Ore i mexü̃ ga Matéu ümatüxü̃ 3:3 - Tupanaarü Ore

³ Rü gumá Cuáü̃ ga báiü̃xẽẽruü̃chiga nixĩ ga naxümatüaxü̃ ga nũxcümaü̃cü ga Tupanaarü orearü uruxü̃ ga Ichaía ga yexguma ñaxgu: “Ínachianexü̃wa tá nangẽxma i wüxi i naga i ngéma tagaãcü ñaxü̃: ‘¡Corica̱x penamexẽxẽ̱x i nama naxü̃pa nax ínanguxü̃! ¡Rü naxca̱x ipeyanawe̱xãchixẽxẽ̱x i nama!’ ” ñaxü̃.

Ore i mexü̃ ga Matéu ümatüxü̃ 3:3 Referans Kwoze

Ichaía 40:3

Rü wüxi i naga nica rü ñanagürü: —¡Cori ya Tupanaca̱x penamexẽxẽ i wüxi i nama i chianexü̃wa dapetüxü̃! Rü ngẽma ínawüxü̃wa ¡rü ipeyanawe̱xãchixẽxẽ! Rü ngẽma ínadoxonexü̃wa ¡rü penagütagü nax mea yawéxü̃ca̱x! Rü ngẽma ínangüchitaeruxü̃wa ¡rü ipeyanawe̱xãchimüanexẽxẽ! Rü ngẽma ínangücureanexü̃wa ¡rü mea penaba̱i̱xmaxẽxẽ!

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Ore i mexü̃ ga Cuáü̃ ümatüxü̃ 1:23

Rü Cuáü̃ nanangãxü̃ rü ñanagürü nüxü̃: —Choma nixĩ i ngẽma duü̃xü̃ i chianexü̃wa rü taxúema íxãpataxü̃wa tagaãcü ñachaxü̃: “¡Nüxü̃ perüxoe i pecüma i chixexü̃ rü ipeyanawe̱xãchixẽẽ̱x i nama naxca̱x ya Cori!” ñachaxü̃, gumá nũxcümaü̃cü ga orearü uruxü̃ ga Ichaía nüxü̃ ixuxü̃rüxü̃ —ñanagürü.

Ore i mexü̃ ga Luca ümatüxü̃ 1:76

Rü ñanagürü ta: “Cumax, Pa Chaunex, rü Tupana ya guxü̃étüwa ngẽxmacüarü orearü uruxü̃maxã tá cuxü̃ naxugü. Erü cuma rü tá nape̱xe quixũ ya Cori nax yoxni duü̃xü̃gümaxã nüxü̃ quixuxü̃ca̱x i nachiga naxü̃pa nax ínanguxü̃.

Ore i mexü̃ ga Luca ümatüxü̃ 1:17

Rü nüma ya Cuáü̃ rü tá Cori ya Cristupe̱xegu nixũ. Rü Tupanaarü orearü uruxü̃ ga Eríarüxü̃ tá nüxü̃́ nangẽxma i Tupanaãxẽ i poraxü̃, rü tá nüxü̃ narüngü̃xẽxẽ i papagü nax naxacügümaxã nangüxmüexü̃ca̱x. Rü tá nüxü̃ narüngü̃xẽxẽ i ngẽma tama Tupanaga ĩnüechaü̃xü̃ nax Tupanaga naxĩnüexü̃ca̱x. Rü ngẽmaãcü tá duü̃xü̃güxü̃ nimexẽẽgü nax Cori ya Cristuxü̃ nayauxgüxü̃ca̱x —ñanagürü ga yema daxũcüã̱x.

Ore i mexü̃ ga Márcu ümatüxü̃ 1:3

Rü dauxchitawa i taxúema íxãpataxü̃wa rü tá nangẽxma i wüxi i duü̃xü̃ i ngéma tagaãcü ñaxü̃: ‘¡Corica̱x penamexẽxẽ i nama! ¡Naxcax peyanawe̱xãchixẽxẽ i nama!’ ” ñaxü̃.