Ore i mexü̃ ga Matéu ümatüxü̃ 26:16 - Tupanaarü Ore

¹⁶ Rü nüma ga Yúda rü yexgumama inanaxügü ga naxca̱x nax nadauxü̃ ga ñuxãcü nüxü̃́ nax natauxchaxẽẽgüãxü̃ nax Ngechuchuxü̃ yayauxgüxü̃ca̱x.

Ore i mexü̃ ga Matéu ümatüxü̃ 26:16 Referans Kwoze

Ore i mexü̃ ga Márcu ümatüxü̃ 14:11

Rü yexguma yemaxü̃ naxĩnüegu, rü nümagü ga yema ãẽ̱xgacügü rü nataãẽgü. Rü diẽru Yúdana ngĩxü̃ naxuaxü̃gü. Rü yexgumama inanaxügü ga Yúda ga naxca̱x nax nadauxü̃ ga ñuxãcü nüxü̃́ nax natauxchaxẽẽgüãxü̃ nax duü̃xü̃güechita Ngechuchuxü̃ yayauxgüxü̃ca̱x.

Ore i mexü̃ ga Luca ümatüxü̃ 22:6

Rü nüma ga Yúda rü ngĩxü̃ nayaxu ga yema diẽru. Rü inanaxügü nax naxca̱x nadauxü̃ ga yema ora ga duü̃xü̃gü nagu taxuxü̃gu Ngechuchuxü̃ inamuxü̃ nüxna ga ãẽ̱xgacügü.

Ore i mexü̃ ga Matéu ümatüxü̃ 26:15

Rü Yúda rü ñanagürü nüxü̃: —¿Ñuxre tá choxü̃́ penaxütanüxü̃ i ngẽxguma pexü̃́ chanatauxchaxẽxẽgu nax Ngechuchuxü̃ piyauxgüxü̃ca̱x? —ñanagürü. Rü yexguma ga yema chacherdótegüarü ãẽ̱xgacügü rü 30 tachinü ga diẽru nüxü̃́ nanaxütanügü.

Ore i mexü̃ ga Matéu ümatüxü̃ 26:17

Rü nüxíraxü̃ ga ngunexü̃ ga nagu inaxügüxü̃ ga yema peta ga paũ ga ngearü pu̱xẽẽruü̃ã́xü̃ nagu nangõ̱xgüxü̃, rü norü ngúexü̃gü rü Ngechuchuca̱x naxĩ, rü ñanagürügü nüxü̃: —¿Ngextá i cunaxwa̱xexü̃ nax tanamexẽxẽxü̃ i nachica i nawa nangõ̱xgüxü̃ i õna i Üpetüchigaarü petagu? —ñanagürügü.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

1 Corintios 16:12

Rü ngẽma taenexẽ i Apóru rü poraãcü nüxü̃ chaca̱a̱xü̃ nax petanüwa íyadauxü̃ca̱x namaxã i ngẽma togü i taenexẽgü. Natürü tama ngéma naxũxchaü̃ i ñu̱xmax. Natürü ngẽxguma naxãchicagu rü tá ngéma naxũ.