Ore i mexü̃ ga Matéu ümatüxü̃ 3:11 - Tupanaarü Ore

¹¹ Choma rü dexáwamare pexü̃ íchabaiü̃xẽxẽ nax nüxü̃ perüxoexü̃ i pecüma i chixexü̃. Natürü yimá choweama ne ũcü rü choxü̃ narüporamaexü̃chi. Rü choma rü nape̱xewa rü taxuwama chame rü bai i norü chapatuarü ngewa chamexü̃. Rü nüma rü üxüemaãcü tá petanüwa nanamu i Tupanaãxẽ ya Üünecü.

Ore i mexü̃ ga Matéu ümatüxü̃ 3:11 Referans Kwoze

Ore i mexü̃ ga Luca ümatüxü̃ 3:16

Natürü ga Cuáü̃ rü guxãxü̃ ñanagürü: —Aixcüma i choma rü dexáwamare pexü̃ íchabaiü̃xẽxẽ, natürü tá ínangu i to i Tupanaarü orearü uruxü̃, rü nüma tá pexna nananguxẽxẽ i Tupanaãxẽ ya Üünecü wüxi i üxüemarüxü̃. Erü nüma rü choxü̃ narüyexera nax naporaxü̃. Rü choma rü nape̱xewa rü taxuwama chame rü bai i norü chapatucunüarü wẽgüwa chame.

Ichaía 4:4

Rü nüma ya Cori ya Tupana rü taxü̃ i norü ngechaü̃maxã rü norü poramaxã tá ínanapi namaxã ga yimá nagü ga Yerucharéü̃cüã̱xgü inabaxẽẽgücü, rü tá nanayaxu i norü ãũãchixü̃ i ngẽma Chióü̃cüã̱xgü i ngexü̃gü.

Ngechuchuarü ngúexü̃gü ga yamugüxü̃arü puracüchiga 1:5

Aixcüma nixĩ ga Cuáü̃ rü dexáwa duü̃xü̃güxü̃ ínabaiü̃xẽẽxü̃, natürü taxũtáma muxü̃ i ngunexü̃ nangupetü nax Tupanaãxẽ ya Üünecü tá pexna nguxü̃ —ñanagürü.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Popera ga Títoca̱x naxümatüxü̃ ga Pauru 3:5

Rü woo tama ta̱xacürü mexü̃ nax ixügüxü̃, natürü tüxü̃ namaxẽxẽxẽ yerü nüxü̃́ tangechaü̃tümüü̃gü. Rü Naãxẽ ya Üünexü̃arü poramaxã tüxü̃ namaxẽxẽxẽ, rü tüxü̃́ nanayauxgü i tórü pecadugü, rü tüxna nanaxã i ngexwaca̱xü̃xü̃ i tórü maxü̃.

1 Corintios 12:13

Rü yexguma íibaiü̃gu rü Tupanaãxẽ ya Üünecü rü wüxitama i naxü̃ne tüxü̃ nixĩgüxẽxẽ. Rü woo Yudíugü nax ixĩgüxü̃, rüe̱xna tama Yudíugü nax ixĩgüxü̃, rü woo mugüruxü̃ ixĩgügu, rüẽ̱xna taxúxeme̱xẽwa ingẽxmagügu, natürü wüxitama i naxü̃ne tüxü̃ nixĩgüxẽxẽ i nümax i Naãxẽ ya Üünexü̃ i nüxicatama ixĩxü̃. Rü guxãma i yixema rü Tupana marü tüxna nananguxẽxẽ i ngẽma Naãxẽ ya Üünexü̃.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.

Ngechuchuarü ngúexü̃gü ga yamugüxü̃arü puracüchiga 19:4

Rü yexguma ga Pauru rü ñanagürü nüxü̃: —Cuáü̃ ínanabaiü̃xẽxẽ ga yema duü̃xü̃gü ga nüxü̃ rüxoexü̃ ga nacüma ga chixexü̃ rü Tupanaca̱x daugüxü̃. Natürü yema duü̃xü̃gümaxã nüxü̃ nixu ta nax nüxü̃́ yaxõgüãxü̃ca̱x ga Ngechuchu ga naweama ne ũcü —ñanagürü ga Pauru.

