Ore i mexü̃ ga Matéu ümatüxü̃ 24:1 - Tupanaarü Ore

¹ Rü yexguma Tupanapata ga taxü̃newa ínaxũũxgu ga Ngechuchu, rü norü ngúexü̃gü naxca̱x naxĩ nax nüxü̃ nawegüãxü̃ca̱x ga gumá Tupanapata ya taxü̃nearü ĩpatagü.

Ore i mexü̃ ga Matéu ümatüxü̃ 24:1 Referans Kwoze

Echequié 8:6

Rü ñu̱xũchi choxü̃ ñanagürü: —¿Marü nüxü̃ cudauxü̃ i ngẽma chixexü̃ i Iraétanüxü̃ ügüxü̃? Rü yemamaxã nixĩ ga nüxna choxü̃ yaxũgachixẽẽgüxü̃ ga guma chopata ga üünene. Rü ñu̱xma rü tá nüxü̃ cudau i to i yexeraxü̃ ichixexüchixü̃ —ñanagürü choxü̃.

Ore i mexü̃ ga Matéu ümatüxü̃ 23:39

Rü pemaxã nüxü̃ chixu rü taxũtáma wena choxü̃ pedau ñu̱xmatáta daxũguxü̃ i naanewa ne chaxũ. Rü ngẽxguma rü tá choxü̃ pedaugü rü tá ñaperügügü: “Namexẽchi ya yimá Cori ya Tupana núma namucü”, ñaperügügü tá —ñanagürü ga Ngechuchu.

Yeremía 6:8

¡Pa Yerucharéü̃cüã̱xgüx, nüxü̃ perüxoe i ngẽma chixexü̃ i pecümagü nax tama pexna chixũgachixü̃ca̱x! Erü ngẽxguma tama nüxü̃ perüxoegu rü choma rü tá pexü̃ íchawogü rü perü ĩane rü wüxi i chianexü̃ tá chayaxĩxẽxẽ —ñanagürü.

Ore i mexü̃ ga Cuáü̃ ümatüxü̃ 2:20

Rü yexguma ga yema Yudíugüarü ãẽ̱xgacügü rü nanangãxü̃gü, rü ñanagürügü: —Rü 46 ga taunecü nawa napuracüe ga duü̃xü̃gü nax naxügüã̱xü̃ca̱x ga daa Tupanapata ya taxü̃ne. ¿Rü ñuxãcü tá i cuma i tomaepü̱x i ngunexü̃ tátama wena ícunadaxẽẽxü̃? —ñanagürügü.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ochéa 9:12

Rü woo ngẽxguma yaxãxacügügu, rü choma rü tá nüxna chanayaxu i norü maxü̃ rü tá nayue. Rü ngẽxguma nüxna chixũgachigu i ngẽma Iraéanecüã̱xgü rü naxca̱x rü tá wüxi i taxü̃ i ngechaü̃ nixĩ.

Yeremía 51:61

Rü Yeremía rü Cheraíaxü̃ ñanagürü: —Ngẽxguma Babiróniawa cunguxgu rü tagaãcü tá mea nüxü̃ cudaumatü i guxü̃ma i ñaa ore i poperagu ümatüxü̃.