Ore i mexü̃ ga Matéu ümatüxü̃ 26:2 - Tupanaarü Ore

² —Pema nüxü̃ pecua̱x rü taxre i ngunexü̃ nataxu nax nawa nanguxü̃ i Üpetüchigaarü peta. Rü ngẽxguma tá nixĩ iyayauxgüãxü̃ ya Tupana Nane ya duü̃xü̃xü̃ ixĩcü nax curuchawa yapotagüãxü̃ca̱x —ñanagürü.

Ore i mexü̃ ga Matéu ümatüxü̃ 26:2 Referans Kwoze

Ore i mexü̃ ga Cuáü̃ ümatüxü̃ 18:2

Rü Yúda ga yema bexma Ngechuchuxü̃ íyaxuaxü̃xü̃ rü nüxü̃ nacua̱x ga yema nachica, yerü Ngechuchu rü muẽ̱xpü̱xcüna yéma norü ngúexü̃gümaxã nangutaque̱xexü̃.

Ore i mexü̃ ga Cuáü̃ ümatüxü̃ 11:55

Rü marü ningaica ga yema Yudíugüarü peta ga Üpetüchiga. Rü yemaca̱x muxü̃ma ga duü̃xü̃gü ga nai ga ĩanecüã̱x rü Yerucharéü̃wa naxĩ nax Tupanaca̱x nügü yamexẽẽgüxü̃ca̱x naxü̃pa ga yema peta.

Ore i mexü̃ ga Matéu ümatüxü̃ 17:22

Rü yexguma norü ngúexü̃gümaxã Gariréaarü naanegu yaxũxgu ga Ngechuchu, rü norü ngúexü̃gümaxã nüxü̃ nixu, rü ñanagürü: —Tupana Nane ya duü̃xü̃xü̃ ixĩcü, rü tá duü̃xü̃güme̱xẽgu nangu.

Ore i mexü̃ ga Cuáü̃ ümatüxü̃ 12:1

Rü 6 ga ngunexü̃ naxü̃pa ga Üpetüchigaarü peta, rü Ngechuchu rü Betániawa naxũ. Rü guma ĩane nixĩ ga nagu naxãchiü̃ne ga Lácharo ga Ngechuchu wena namaxẽẽcü.

Ore i mexü̃ ga Cuáü̃ ümatüxü̃ 2:13

Rü marü ningaica ga Yudíugüarü peta ga Üpetüchiga. Rü yemaca̱x ga Ngechuchu rü Yerucharéü̃wa naxũ.

Ore i mexü̃ ga Luca ümatüxü̃ 22:15

Rü yexguma ga Ngechuchu rü ñanagürü: —Ñuxãcü poraãcü choxü̃́ nangúchaü̃ nax pemaxã chachibüxü̃ i ñaa Üpetüchigaarü õnawa naxü̃pa nax chayuxü̃.

Ore i mexü̃ ga Matéu ümatüxü̃ 27:4

Rü ñanagürü nüxü̃: —Choma rü marü chixexü̃ chaxü, erü naechita íchayaxuaxü̃ i wüxi i yatü i taxuxü̃ma i chixexü̃ üxü̃, rü ñu̱xma rü tá ngẽmagagu nayu —ñanagürü. Natürü nümagü ga ãẽ̱xgacügü rü nanangãxü̃gü, rü ñanagürügü: —Toma rü tama nüxü̃ tacuáxchaü̃ i ngẽma. Cugagutama nixĩ, rü cuma i nüxü̃ cucuáxü̃ nax ñuxãcü cugümaxã cunamexẽxẽxü̃ i ngẽma —ñanagürügü.

Ínachoxü̃xü̃chiga 34:25

Rü ngẽxguma naxü̃nagü cha̱u̱xca̱x peda̱i̱xgu rü ípenaguxgu, rü tama chanaxwa̱xe ya yimá nagü rü paũ i pu̱xẽẽruxü̃ã́xü̃maxã wüxigu choxna cunaxã. Rü ngẽxgumarüxü̃ ta tama name i to i ngunexü̃ca̱x ípeyaxüxẽxẽ i ngẽma naxü̃namachi i Üpetüchigaca̱x daixü̃.

Ore i mexü̃ ga Matéu ümatüxü̃ 10:4

Rü to nixĩ ga Chimóü̃ ga Poraãẽxü̃. Rü to nixĩ ga Yúda ga Icharióte ga bexma Ngechuchuxü̃ íxuaxü̃xü̃.

Ore i mexü̃ ga Cuáü̃ ümatüxü̃ 18:32

Rü yemaacü ningu ga yema ore ga Ngechuchu ü̃paacü nüxü̃ ixuxü̃ nax ñuxãcü tá nayuxü̃.