Ore i mexü̃ ga Matéu ümatüxü̃ 3:7 - Tupanaarü Ore

⁷ Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Ore i mexü̃ ga Matéu ümatüxü̃ 3:7 Referans Kwoze

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

1 Tesalonicenses 1:10

Rü nüxü̃ nixugügü ta nax aixcüma ípenangu̱xẽẽxü̃ nax wenaxarü tá daxũwa ne naxũxü̃ ya Ngechuchu ya Tupana Nane ga yuwa ínadaxẽẽãcü. Rü yimá Ngechuchu nixĩ ya tüxü̃ ínguxü̃xẽẽcü nüxna i ngẽma poxcu i ãũcümaxü̃ i tá ínguxü̃.

Romanos 1:18

Rü Tupana rü norü numaxã daxũguxü̃ i naanewa ne nanamu i norü poxcu naxca̱x i guxü̃ma i ngẽma duü̃xü̃gü i tama naga ĩnüexü̃ rü chixexü̃gu maxẽxü̃ rü ngẽma norü chixexü̃maxã togüaxü̃́ naguxchaxẽẽgüxü̃ nax tama yaxõgüãxü̃ca̱x i ngẽma ore i aixcüma ixĩxü̃.

Ore i mexü̃ ga Matéu ümatüxü̃ 23:33

Pa Ãxtapearü Duü̃xü̃güx, pema rü poraãcü pichixe. ¿Ñuxãcü tá naxcha̱xwa pibuxmü ya yimá üxü ya taguma ixoxü̃ne?

Romanos 5:9

Rü ñu̱xma rü Tupanape̱xewa time yerü taxca̱x nayu ga Cristu. Rü ngẽmaca̱x meama nüxü̃ tacua̱x nax nüma rü aixcüma tá tüxü̃ ínanguxü̃xẽxẽxü̃ nax tama ipoxcuexü̃ca̱x.

Ore i mexü̃ ga Matéu ümatüxü̃ 22:23

Rü yematama ngunexü̃gu rü ñuxre ga Chaduchéugü rü Ngechuchuxü̃tawa naxĩ. Rü nümagü nixĩ ga nüxü̃ yaxugüexü̃ nax yuexü̃ rü tagutáma wena namaxẽxü̃. Rü yemaca̱x Ngechuchuna nacagüe, rü ñanagürügü:

Ore i mexü̃ ga Matéu ümatüxü̃ 16:6

Rü yexguma ga Ngechuchu rü ñanagürü nüxü̃: —¡Dücax, pexuãẽgü naxca̱x i Parichéugüarü rü Chaduchéugüarü paũarü pu̱xẽẽruxü̃! —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Ore i mexü̃ ga Cuáü̃ ümatüxü̃ 9:40

Rü ñuxre ga Parichéugü ga yéma Ngechuchumaxã yexmagüxü̃, rü yexguma yema orexü̃ naxĩnüegu, rü Ngechuchuna nacagü, rü ñanagürügü: —¿Ẽ̱xna toma rü ta tama Tupanaxü̃ tacua̱xgü ñacuxü̃? —ñanagürügü.

Yeremía 51:6

¡Rü ñu̱xma nax pexü̃́ natauxchaxü̃ rü paxa nawa ípechoxü̃ ya Babirónia! Rü tama name nax Babiróniaanearü pecadugügagu peyuexü̃. Rü ñaa nixĩ i ora i nagu tá pexü̃ chaxütanüxü̃. Rü yema nax poraãcü chixri pemaxã inacuáxü̃ ga Babiróniacüã̱x rü ngẽmaãcü tá ta chanapoxcue.

Yeremía 6:10

Rü yexguma ga choma rü chanangãxü̃ rü nüxü̃ ñachagürü: —¿Rü texé tá choxü̃ taxĩnü i ngẽxguma namaxã chidexagu rü namaxã nüxü̃ chixuxgu i ngẽma curü ore? Erü nümagü, Pa Corix, rü nügü narüpoxtamachiẽ̱xgü rü ngẽmaca̱x taxucürüwa nüxü̃ naxĩnüe. Rü nüxü̃ nacugüe i ngẽma curü ore, erü tama norü me nixĩ.

