutüwa rü ngẽma nama i márcutüwa nadaxü̃wa, rü Gariréaanewa i ngextá duü̃xü̃gü i tama Yudíugü ixĩgüxü̃ ixãchiü̃güxü̃wa rü duü̃xü̃gü ga noxri ẽanexü̃wa yexmagüxü̃ nüxü̃ nadaugü ga wüxi ga omü ga poraãcü nangóonexẽẽxü̃. Rü yema duü̃xü̃güxü̃ nabáxi ga yema omü”, ñanagürü ga yema Ichaíaarü ore.

Ore i mexü̃ ga Matéu ümatüxü̃ 9:1

Rü yexguma ga Ngechuchu rü wüxi ga nguegu nixüe. Rü naxtaxaarü tocutüwa naxũ, rü noxrütama ĩanewa nangu.

Ore i mexü̃ ga Márcu ümatüxü̃ 2:1

Rü yixcama ga ñuxre ga ngunexü̃wena rü wenaxarü Capernáü̃gu naxücu ga Ngechuchu. Rü yexguma duü̃xü̃gü nüxü̃ cuáchigagügu nax marü gumá ĩpata ga nawa nayexmanewa nayexmaxü̃, rü yexma nangutaque̱xegü ga muxü̃ma ga duü̃xü̃gü. Rü düxwa duü̃xü̃gümaxã nanapá ga naa̱xtü ga gumá ĩpata. Rü nüma ga Ngechuchu rü namaxã nüxü̃ nixu ga ore i mexü̃.

Ore i mexü̃ ga Luca ümatüxü̃ 10:15

Rü pemax, Pa Capernáü̃cüã̱xgü i Duü̃xü̃güx ¿ẽ̱xna pema nagu perüxĩnüegu rü daxũguxü̃ i naanewa tá pexĩxü̃? Pemaxã nüxü̃ chixu rü poxcuchicaxü̃ i naanetüü̃wa tá nixĩ i pewogüxü̃ —ñanagürü.