Ore i mexü̃ ga Matéu ümatüxü̃ 3:16 - Tupanaarü Ore

¹⁶ Rü yexguma marü Cuáü̃ Ngechuchuxü̃ íbaiexẽẽguwena, rü dexáwa ínaxü̃ãchigu ga Ngechuchu. Rü yexgumatama niwãxna ga daxũguxü̃ ga naane, rü Ngechuchu nüxü̃ nadau ga Tupanaãxẽ ya Üünecü ga wüxi ga muxtucurüxü̃ nax inagoxü̃ rü nüxna nax nanguxü̃.

Ore i mexü̃ ga Matéu ümatüxü̃ 3:16 Referans Kwoze

Ichaía 11:2

Rü Cori ya Tupanaãxẽ rü guxü̃gutáma naxü̃tawa nangẽxma rü namaxã inacua̱x. Rü tá nüxna nanaxã i cua̱x nax mea naãẽxü̃ nacuáxü̃ca̱x. Rü tá nüxna nanaxã i tauxcha nax mea nügümaxã inacuáxü̃ca̱x. Rü tá nüxna nanaxã i pora rü tá nüxü̃ narüngü̃xẽxẽ nax Tupanaarü ngúchaü̃xü̃ nacuáxü̃ rü naga naxĩnüxü̃.

Ore i mexü̃ ga Márcu ümatüxü̃ 1:10

Rü yexguma dexáwa ínaxü̃ãchigu, rü Ngechuchu nüxü̃ nadau nax yangenaxü̃ ga daxũwa. Rü yema Tupanaãxẽ ya Üünecü rü wüxi ga muxtucurüxü̃ inanago, rü Ngechuchuna nangu.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Ngechuchuarü ngúexü̃gü ga yamugüxü̃arü puracüchiga 7:56

Rü yexguma rü ñanagürü: —Nüxü̃ chadau nax yango̱xnaãchixü̃ i naanetüwe, rü nüxü̃ chadau ya Tupana Nane ya duü̃xü̃xü̃ ixĩcü ya Nanatüarü tügünecüwagu chicü —ñanagürü ga Estébaü̃.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

Ichaía 59:21

Rü nüma ya Tupana rü ñanagürü: —Ñaa nixĩ i chorü uneta i ngẽma duü̃xü̃gümaxã nüxü̃ chixuxü̃: “Rü ngẽma Chauãxẽ i cuwa ngẽxmaxü̃, rü ngẽma chorü ore i cua̱xwa ngẽxmaxü̃ rü tagutáma cuxna rü cunegüna rü cutaagüna nixũgachi” —ñanagürü ya Cori ya Tupana.

Ore i mexü̃ ga Cuáü̃ ümatüxü̃ 1:51

Rü ñanagürü ta ga Ngechuchu: —Aixcüma pemaxã nüxü̃ chixu rü tá nüxü̃ pedaugü nax yawãxnaxü̃ i daxũguxü̃ i naane. Rü tá nüxü̃ pedaugü i Tupanaarü orearü ngeruü̃gü i daxũcüã̱x i ngéma ĩgüxü̃ rü írüxĩgüxü̃ i naétüwa ya Tupana Nane ya duü̃xü̃xü̃ ixĩcü —ñanagürü.

Nüxíraxü̃xü̃ ga popera ga Cuáü̃ ümatüxü̃ 5:6

Rü nüxü̃ tacua̱x nax aixcüma Tupana Nane yixĩxü̃ ya Ngechuchu. Yerü yexguma ñoma ga naanewa nayexmagu rü dexáwa ínabaiegu, rü nümatama ga Tupana nüxü̃ nixu nax Nane yixĩxü̃. Rü yexguma curuchagu nayu̱xgu rü nagü inabaãgu ga Ngechuchu, rü Tupana rü wenaxarü inanawe̱x nax aixcüma Nane nax yixĩxü̃. Rü yexgumarüxü̃ ta ga Naãxẽ ya Üünexü̃ i taguma idoraxü̃, rü tüxü̃ nüxü̃ nacua̱xẽxẽ nax aixcüma Tupana Nane nax yixĩxü̃.