Ore i mexü̃ ga Matéu ümatüxü̃ 26:12 - Tupanaarü Ore

¹² Rü ngẽma chomaxã naxüxü̃ i ñaa ngecü nax chaxunegu nabaãxü̃ i ngẽma pumara, rü chaxune i yuxü̃arü mexẽẽruxü̃ nixĩ nax ngẽmaãcü choxü̃ inata̱xgüxü̃ca̱x.

Ore i mexü̃ ga Matéu ümatüxü̃ 26:12 Referans Kwoze

Ore i mexü̃ ga Cuáü̃ ümatüxü̃ 12:7

Rü yexguma ga Ngechuchu rü Yúdaxü̃ ñanagürü: —¡Taxṹ i ngĩxü̃ cuchixewexü̃! Erü choma rü paxa tá chayu rü tá ichata̱x. Rü ngẽmaca̱x nixĩ i ngẽma pumaramaxã choxü̃ nachaxü̃.

Ore i mexü̃ ga Márcu ümatüxü̃ 14:8

Rü ñaa nge rü inaxü i guxü̃ma i ngẽma ngĩxü̃́ tauxchaxü̃, rü ngẽmaca̱x yoxni choxü̃ ipumaraxü̃ne naxü̃pa nax ichatáxü̃.

Ore i mexü̃ ga Luca ümatüxü̃ 23:56

Rü yexguma ngĩpatawa nangugügu, rü ínamexẽẽgü ga pumara rü chíxü̃. Rü irüngü̃gü ga ngü̃xchigaarü ngunexü̃gu, yerü yema nixĩ ga Tupanaarü mu.

Ore i mexü̃ ga Márcu ümatüxü̃ 16:1

Ngü̃chigaarü ngunexü̃guwena, rü María ga Madarénacüã̱x, rü Charumé, rü María ga Chantiágu naé naxca̱x itaxegü ga pumara nax namaxã nachaãxü̃ca̱x ga Ngechuchuxü̃ne.

Norü taxre ga to ga popera ga ãẽ̱xgacügüchiga ümatüxü̃ 16:14

Rü norü o̱xigü íta̱xgüxü̃gu nanata̱xgü. Rü wüxi ga nachiü̃gu nayaxǘcuchi ga naxü̃ne. Rü nüxü̃ nananucu ga naguxü̃raü̃xü̃ ga pumaragü ga iyixichixü̃. Rü yema yuetamaxü̃ ga Dabíarü Ĩanegu duü̃xü̃güxü̃ naxüxẽẽxü̃gu nanata̱xgü. Rü yemawena rü naégagu nayanaixẽẽgü ga wüxi ga taxü̃ ga üxü.

Naanearü ügüchiga 50:2

Yemawena rü yema dutúrugü ga naxü̃tawa yexmagüxüxü̃ namu nax tama nawa yayixixü̃ i ãte̱xexü̃maxã natüxünegüãxü̃ca̱x ga nanatü ga Iraé. Rü yemaacü nanaxügü ga yema dutúrugü.