Popera ga Yudíugü ga yaxõgüxü̃ca̱x ümatüxü̃ 11:7

Rü yexguma Noémaxã yadexaxgu ga Tupana, rü nüma ga Noé rü nayaxõ rü naga naxĩnü. Rü Tupana rü namaxã nüxü̃ nixu rü tá ínanguxü̃ ga mucü ga taxüchicü ga taguma duü̃xü̃gü nüxü̃ daucü rü tá guxü̃wama inanguanexẽẽcü. Rü Tupana namaxã nüxü̃ nixu nax naxüaxü̃ca̱x ga wüxi ga wapuru ga taxü̃ne nax tama nayuexü̃ca̱x ga nüma rü naxma̱x rü nanegü rü naneã̱xgü. Rü Tupanaga naxĩnü ga Noé, rü nanaxü ga gumá wapuru, rü yemaacü tama nayue ga nüma rü napatacüã̱x yerü Tupanaaxü̃́ nayaxõ. Natürü yema togü ga duü̃xü̃gü rü tama Noérüxü̃ nayaxõgü, rü yemaca̱x Tupana nanapoxcue. Rü nüma ga Tupana rü Noéxü̃ nixu nax nape̱xewa namexü̃, yerü nüxü̃́ nayaxõ.

Ngechuchuarü ngúexü̃gü ga yamugüxü̃arü puracüchiga 26:5

Rü ngẽxguma ngẽma Yudíugü chauchiga idexagüchaü̃gu, rü nüma nüxü̃ nacua̱xgü nax choma rü woetama Parichéu chixĩxü̃. Rü toma i Parichéugü tixĩ i guxü̃ma i totanüxü̃ i Yudíugüarü yexera nax poraãcü nagu taxĩxü̃ i ngẽma ore i tixõgüxü̃.

Ngechuchuarü ngúexü̃gü ga yamugüxü̃arü puracüchiga 20:31

¡Pegüna pedaugü, rü nüxna pecua̱xãchie nax tomaepü̱x ga taunecügu rü ngunecü rü chütacü taguma íchayachaxãchixü̃ nax chaxauxãcüma pexü̃ chixucu̱xẽgüxü̃ ga wüxichigü!

Ngechuchuarü ngúexü̃gü ga yamugüxü̃arü puracüchiga 15:5

Natürü ñuxre ga Parichéugü ga Ngechuchuaxü̃́ yaxõgüxü̃, rü inachigü, rü ñanagürügü: —Name nixĩ nax nügü ínawiü̃cha̱xmüü̃pe̱xechiraü̃güxü̃ i ngẽma tama Yudíugü ixĩgüxü̃ i ngexwaca yaxõgüxü̃, ngẽma Moichéarü mugü nüxü̃ ixuxü̃rüxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 5:17

Rü yexguma ga gumá chacherdótegüarü ãẽ̱xgacü rü guxü̃ma ga yema natanüxü̃ ga Chaduchéugü rü poraãcü nixãũxãchigü.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Ore i mexü̃ ga Cuáü̃ ümatüxü̃ 1:24

Rü yexguma ga yema duü̃xü̃gü ga Parichéugü yéma mugüxü̃ ga Cuáü̃maxã nax yanadexagüxü̃ca̱x rü wenaxarü nüxna nacagüe, rü ñanagürügü: —Rü ngẽxguma tama Cristu quixĩxgu, rü tama Ería quixĩxgu, rü tama yimá orearü uruxü̃ ya ínguxchaü̃cü quixĩxgu, ¿rü tü̱xcüü̃ i duü̃xü̃güxü̃ ícubaiü̃xẽẽxü̃ i ñu̱xmax? —ñanagürügü nüxü̃.

Ore i mexü̃ ga Luca ümatüxü̃ 18:11

Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

Ore i mexü̃ ga Luca ümatüxü̃ 16:14

Natürü ga yema Parichéugü rü poraãcü norü diẽruguama narüxĩnüe. Rü yemaca̱x Ngechuchuxü̃ nacugüe ga yexguma nüxü̃ naxĩnüegu ga guxü̃ma ga yema ore.

Ore i mexü̃ ga Luca ümatüxü̃ 7:30

Natürü yema Parichéugü rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü tama nanaxwa̱xegü nax Cuáü̃ ínabaiü̃xẽẽxü̃. Rü yemaacü nüxü̃ naxoe ga yema mexü̃ ga Tupana naxca̱x nagu rüxĩnüxü̃.

Ore i mexü̃ ga Márcu ümatüxü̃ 12:18

Rü yemawena rü Ngechuchuxü̃tawa ínayadaugü ga ñuxre ga Chaduchéugü. Rü nümagü nixĩ i nüxü̃ yaxugüexü̃ nax tagutáma wena namaxẽxü̃ i yuexü̃. Rü yemaca̱x Ngechuchuna nayacagüe, rü ñanagürügü:

Ore i mexü̃ ga Márcu ümatüxü̃ 12:13

Rü Ngechuchuxü̃tawa nanamugü ga ñuxre ga Parichéugü rü Eródetanüxü̃ nax Ngechuchuna nacagüxü̃ca̱x rü ngürüãchi chixri nangaxü̃güãgu yemaca̱x ãẽ̱xgacüxü̃tawa ínaxuaxü̃güãxü̃ca̱x.

