Biblia Todo Logo
Bib sou entènèt

- Piblisite -




Ore i mexü̃ ga Matéu ümatüxü̃ 3:12 - Tupanaarü Ore

12 Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Gade chapit la Kopi




Ore i mexü̃ ga Matéu ümatüxü̃ 3:12
30 Referans Kwoze  

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.


Rü narümemae nixĩ i nüetama ngéma nayae ñu̱xmatáta tríguarü buxgüwa nangu. Rü ngẽxguma rü ngéma tá chanamugü i chorü puracütanüxü̃, rü tá nanabe̱xíra i ngẽma chixexü̃ i natüane. Rü tá ínanagoxü̃cüta, rü ñu̱xũchi tá ínanagu. Rü ngẽmawena tá nayabuxgü i trigu, rü chorü trigupatagu tá choxü̃́ namaxã nanguxü̃gü” —ñanagürü.


Rü nüma rü ínamemare nax yadexechiãxü̃ca̱x i norü duü̃xü̃gü ñoma trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃, rü tá ínanagu nawa ya yima üxü ya taguma ixoxü̃ne —ñanagürü.


Rü tá chanamu i norü uanügü nax ñoma trigu i buanecüwa icueate̱xexü̃rüxü̃ namaxã naxügüxü̃ i ngẽma Babiróniacüã̱x. Rü tá chanadai i norü duü̃xü̃gü nax ngẽmaãcü nangeãcumarexü̃ca̱x i norü naane. Rü ngẽma ngunexü̃ i tá naxca̱x ínanguxgu i norü guxchaxü̃, rü guxü̃cüwawa tá yima ĩaneca̱x ínayaxüãchi i norü uanügü.


Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.


Rü nüma ya Tupana Nane ya duü̃xü̃xü̃ ixĩcü, rü tá nanamu i norü orearü ngeruü̃gü i daxũcüã̱x nax norü duü̃xü̃tanüwa ínawoxü̃ãxü̃ca̱x i ngẽma duü̃xü̃gü i toguã̱xü̃ chixexü̃gu yixẽẽxü̃ rü ngẽma chixexü̃ ügüxü̃.


Natürü ngẽma duü̃xü̃gü i chixexü̃gu maxẽxü̃ rü tama ngẽmaãcü mexü̃ nüxü̃ naxüpetü. Rü ñoma maxẽ i paxü̃ ya buanecü cuenagüxü̃rüxü̃ nixĩgü.


Rü ngẽmaca̱x i choma ya Cori ya Tupana ya Guxü̃étüwa Ngẽxmacü rü ñachagürü: Guxü̃ma i chorü numaxã tá taxü̃ i guxchaxü̃ naxca̱x íchanguxẽxẽ i ñaa nachica, rü duü̃xü̃gü, rü woo naxü̃nagü, rü woo naigü i naanewa rüxügüxü̃, rü nanetügü. Rü ñoma wüxi i üxüema i tama ixoxü̃rüxü̃ tá nixĩ —ñanagürü.


Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.


Rü ñoma maxẽarü pagüxü̃rüxü̃ tá pexü̃ chawoone, rü ñaa nachixü̃anearü ĩanegüwa tá pexü̃ íchamuxü̃. Rü tá chayangenexẽxẽgü rü chayangexacüxẽxẽgü i ngẽma chorü duü̃xü̃gü. Rü tá chanadai, erü tama nüxü̃ narüxoechaü̃ i ngẽma chixexü̃ ga nagu namaxẽxü̃.


Natürü ngẽxguma taxũtáma naga pexĩnüegu i ngẽma pexü̃ chamuxü̃ rü tama penaxauregu i ngẽma ngü̃chigaarü ngunexü̃, rü ngẽxguma ngẽma ngunexü̃gu Yerucharéü̃arü ĩã̱xgüwa penanucugu i ngẽma pexwetagü, rü choma rü daa ĩanearü ĩã̱xgüwa tá chayanaixẽxẽ ya üxü ya ínaguxü̃ne ya ãẽ̱xgacüpatagü i Yerucharéü̃wa. Rü yima üxü rü taxúxetáma tüxü̃́ natauxcha nax tayaxoxẽẽxü̃”, ñachagürü —ñanagürü ya Cori ya Tupana.


Rü woo curü wocagü rü búrugü i cuanewa namaxã cupuracüxü̃ rü tá nanangõ̱xgü ya yimá baxcacü ya maxẽ rü ngẽma mea ícuexechite̱xexü̃ i trigu


Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.


