Ore i mexü̃ ga Matéu ümatüxü̃ 4:1 - Tupanaarü Ore

¹ Rü yemawena rü Tupanaãxẽ ya Üünecü rü wüxi ga chianexü̃ ga ngextá taxúema íxãpataxü̃wa Ngechuchuxü̃ naga nax yéma Chataná nüxü̃ üxü̃ca̱x.

Ore i mexü̃ ga Matéu ümatüxü̃ 4:1 Referans Kwoze

Popera ga Yudíugü ga yaxõgüxü̃ca̱x ümatüxü̃ 2:18

Rü yema nümatama ngúxü̃ nax yangexü̃ ga yexguma Chataná nüxna ĩnügu, rü ngẽmaca̱x i ñu̱xma rü nüxü̃́ natauxcha nax tüxü̃ nangü̃xẽẽxü̃ ya yíxema Chataná tüxna ĩnüxe.

Romanos 8:14

Erü guxãma ya yíxema Tupanaãxẽ ya Üünecü tümamaxã icuáxe, rü aixcüma Tupanaxacügü tixĩgü.

Echequié 43:5

Rü Tupanaãxẽ choxü̃ inachixẽxẽ, rü ĩã̱xtü ga aixepewa yexmaxü̃wa choxü̃ naga. Rü nüxü̃ chadau nax napata namaxã yapaxü̃ ga norü üüne.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Ngechuchuarü ngúexü̃gü ga yamugüxü̃arü puracüchiga 8:39

Rü yexguma dexáwa ínachoõchigu, rü Tupanaãxẽ ya Üünecü rü Ferípexü̃ niga. Rü yema ãẽ̱xgacü rü marü tama wena Ferípexü̃ nadau. Natürü taãẽãcü namagu nixũ.

Echequié 3:12

Rü yexguma ga yema Tupanaãxẽ rü choxü̃ inachixẽxẽ. Rü choweama nüxü̃ chaxĩnü ga wüxi ga naga ga tagaxü̃ ga ñoma iã̱xãchianexü̃rüxü̃ ixĩxü̃, rü ñanagürü: —Namexẽchi nixĩ i ngẽma Tupanaarü üüne i nüma ínangexmaxü̃wa —ñanagürü.

Nüxíraxü̃xü̃ ga popera ga ãẽ̱xgacügüchiga 18:12

Rü ngẽma tá ngupetüxü̃ nixĩ i ngẽxguma tá cuxna chixũgachigu i chomax, rü ngẽma Tupanaãxẽ i Üünexü̃ rü tá ngẽma nachica i choma tama nüxü̃ chacuáxü̃wa tá cuxü̃ naga. Rü ngẽxguma Acáxmaxã nüxü̃ chayarüxuxgu i ngẽma ngupetüxü̃, rü ngẽxguma nua naxũxgux rü tama nuxã cuxü̃ iyangauxgux rü tá choxü̃ nima̱x. Rü choma i curü duü̃xü̃ nax chixĩxü̃ rü changextü̱xügucürüwatama Cori ya Tupanaxü̃ changechaü̃.

Norü taxre ga popera ga ãẽ̱xgacügüchiga 2:16

Rü ñanagürügü nüxü̃: —Toma nax curü duü̃xü̃gü tixĩgüxü̃ rü nua totanüwa nangẽxmagü i 50 i totanüxü̃ i poraexü̃. ¡Rü ngẽma ngéma namugü nax curü ngu̱xẽẽruxü̃ ya Eríaca̱x yadaugüxü̃! Erü ngürüãchi i ngẽma Tupanaãxẽ ya Üünecü rü ma̱xpǘnewa rüe̱xna wüxi i ngatewa nayata̱x —ñanagürügü. Natürü nüma ga Erichéu rü nanangãxü̃ rü ñanagürü: —Tama chanaxwa̱xe i texéxü̃ ngéma pemugü —ñanagürü.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Echequié 11:24

Rü ñu̱xũchi ga yema Tupanaãxẽ ya Üünecü rü choxü̃ niga rü Babiróniaaneca̱x choxü̃ nataeguxẽxẽ natanüwa ga yema chautanüxü̃ ga yéma gagüxü̃. Rü guxü̃ma i ngẽma ñu̱xma nüxü̃ chixuxü̃ rü yema nixĩ ga Tupanaãxẽ ya Üünecü choxü̃ nüxü̃ dauxẽẽxü̃ ga yexguma choxü̃ nango̱xetüxẽẽgu. Rü yemawena rü inayarütaxu ga yema nüxü̃ chadauxü̃.

Echequié 11:1

Rü nüma ga Tupanaãxẽ ya Üünecü rü choxü̃ nayachü̱xüxãchixẽxẽ rü Tupanapata ya taxü̃nearü ĩã̱x ya éstewaama üxü̃wa choxü̃ naga ga Yerucharéü̃wa. Rü yema ĩã̱xwa nayexmagü ga 24 ga yatügü. Rü yematanüwa nüxü̃ chacuáxü̃ nixĩ ga Yaachanía ga Achúx nane rü Peratía ga Benaía nane. Rü nümagü rü Yerucharéü̃cüã̱xarü ãẽ̱xgacügü nixĩgü.

Echequié 8:3

Rü yema yatü rü niwexechichacüxü rü chauyaegu niyauxãchi. Rü nüma ga Tupanaãxẽ rü nayachü̱xüxãchixẽxẽ ga chauãxẽ. Rü Tupana rü yema chorü ngo̱xetüwa Yerucharéü̃wa nanaga ga chauãxẽ. Rü guma ĩanearü ĩã̱x ga aixepewaama yexmaxü̃gu nayamu. Rü yema ĩã̱x rü guma ĩanearü nórtewaama naxü. Rü yéma nixĩ ga nayexmaxü̃ ga yema tupananetachicüna̱xã ga poraãcü Tupanaxü̃ nuxẽẽxü̃.

Popera ga Chantiágu ümatüxü̃ 1:14

Natürü ngẽma chixexü̃ i tümatama nagu tarüxĩnüxü̃ nixĩ i chixexü̃gu tüxü̃ nguxẽẽxü̃.