Ore i mexü̃ ga Márcu ümatüxü̃ 8:15

Rü yexguma ga Ngechuchu rü nayaxucu̱xẽgü, rü ñanagürü nüxü̃: —¡Dücax, pexuãxẽ naxca̱x i Parichéugüarü rü Eródearü paũarü pu̱xẽxẽruxü̃! —ñanagürü.

Ore i mexü̃ ga Matéu ümatüxü̃ 22:34

Rü Parichéugü rü yexguma nüxü̃ naxĩnüegu ga ñuxãcü Ngechuchu rü Chaduchéugüxü̃ nax iyanangea̱xgüxẽẽxü̃ rü nangutaque̱xegü.

Ore i mexü̃ ga Matéu ümatüxü̃ 22:15

Rü yexguma ga Parichéugü rü nixĩgachi ga yéma. Rü noxrüwama nügümaxã nayarüdexagü rü naxca̱x nadaugü nax ñuxãcü tá chixexü̃gu Ngechuchuxü̃ nanguxẽxẽgüxü̃ca̱x rü ñu̱xũchi ãẽ̱xgacüxü̃tawa nax ínaxuaxü̃güãxü̃ca̱x.

Ore i mexü̃ ga Matéu ümatüxü̃ 12:24

Natürü yema Parichéugü ga yéma yexmagüxü̃ rü yexguma yemaxü̃ naxĩnüegu, rü ñanagürügü: —Ñaa yatü i Ngechuchu, rü ngo̱xogünatü i Beechebúarü poramaxã nixĩ i ínawoxü̃ãxü̃ i ngo̱xogü —ñanagürügü.

Ore i mexü̃ ga Matéu ümatüxü̃ 5:20

Rü pemaxã nüxü̃ chixu, rü ngẽxguma tama Parichéugüxü̃ perüyexeragu rü tama mugüwa ngu̱xẽẽtaegüxü̃xü̃ perüyexeragu nax Tupanaga pexĩnüexü̃, rü tagutáma Tupana íngẽxmaxü̃wa pichocu.

Ichaía 59:5

Rü pema rü ñoma wüxi i duü̃xü̃ i ãxtapecharaü̃ íchuxẽẽxü̃rüxü̃ pixĩgü erü chixexü̃guxicatama perüxĩnüe. Rü pema rü ñoma wüxi i duü̃xü̃ i pawüchiãü̃wa naxchiru üxü̃rüxü̃ pixĩgü erü ngẽma perü ĩnü rü taxuwama name. Rü ngẽxguma texé pexü̃ irüwe̱xãchixẽẽchaü̃gu rü pema rü yu tümamaxã pexuegu erü máetaguxicatama pemaxẽ.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Popera ga Yudíugü ga yaxõgüxü̃ca̱x ümatüxü̃ 6:18

Rü nüxü̃ tacua̱x rü ngẽxguma ta̱xacüca̱x nügüégagu inaxunetagu ya Tupana, rü taxucürüwama tüxü̃ nawomüxẽxẽ rü nanaxüchicüü i ngẽma. Rü ñu̱xma i guxãma i yixema nax Tupanaarü ngü̃xẽẽca̱x idauxü̃ nax tüxü̃ ínapoxü̃xü̃ca̱x, rü tüxü̃́ nangẽxma i taxü̃ i taãxẽ, erü nüxü̃ tacua̱x rü aixcüma tá tanayaxu i ngẽma maxü̃ i taguma gúxü̃ i tamaxã inaxunetaxü̃.

Ore i mexü̃ ga Matéu ümatüxü̃ 15:12

Rü ñu̱xũchi ga norü ngúexü̃gü rü naxca̱x naxĩ, rü ñanagürügü nüxü̃: —¿Pa Corix, nüxü̃ cucuáxü̃ nax Parichéugü rü naãẽwa nangúxü̃ i ngẽxguma nüxü̃ naxĩnüegu i ngẽma ore i nüxü̃ quixuxü̃? —ñanagürügü.

Ucu̱xẽgüchiga 28:4

Ngẽma nüxna ixĩgachitanüxü̃ i Cori ya Tupanaarü mugü, rü nüxü̃ nicua̱xüü̃gü i ngẽma chixexü̃ ügüxü̃. Natürü ngẽma naga ĩnüexü̃ i Coriarü mugü, rü tama namaxã nataãẽgü i ngẽma chixexü̃ ügüxü̃.

Ore i mexü̃ ga Matéu ümatüxü̃ 16:1

Nüma ga Parichéugü rü Chaduchéugü rü Ngechuchuxü̃ ínayadaugü. Rü Ngechuchuna nacagüe nax nüxü̃ nüxü̃ nadauxẽẽxü̃ca̱x ga wüxi ga cua̱xruxü̃ ga Tupanaarü poramaxã naxüxü̃, yerü nüxü̃ naxügüchaü̃mare.