Ore i mexü̃ ga Luca ümatüxü̃ 1:17

Rü nüma ya Cuáü̃ rü tá Cori ya Cristupe̱xegu nixũ. Rü Tupanaarü orearü uruxü̃ ga Eríarüxü̃ tá nüxü̃́ nangẽxma i Tupanaãxẽ i poraxü̃, rü tá nüxü̃ narüngü̃xẽxẽ i papagü nax naxacügümaxã nangüxmüexü̃ca̱x. Rü tá nüxü̃ narüngü̃xẽxẽ i ngẽma tama Tupanaga ĩnüechaü̃xü̃ nax Tupanaga naxĩnüexü̃ca̱x. Rü ngẽmaãcü tá duü̃xü̃güxü̃ nimexẽẽgü nax Cori ya Cristuxü̃ nayauxgüxü̃ca̱x —ñanagürü ga yema daxũcüã̱x.

Ore i mexü̃ ga Cuáü̃ ümatüxü̃ 1:30

Rü choma rü daa Ngechuchuchigaxü̃ nixĩ ga chixuxü̃ ga yexguma ñachagu: “Rü choweama ne naxũ ya wüxi ya chorü yexeracü, yerü nüma rü woetama nayexma ga tauta chabuxgu ga chomax”, ñachagu.

Ore i mexü̃ ga Márcu ümatüxü̃ 1:4

Rü Cuáü̃ rü chianexü̃wa ga taxúema íxãpataxü̃wa nango̱x rü yéma ínanabaiü̃xẽxẽ ga duü̃xü̃gü. Rü namaxã nüxü̃ nixu nax Tupanaca̱x nawoeguxü̃ rü ínabaiü̃xü̃ nax Tupana nüxü̃́ nüxü̃ narüngü̃maxü̃ca̱x ga norü pecadugü.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Ore i mexü̃ ga Cuáü̃ ümatüxü̃ 1:15

Rü gumáchigaxü̃ nixĩ ga yaxuxü̃ ga Cuáü̃ ga yexguma ñaxgu: —Daa nixĩ ga gumá pemaxã nüxü̃ chixuchigacü ga yexguma ñachagu: “Rü yimá choweama ne ũcü rü choxü̃ rüyexeracü nixĩ, yerü woetama marü nayexma ga tauta chabuxgu ga chomax” —ñanagürü ga Cuáü̃.

Ore i mexü̃ ga Luca ümatüxü̃ 3:3

Rü guxü̃ma ga yema naanegü ga Yudáü̃cutüarü ngaicamana yexmagüxü̃gu nixũgüchigü ga Cuáü̃. Rü duü̃xü̃gümaxã nüxü̃ nixuchigü nax nüxü̃ naxoexü̃ca̱x ga nacümagü ga chixexü̃ rü ínabaiü̃xü̃ca̱x nax yemaacü Tupana nüxü̃́ nüxü̃ rüngü̃maxü̃ca̱x ga norü pecadugü.

Ngechuchuarü ngúexü̃gü ga yamugüxü̃arü puracüchiga 8:36

Rü niñaxwetaü̃gü, rü dexá íyexmaxü̃wa nangugü. Rü ñanagürü ga yema ãẽ̱xgacü: —Nua nangẽxma i dexá. ¿Rü tama ẽ̱xna inamexü̃ nax nua choxü̃ ícubaiexẽxẽxü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 8:38

Rü yexguma ínayachaxãchixẽxẽ ga norü caru, rü wüxigu dexáchíüwa nachoü̃. Rü Ferípe ínanabaiexẽxẽ ga yema ãẽ̱xgacü.