Rü ngẽmaca̱x i pema rü ñoma maxẽ i paxü̃ i üxüemawa ixaxü̃rüxü̃ tá iperüxo. Rü ñoma nai i yixchúma̱xaxü̃rüxü̃ rü ñoma nachacu i waixü̃müchicute̱xe yanguxuchixü̃rüxü̃ tá pixĩgü. Erü nüxü̃ pexo i norü ngu̱xẽẽtaegü rü norü mugü ya Cori ya Iraéarü Tupana ya Üünecü ya Guxãétüwa Ngẽxmacü.


Rü yimá yatü ya poracü rü ñoma maxẽ ya ipacürüxü̃ tá nixĩ, rü ngẽma chixexü̃ i naxüxü̃ rü üxüarü ya̱u̱xraxü̃rüxü̃ tá nixĩ. Rü ngẽma taxre rü tá wüxigu niyaura, rü taxucürüwa tá texé tayaxoxẽxẽ —ñanagürü ga Tupana.


¡Rü namu i curü orearü ngeruxü̃ i daxũcüã̱x nax ínawoxü̃ãxü̃ca̱x ñoma buanecü maxẽ ya pacü ngĩãnexẽẽxü̃rüxü̃!


¿Rü ñuxgu yixĩxü̃ i nüxü̃ idauxü̃ nax ñoma maxẽ i paxü̃ i buanecü ingexü̃rüxü̃ yaxĩgüxü̃?


Natürü guxü̃ma i ngẽma duü̃xü̃gü i Tupanaga ĩnüexü̃, rü tá üa̱xcürüxü̃ inabaixgü i ngextá Tanatü ya Tupana ãẽ̱xgacü ixĩxü̃wa. Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.


Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.


Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.


Rü nüma ya Cori ya Tupana rü ñanagürü: —Ngẽxguma tá ngẽma ngunexü̃wa nanguxgu rü ngẽma Yerucharéü̃cüã̱xgü i duü̃xü̃gümaxã tá nüxü̃ chixu rü tá ñachagürü: “Wüxi ya buanecü ya naiemacü ya chianexü̃wa ne ũcü rü tá chorü duü̃xü̃gü íngẽxmagüxü̃wa nabuema. Natürü yimá buanecü rü tama tríguarü cuegüte̱xewa mecü tá nixĩ.


Rü ñanagürü ta: —Ngẽxguma ínachoxü̃gu i ngẽma chorü duü̃xü̃gü rü tá nüxü̃ nadaugü nax nayuexü̃ i ngẽma duü̃xü̃gü i chomaxã rüxuanügüxü̃. Rü ngẽma õ̱xmigü i nangõ̱xgüxü̃ rü taguma nayue, rü yima üxüema ya ínaguxü̃ne rü taguma nixo. Rü guxü̃ma i duü̃xü̃gü i ngéma chopetüxü̃ rü tá poraãcü naxã̱ũ̱ã̱xgü i ngẽxguma nüxü̃ nadaugügu —ñanagürü ga Tupana.


Rü tama nixĩ i Iraétanüxü̃maxã chanuxü̃, natürü ngẽxguma nangẽxmagügu i tama chauga ĩnüexü̃, rü choma rü tá ichayanaxoxẽxẽ ñoma tuxu rü natüane iguxü̃rüxü̃.


Rü tá üxüxétüwa nayawocu. Rü ngéma tá naxauxe rü tá nixü̃́xchapütagü.


Natürü ga Cuáü̃ rü guxãxü̃ ñanagürü: —Aixcüma i choma rü dexáwamare pexü̃ íchabaiü̃xẽxẽ, natürü tá ínangu i to i Tupanaarü orearü uruxü̃, rü nüma tá pexna nananguxẽxẽ i Tupanaãxẽ ya Üünecü wüxi i üxüemarüxü̃. Erü nüma rü choxü̃ narüyexera nax naporaxü̃. Rü choma rü nape̱xewa rü taxuwama chame rü bai i norü chapatucunüarü wẽgüwa chame.


Rü ngẽxguma trigu ipu̱xgu, rü tama poraãcü tanapu̱x nax tama yapuexü̃ca̱x. Rü ngẽxgumarüxü̃ ta i ngẽxguma ãchicuxü̃maxã napu̱xgu ya triguchire rü tama poraãcü tanapu̱x erü tama tanaxwa̱xe nax ngẽma nachicupüta yapuexẽẽxü̃.


Swiv nou:

Piblisite


Piblisite